Yer. 7:26 - Ebaibul

²⁶ nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Yer. 7:26 Iomraidhean Croise

1 Ŋirw. 14:22

Apotu ŋituŋa a Yudaya daŋ kitiyata ŋuna aronok alokiŋaren Ekapolon, apotu ikes kitiyata ŋuna aronon nooi akilo ŋuna etiyato atapapaa kec.

1 Ŋirw. 14:9

Itiya iyoŋ ŋuna aronok, akilo ŋituŋa daadaŋ ŋulu ke ekiŋaren. Itiyau iyoŋ aŋuna kon ŋakujo ŋace, ŋakujo ŋuna itiyaunitae a ŋasuwa; ikitoŋoo iyoŋ ayoŋ ka ikimana kaku kon.

2 Ŋirw. 17:14

Nai apotu nyiirasi, towout icasito lopite ŋolopei ecasitotor atapapaa kec akiirar. Apotu atapapaa kec towout akinup ŋakiro ŋuna ke Ekapolon Akuj kec.

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

2 Ŋakiro a ŋirwa 30:8

Nyitogogoŋo tokona ŋakyes kus lopite ŋolo etogogoŋitotor atapapaa kus, nai inakinos neni ke Ekapolon, potu nakibois keŋ ŋina asegan, ŋina adau iŋes akitaleun ŋikaru ka ŋikaru, ido kitiyanakis Ekapolon Akuj kus, ikotere elemari iŋes aŋoit keŋ ŋina aryenyaanan aneni kus.

2 Ŋakiro a ŋirwa 33:10

Abu Ekapolon kirwor neni a Manase ka ŋituŋa keŋ, nai apotu ikes nyecamut ŋuna erworo Ekapolon.

2 Ŋakiro a ŋirwa 33:23

Abu Amon nyitiditeun bon aneni ke Ekapolon ikwa papa keŋ, abu kitalala asecit keŋ.

Neem. 9:29

Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Isa. 5:4

Anibore ice eitana kitiyae lomanikor kaŋ ŋolo a ŋikito a epiini, ŋini abu ayoŋ nyetiya? Ani apaki ŋina eitanitor ayoŋ ŋaraito ŋuna ajokak, kaanukiro araunia iŋes ŋaraito ŋuna aronok?

Yer. 11:8

Nai apotu ikes nyiwuapa ŋakiro kaŋ, kori nyepupokis ŋuna erworo ayoŋ, nai abu ŋinituŋanan anakisyaanu kiwuap acamit keŋ ŋina aronon. Aŋun, abu ayoŋ oyau neni kec ŋakiro a acamunet a na, ŋakiro ŋuna abu ayoŋ olimok ikes kiwuapa, nai apotu ikes nyitiyata ŋun.”

Yer. 16:12

ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 22:21

Abu ayoŋ erwor neni kus apaki ŋina iyakatar iyes najokis, nai ipotu iyes temasi, ‘Nyikiirari isua.’ Itiyata iyes lopite ŋol ŋinapei anasorokanut kus, nyiwuapa iyes ŋakiro kaŋ.

Yer. 25:3

Ŋakiro ŋun ikes nu: Ameun alokaru a ŋolo a ŋitomon ka ŋiuni ipukat Yosia lokoku ka Amon a ŋolo a Yudaya tari nakoloŋit na, erae tokona ŋikaru ŋatomoniarei ka ŋiuni, erwor Ekapolon ŋakiro keŋ neni kaŋ ka adau ayoŋ akirwor ŋakiro ŋun neni kus ŋinapaki daadaŋ, nai nyiirara iyes.

Yer. 25:7

Nai nyiwuapa iyes ŋakiro kaŋ, aŋun ikitoŋoa iyes ayoŋ a ŋiboro kaŋ, aŋun ikitoŋoa iyes ayoŋ a ŋiboro a ŋulu itiyaununeete iyes a ŋakan kus, ŋakiro ŋun ikiinakis iyes ŋican.

Yer. 26:5

pa kiirasi ŋakiro a ŋiketiyak kaŋ a ŋikadwarak a ŋulu eyakuununui ayoŋ neni kus atipei, a ŋulu nyiirara iyes ŋakiro kec,

Yer. 29:19

anerae apotu ikes nyiwuapa ŋakiro kaŋ apaki ŋina eyakikinitor ayoŋ ikes ŋiketiyak kaŋ ŋikadwarak, nai apotu ikes nyiirasi ŋakiro kaŋ.

