Yer. 7:28 - Ebaibul

²⁸ Ilimokini iyoŋ ikes atemar, erae lu ŋituŋa ŋulu apotu nyiwuapa ŋakiro ŋuna alimunit Ekapolon Akuj kec, apotu daŋ toŋero akitatamun tojokyata, aŋopiyasi ŋakiro ŋuna a kire, mam ŋakiro ŋun anakituka kec.

Yer. 7:28 Iomraidhean Croise

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 50:17

Toŋerito bo ŋakiro ŋuna abala ayoŋ kiwuapa, ido ikoŋete imanete ŋakan kaku iŋerito ŋakiro kaŋ.

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Isa. 30:9

anerae erae ikes ŋituŋa ŋulu aŋerok, ŋidwe ŋulu emam akikinyomit eyakatar, ŋidwe ŋulu nyepupete ŋakiro ŋuna itatami Ekapolon,

Yer. 11:10

Aboŋokis ikes akitiya ŋuna aronok lopite ŋolo etiyaata atapapaa kec alorwa a ŋulu a koloŋ, apotu atapapaa kec toŋero akiwuap ŋakiro kaŋ. Aloto ikes akitiyanakin ŋakujo ŋace. Aŋero ŋituŋa a Isirael ka ŋituŋa a Yudaya acamunet ŋina abu ayoŋ ocamunotor ka atapapaa kec.

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 6:17

Abu daŋ ayoŋ oseu aŋuna kus ŋiketeok akwap okolimok iyes ebe, ‘Totenito akiirar eruye amomwara a emesek!’ Nai apotu ŋituŋa temasi, ‘Nyetenio isua.’

Yer. 6:28

Erae ikes daadaŋ ŋituŋa ŋulu isyaaka ka eŋeroko, erukito ikes ka ŋikeyanyak, egogoŋ ŋakyes kec ikwaan ka eburonis ka asuwat, itiyaete ikes daadaŋ ka atuna.

Yer. 6:8

Okoe ŋituŋa a Yerusalem, tocoikisi ŋuna itiyaete iyes, ani pa kilocokis iyes ŋipitesyo kus, ekemyekini ayoŋ iyes, eturuwo etaun kus aloŋisat neni emam ŋituŋa eya.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Sepan. 3:2

Mam ipei daŋ ŋini iira iyoŋ ŋakiro keŋ; nyecamuna iyoŋ ŋuna ebookoi toesik. Nyikinyoma iyoŋ neni ke Ekapolon; nyeapuuna iyoŋ neni ke Ekapolon kon.”

Sepan. 3:7

Abu ayoŋ olimok etaun ŋol atemar, Kire jik, ikikeri iyoŋ ayoŋ, icamuni ŋuna sek iŋerit; nyikimuryakinete iyoŋ ŋuna daadaŋ adau ayoŋ alimokin iyoŋ. Nai eriŋa iŋes elelyanikinit akitiya ŋuna aronok lopite ŋolopei sek etiya.”