Yer. 8:11 - Ebaibul

¹¹ Itiyaete ikes esibit nyeryamunito ŋituŋa kaŋ ŋican, ido ebasi, ‘Ekisil, ekisil,’ tomam bo ekisil.

Yer. 8:11 Iomraidhean Croise

1 Ŋirw. 22:13

Tema ekiyakia ŋolo eyakitae anyarare Mikaia neni a Mikaia ebe, “Kiira nu, ikwaan ŋakiro ŋuna erwor ŋikadwarak ŋuluce, erae ŋuna italakarito erwosit, kirwor iyoŋ daŋ ŋakiro ŋuna ikwaan ka ŋuna kec, ŋuna italakarito erwosit.”

1 Ŋirw. 22:6

Aŋun, abu erwosit a Isirael tonyarau ŋikadwarak ŋulu aapikinit ekimar kec ŋamiae ŋaomwon, kiŋit ikes tema, “Ekokini ai? Alosi akitijiore ŋituŋa a Ramos-Gilead, kori nyalosi?” Toboŋokis ikes temasi, “Ape, anerae ikinyakakini Ekapolon iyoŋ Ramos-Gilead.”

Yer. 14:13

Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 6:14

Nyimadete ikes ŋajemei a ŋituŋa pa emisito akitojokun, ido ebasi, ‘Emam ŋace, emam ŋace,’ tomam bo ŋuna ejokak.

Yer. 8:15

Ikiwarit iwon ekisil, nai mam ajokis aryamun, ikiitanit iwon akitaŋaleuno, nai eyakare iwon ekabule.

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Mika 2:11

Ani kebu ekalyokonon, kori emodiyanot, ido tema, ‘Akadwarakini ayoŋ iyes epiini ŋolo alalan ka ŋagwe ŋuna alalak,’ eminakinete ŋituŋa ŋul ekadwaran ŋol.”

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.