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 34:14

‘Ani edolete ŋikaru ŋikanikaarei, emaikina ituŋanan ŋini erae Iburaniyat daadaŋ ŋini keponi ikigyelakin iyes ka ŋini adau akitiyanakin iyes alotooma ŋikaru ŋikanikapei, tolacakinae anakitiyanakin iyes.’ Nai apotu atapapaa kus nyiwuapa ŋakiro kaŋ kori nyepupokis daŋ ŋakiro kaŋ.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 35:17

Aŋun, ŋakiro ŋuna alimu Ekapolon Akuj ŋina a ŋajoresyo, Akuj ŋina a Ŋisirael ikes nu, ‘Alosi ayoŋ ayaun lotuŋa a Yudaya ka lotuŋa daadaŋ ŋulu iboiyete alo Yerusalem ŋican daadaŋ ŋulu adau ayoŋ alimun aŋuna kec, anerae erwor ayoŋ neni kec, nai nyiirara ikes, anyara ayoŋ ikes, nai nyeboŋokino ikes ayoŋ.’

Yer. 44:16

“Nyikicamuni isua akiirar ŋakiro ŋuna idau iyoŋ alimokin isua alokiro ke Ekapolon.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 6:10

Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Yer. 6:17

Abu daŋ ayoŋ oseu aŋuna kus ŋiketeok akwap okolimok iyes ebe, ‘Totenito akiirar eruye amomwara a emesek!’ Nai apotu ŋituŋa temasi, ‘Nyetenio isua.’

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Yer. 9:13

Irworo Ekapolon ebala, “Aŋuna emyekiniata ikes akiwuap ŋikisila kaŋ ŋulu abu ayoŋ oinak ikes ka aŋuna aŋerito ikes akiwuap ŋakiro kaŋ, kori aŋerito akiwuap ŋuna atubunit ayoŋ,

Esek. 12:2

“Lokoku a ituŋanan, iboiyete iyoŋ ka ŋituŋa ŋulu akaŋerito ayoŋ. Eyakatar ikes ŋakonyen akiŋolikinia, nai nyiteete, eyakatar ikes ŋaki akiirarya, nai nyepupete, anerae erae ikes ŋituŋa ŋulu nyiwuapio ŋuna abala ayoŋ.

Esek. 12:3

Aŋun, lokoku a ituŋanan, kitemonok ŋiboro kon ikwapei ituŋanan ŋini ikiritaritae iwace, ido emaikina torotok eriŋa akoloŋ nyedoiyoro ka ikiteete iyoŋ ŋituŋa. Emaikina iyoŋ torotok anakibois kon tolot nakibois ace ikoni ituŋanan ŋini iritaritae anakibois keŋ. Acepaki eyenunete ikes ŋuna ikitorotokis iyoŋ tari daŋ kerae ikes ŋituŋa ŋulu nyiwuapito ŋuna abala ayoŋ.

Esek. 20:30

Aŋun tolimok Ŋisirael atemar, iŋita Ekapolon Akuj ŋakiro nu, ‘Imunaarete kire iyes ŋawat kus lopite ŋolo aponiata atapapaa kus kitiyaata a? Iwuapete iyes ŋakujo ŋuna apotu ikes kiwuapa a?

Dan. 9:6

nyepupokina isua ŋakiro ŋuna irworosi ŋiketiyak kon ŋikadwarak, ŋulu apotu kirworo alokiro kon neni a ŋirwosi kosi, a ŋikarikok, atapapaa kosi ka neni a ŋituŋa a daadaŋ a ŋulu ka akwap a na.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Sakar 7:11

Nai apotu ŋituŋa towout akiirar ŋun, apotu nyecamut akiwuap ŋakiro kaŋ.

Mal. 3:7

Akisyakin ŋinapei koloŋ alorwa atapapaa kus, iŋero iyes ŋikisila kaŋ nyiwuapito ikes. Toboŋutu neni kaŋ, ido aboŋuni ayoŋ neni kus. Nai iŋitasi iyes ibasi, ‘Alipite ikiboŋunio isua?’ ”

Mat. 21:38

Nai ani iŋolikinete ŋiketeok emanikor lokoku ke elope emanikor, kirworiut make temasi, ‘Lokoku keŋ ŋol. Potu oara iŋes eruma iwon emanikor ŋolo ke epiini!’

Mat. 23:32

Kitiyata nai kirikakis ŋunapei koloŋ etiyaete atapapaa kus.

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

Ŋikis. 8:20

Imunyarosi iyes lopite ŋolo amunyarotor ŋituŋa a ŋakwapin ŋulu amunyari Ekapolon alokiŋaren kus, anerae nyiwuapa iyes ŋuna alimu Ekapolon Akuj kus.