Yer. 8:14 - Ebaibul

¹⁴ “Iŋitasi ŋituŋa ŋulu ka Akuj ebasi, ‘Kaanukiro erubakinitere iwon iboiyo? Ocunakinos kaapei oloto lotaunio ŋulu eyakasi ŋaduketa ŋunajiet otwanikisi nen; anerae atubu Ekapolon Akuj yok atemar ikimunyar iwon ka ikiinak iwon akimat ŋakipi ŋuna ikiŋalakinitere, anerae ikidau iwon akisec aneni ke Ekapolon.

Yer. 8:14 Iomraidhean Croise

2 Sam. 20:6

Tema Daudi neni ka Abisai, “Epedori Seba lokoku a Biciri akitiya ŋuna aronok neni yok akilo ŋuna abu Abusalom kitiya. Torukosi ka ŋiketiyak a ekapolon kon, toloto kiwuapakis Seba, acepaki epedori iŋes akikamar aŋuna keŋ ŋitaunio ŋulu awuatae a ŋarwatatain, ido ikiŋopik iwon.”

Ŋikiru. 39:2

Abu ayoŋ eliliŋ cek nyalimu ŋakiro ŋadi, nyelimuno ŋakiro ŋadi tari ŋuna ajokak; nai apotu ŋican kaŋ kiyatakin nooi.

Ŋikiru. 69:21

Apotu ŋituŋa okoinakis ayoŋ ekitoe ŋolo aaran akilo akimuj, ani akanyami ayoŋ akure, apotu okoinakis epiini ŋolo adadaŋan akimat.

Isa. 47:5

“Iyes Ŋibabiloniyae kiboikinos ililiŋete, tolomasi nakiryonut! Nyeriŋa nabo ikinyarao iyoŋ Babilon arwosit a ŋakwapin a daadaŋ.

Yer. 14:20

Okoe Ekapolon, acamun isua asecenu kosi, acamun isua asecit atapapaa kosi, anerae ikisec isua aneni kon.

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 35:11

Nai apaki ŋina abunio erwosit Nebukadinesar ŋolo a Babilon akirem akwap, aponi isua temarae, ‘Potu oloto Yerusalem aŋuna a ŋasigarya a Ŋibabiloniyae ka ŋasigarya a Ŋiarameani.’ Ŋakiro ŋun iŋes ikiyakar tokona isua Yerusalem. ”

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Yer. 9:15

Alimu tokona Ekapolon ŋolo a ŋajoresyo Akuj a ŋituŋa a Isirael atemar ainakini ayoŋ ŋituŋa lu ekurut ŋolo a ŋakito kimuja ka ainakini ikes tomata ŋakipi ŋuna eyai ibore ŋini aaran.

Aum. 3:19

Ani ŋina atamunia ayoŋ ŋican kaŋ ka amamukau neni eboiyo, erae ŋican ŋulu apipilak ka ŋulu adwarak tel.

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Amos 6:10

Ani kebu eyenet a ŋituŋa a akai a ŋin ŋolo enukenene ŋikatwak adakar ekatwan alokai, ido kiŋit eyenet ŋol ituŋanan idio ŋini eriŋa eŋopit alotooma akai tema, ‘Eyai ituŋanan ice irukitotor iyoŋ a?’ Eboŋokini ituŋanan ŋin tema, ‘Mam.’ Eboŋokini nai eyenet ŋol ebe, ‘Okoe, nyemaikina ekiro a Ekapolon tonyarae.’

Abak. 2:20

Eyai Ekapolon Kai keŋ ŋina asegan; emaikina ŋituŋa daadaŋ anakwap kililiŋa alokiŋaren keŋ.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Mat. 27:34

inakis ikes Yesu epiini ŋolo emorikinitae ka apid; ani iiri iŋes, towou akimat.

Ŋikis. 29:18

Acepaki eyai kidiŋ kus ekile, kori aberu, kori ekal, kori ekabila, ŋolo ebatar etau keŋ anakiwuapit Ekapolon Akuj yok aŋuna ka akitiyanakin ŋakujo a ŋituŋa a ŋul. Nyemaikina eyai kidiŋ kus ituŋanan ŋini ikokini ekitoe ŋolo eyai adwaris, ido yau ŋican.

Ŋikis. 32:32

Eyaunitae ŋakito a epiini kec alokito a epiini a ŋulu alo Sodoma, alomanikorin a ŋikito a epiini a ŋulu alo Gomora, erae ŋaraito a epiini kec ŋaraito ŋuna ikiarete inyami, edwarak ŋitunene a ŋaraito kec,