Yer. 8:1 - Ebaibul

¹ “Alimu Ekapolon atemar, apaki ŋin, elemunio analyalin ŋakoyo a ŋirwosi a Yudaya, ŋakoyo a ŋikapolok, ŋakoyo a ŋisacaradotin, ŋakoyo a ŋikadwarak ka ŋakoyo a ŋituŋa a ŋulu eboiyete alo Yerusalem,

Yer. 8:1 Iomraidhean Croise

1 Ŋirw. 13:2

Kisera ekile ŋol akirot ke Ekapolon ŋina etoroniyarit Namuroet ŋina alo Besel tema, “Okoe Namuroet, Namuroet, ebala Ekapolon ebe, ‘Idounio ikoku ŋinisapat alokal a Daudi enyarao ekiro keŋ Yosia, eŋolikini iŋes kidiama kon ŋisacaradoti ŋulu a ŋakiboisyo aŋunamukur ŋulu tokona icunyete ekinyate alo kidiama kon eruwor ŋakoyo a ŋituŋa icunyo alo kidiama kon.’ ”

2 Ŋirw. 23:16

Apaki ŋin, toboboŋ Yosia kiŋolik ŋalyalin ŋuna aya epeiwae emukura. Kiyakiya iŋes ŋituŋa alosit akipudunun ŋakoyo kiŋa. Abu iŋes kicunyak ŋakoyo ŋun anamuroet a ŋina ayai nen, ikotere inyasi namuroet ŋin lopite ŋolo alimokinitor Ekapolon iŋes anakituk a ŋina ke ekadwaran a ŋolo abu todwar ŋakiro ŋun. Ani eyakaun ŋasuban, abu Yeroboam towo alodiyete namuroet, kireo neni ayai alyal ŋina ke ekadwaran a ŋolo kedwari ŋakiro ŋun.

2 Ŋirw. 23:20

Toar iŋes ŋisacaradotin ŋulu a ŋaduketa aŋuna aya nenimukur a nen daadaŋ, tosodi kicunyak ŋakoyo a ŋituŋa alokidiama ŋamuroeta ŋun. Toboŋo nai Yerusalem.

2 Ŋirw. 9:37

Iledario akuwan a Yesebel alo Yesireel kikok aoret, ido todaun epite ŋolo eyenunia ituŋanan idio atemar erae iŋes Yesebel.’ ”

Ŋikiru. 53:5

Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Esek. 37:1

Abu apedor ŋina ke Ekapolon bu neni kaŋ, abu etau a Ekapolon okoya ayoŋ ekewuak kidiŋ akadipaalat; eleleba ŋakoyo nakadipaalat ŋin.

Esek. 6:4

Eukonoryo ŋamuroeta ŋuna edukitoe neni kus, ebwaŋabwaŋaaryo ŋamuroeta ŋuna icunyere ekinyate aneni kus ka aari ayoŋ ŋituŋa kus alokiŋaren ŋakujo kus.

Esek. 6:5

Eperikini ayoŋ ŋalyalin a Ŋisirael kiŋaren ŋakujo kec; ido eelak ŋakoyo kus kirimokis ŋamuroeta kidiŋ.

Amos 2:1

Alimu Ekapolon ŋakiro nu ebe, “Aŋuna arubakiniata ŋituŋa a Moab itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kicunya ŋakoyo a erwosit ke Edom toruwor ekuron.