Yer. 8:10 - Ebaibul

¹⁰ Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Yer. 8:10 Iomraidhean Croise

Yob 31:10

emaikina aberu kaŋ toruwor akeryen a ituŋanan a ice ka emaikina ŋikilyok ŋice toloma iŋes.

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 32:32

aŋuna a ŋiticisyo a ŋulu aronok a ŋulu itiyaete ŋituŋa a Isirael ka ŋituŋa a Yudaya, ŋiticisyo ŋulu eketoŋoeta ikes ayoŋ, ŋulu apotu ikes kaapei ka ŋirwosi ŋikapolok, ŋisacaradotin, ŋikadwarak ka ŋituŋa ŋulu iboiyete a lo Yudaya ka ŋulu iboiyete alo Yerusalem.

Yer. 38:22

Abu ayoŋ eŋolik anakiruja ŋaberu daadaŋ ŋuna edoŋito kai ke erwosit a Yudaya erikoryo kiŋa neni a ŋikapolok a erwosit a Babilon ebasi, ‘Apotu ŋikonei ŋuluminan a erwosit tomodiyasi erwosit, apotu kilopiyasi iŋes anapolou. Aŋuna tokona epokia ecoto ŋakejen kon, ikimyekis ikes iyoŋ. Tokona a ŋina emiidikinotor ŋakejen a erwosit locoto emyekis ŋikonei keŋ iŋes.’

Yer. 42:1

Apotu nai ŋikarikok daadaŋ ŋulu a ŋajorei ka Yoanan lokoku a Karea, Asaria lokoku a Osaia ka ŋituŋa daadaŋ ameun a ŋulucaryo tari ŋulu etopolooritae toloto

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Mika 2:4

Ŋina edolunio apaki ŋin, isitiyate ŋituŋa ŋatyokisyo ŋuna ipotu iyes toryamut, ikikyenatar iyes eosi, etemarete, ‘Ikimunaar isua jik, alema Ekapolon akwap kosi, ainaki neni a ŋulu apotu itorikosi isua ikirae ŋirikon.’ ”

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mika 3:5

Ŋakiro ŋuna irworo Ekapolon ikes nu, “Amodiyanakis ŋikadwarak ŋituŋa kaŋ, anerae iiyanakinete ikes ekisil neni a ŋulu isimujete ikes, nai iiyanakinete ejie neni a ŋulu nyisimujete ikes.

Abak. 1:6

Ainakini ayoŋ ŋituŋa a Babilon apedor ŋinakipukaet, ainakini apedor lotuŋa ŋul ŋulu aryenyaanak, ŋituŋa ŋul nyiyeŋununeete. Elosete ikes etubete akwap, aŋuna ka akikamanar ŋakwapin toruworos ŋuna kec.

Sepan. 1:13

Eŋatarete ŋituŋa ŋuluce ŋiboro kec, ebwaŋabwaŋaaryo ŋakais kec. Edukokinete ikes ŋakais, nai nyiboikinosi ikes nakais ŋun; edupakinete ikes ŋikito ke epiini; nai nyemasete epiini a ŋikito a ŋul.”

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

Tito 1:7

Ikwapei eraakar ekarikon ŋolo a Ŋikristo epolokinit etic ŋolo ka Akuj, itemokino iŋes pa itoronitae. Nyitemokino iŋes ituro kori epatana akiŋo kori emerana kori eryenyaana kori erorokana alosiliŋa.