Yer. 8:16 - Ebaibul

¹⁶ “‘Epupyo iwon eruye a ŋaŋolei a ŋimoe a lotaun a Dan epupyo iwon ŋaŋolei kec erubakinito irukosi, ido amaraniki akwap daadaŋ. Eponito ŋimoe yok akinyasun akwap ka amunyar ŋinibore daadaŋ eyai tooma keŋ, eponito ikes akinyasun etaun yok ka ŋituŋa daadaŋ ŋulu iboiyete a nen.’

Yer. 8:16 Iomraidhean Croise

Yob 39:20

Iyoŋ mono iinakini aŋole akipor ikwa emaase a? Erae epite ŋolo erwor aŋole ŋolo ailiilon ŋolo ikitubuli.

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Yer. 10:25

“Tobukok anyunyura kon neni a ŋituŋa a ŋakwapin a ŋulu nyikiyenete iyoŋ ka neni a ŋituŋa a ŋulu nyenyarito ekiro kon, anerae amunayasi ikes ŋiletok a Yakob, amunyasi ŋiletok keŋ, emam ŋini idoŋit nakwap, eturuwosi akibois kec akoŋinait.”

Yer. 3:24

“Ameun anasoroko yok, etoŋopiyasi ŋakiro ŋuna a ŋileec ŋuna itiyao iwon ibore daadaŋ ŋini apotu atapapaa yok toryamut, ŋamesekin kec, ŋaatuk kec, ŋidwe kec ŋulusapa ka ŋulupesur.

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Yer. 30:5

Abu Ekapolon tema, “Adau akiirar akigworo ŋina ka amaran, ŋina a ekabule ka mam ekisil.

Yer. 4:24

Abu eŋoliya lomoru, okoe, amaranete, ido eiŋiiŋasi ŋikamukumukui pa awuasi aiwapei.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 47:3

Ani iirarete ikes eruye a ŋakejen a ŋaŋolei, iirarete akigoligola a ŋakejen a ŋagaari a ŋuna iritae a ŋaŋolei nyeboŋorete ŋikauruunak kaku aŋuna a ŋidwe kec, epalagagaunete ŋakan kec,

Yer. 5:17

Irikarete ikes ŋikinyom ŋulu ilemunete iyes alomanikorin kus ka akimuj kus daadaŋ, emunyarete ikes ŋidwe kus ŋulusapa ka ŋulupesur, irikarete ikes ŋamesekin ka ŋaatuk kus, irikarete ikes ŋikito kus ŋulu a epiini ka ŋiboboryo; inyasunete ikes ŋitaunio kus ŋulu eyakatar ŋaduketa ŋunajiet, ŋitaunio ŋulu sek ikinyomito iyes.

Yer. 50:42

Etiŋito ikes ŋakawo a ŋikaleŋeleŋe ka ŋakwaaras, ededeŋ ŋituŋa ŋul ka nyisyonioko. Epol eruye ŋolo ebunit aneni kec ikwaan ka eruye ka anam, emeto ikes ŋaŋolei, ŋaŋolei ŋuna icodorito esibit ŋikajiok eya lojie, eponito ikes akitijiore iyes ŋituŋa a Babilon.

Yer. 51:29

Emarani akwap ka iryaŋiryaŋa aŋuna a ŋakiro a ŋuna aseu Ekapolon akitiya nakwap a Babilon, akituruwor akwap a Babilon ereŋorot, neni emam ŋituŋa iboiyete alotooma keŋ.

Yer. 6:23

Etiŋito ikes ŋakwaaras ka ŋakawo a ŋikaleŋeleŋe, ededeŋ ikes nooi, nyisyoniyoko, epol eruye a ŋakejen kec ikwaan ka eruye a ŋakipi anam, emeto ikes ŋaŋolei ka eyakatar ŋiboro daadaŋ ŋulujiet, okoe ŋituŋa a Sion eponito ikes akirem iyes!”

Naum 3:2

Kiira, eruye ŋolo ka adaset ka eruye a ŋakejen a ŋaŋolei ta ŋolo a ŋagaari a ŋuna iritae a ŋaŋolei.

Abak. 3:10

Apotu ŋimoru tomaranikis ikiŋolikinete iyoŋ; apotu ŋakipi todout alo kidiama, apotu ŋakalele anauwata kisyakis arwore. Abu akoloŋ tojoŋo akica.

1 Ŋikor. 10:26

Anerae igiritae Nakigireta ebe, “Erae akwap ka ŋiboro daadaŋ ŋulu eya tooma keŋ ŋulu ke Ekapolon.”

1 Ŋikor. 10:28

Ani nai kikilimok iyes ituŋanan atemar, “Erae akimuj na ŋina ka amuronot a ŋina einakinitae nakujo ŋace”, nyinyama akimuj ŋin aŋuna a ituŋanan a ŋini abu itolimok iyes ka ikotere nyipodosi;

Ŋikat. 18:29

Tolimokis ikes ekiro a etaun a ŋol Dan, ekiro a papaa kec Dan a ŋolo arae lokoku a Isirael, nai arae sek ekiro a etaun a ŋol Lais.

Ŋikat. 20:1

Apotu nai Ŋisirael daadaŋ ameun alo Dan tari Bee-Seba akitodol Gilead, tocunakin daadaŋ kiŋaren Ekapolon nakibois apei alo Misipa.

Ŋikat. 5:22

Apotu nai ŋaŋolei potu erwosi ŋakejen kec icakacakaete akwap. Apotu ŋaŋolei keŋ ŋuna atironok potu eporete.