Yer. 7:24 - Ebaibul

²⁴ Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Yer. 7:24 Iomraidhean Croise

Neem. 9:29

Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Yer. 13:10

Ikwaanikonosi ŋituŋa ŋul ka elou ŋolo enapitae anacir ŋol ŋolo emam nabo ajokis eyakar. Erae ŋituŋa ŋul ŋulu itiyaete ŋuna aronok, awout akiwuap ŋakiro kaŋ ka anakisyaanu kec ewuapa ŋuna ecamito ikes, alot daŋ akilipenen neni a ŋakujo a ŋace ka akitiyanakin ikes.

Yer. 13:11

Ikwaŋina imidiikinor nacir a ituŋanan elou ŋolo enapitae anacir abu ayoŋ eturuwo ŋituŋa a Isirael ka ŋituŋa a Yudaya daadaŋ ŋulu imidikina neni kaŋ, ikotere eruworotor ikes aŋuna kaŋ ŋituŋa kaŋ, eryamuna ekiro kaŋ akipuro ka apolou, nai apotu ikes nyiwuapa ŋakiro kaŋ.”

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 16:12

ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 17:9

“Emodiyana etau akilo ŋiboro daadaŋ, nyepatana akitojokun, ŋae epedori ayenun iŋes?

Yer. 18:10

nai kitiyata ikes ŋuna aronok alokiŋaren kaŋ, nyiwuapa ŋakiro kaŋ, ŋun nai atamya nabo ayoŋ erae kacamit akitiya ŋuna ajokak ŋuna sek acamunit ayoŋ akitiyakin.

Yer. 18:12

Nai ebasi Ŋisirael irworosi, “Mam ajokis eyai! Iwuapyo isua ŋayeuniata kosi ka itiyae isua ŋinituŋanan ŋuna aronok iwuapitae acamit kosi ŋina aronon.”

Yer. 2:27

ŋulu ebasi neni a ekitoe ebe, ‘Irae iyoŋ papa kosi’ ka neni a amoru ebe, ‘Iyoŋ ikiuruuni isua’ Irworosi ikes ŋun, anerae akamuleno ikes ayoŋ ka nyeketeete ikes ayoŋ. Nai apaki ŋina eyakatar ikes locan elimunete ikes ebe, ‘Bua, toiunae isua.’

Yer. 22:21

Abu ayoŋ erwor neni kus apaki ŋina iyakatar iyes najokis, nai ipotu iyes temasi, ‘Nyikiirari isua.’ Itiyata iyes lopite ŋol ŋinapei anasorokanut kus, nyiwuapa iyes ŋakiro kaŋ.

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 3:17

Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Yer. 8:5

Kaanukiro nai aoliyoreta ŋituŋa lu tomam aboŋun? Emiidikin ikes nalyokonu, awout jik aboŋun.

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:16

Aŋuna aponiata ikes toŋero akiwuap ŋuna abala ayoŋ ikes kiwuapa ka apotu nyiwuap ŋikisila kaŋ, ido apotu tojamuwasi akoloŋit kaŋ ŋina a Sabato, apotu ikes kikinyoma ŋakujo.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Dan. 9:6

nyepupokina isua ŋakiro ŋuna irworosi ŋiketiyak kon ŋikadwarak, ŋulu apotu kirworo alokiro kon neni a ŋirwosi kosi, a ŋikarikok, atapapaa kosi ka neni a ŋituŋa a daadaŋ a ŋulu ka akwap a na.

Osea 10:6

Eaaryo etorube ŋol Asiriya, ikwapei ocur neni ke erwosit a ŋolo apolon. Isirumio ŋituŋa a Epuraim ŋileec ka irumete ŋituŋa a Isirael ŋileec aŋuna a etorube a ŋolo ka akuj kec.

Osea 4:16

Isyaana Isirael lopite ŋolo isyaania ataok. Epedori tokona Ekapolon akitan ikes lopite ŋolo iyokiyere ikale ŋinimesek a neni elolom, neni eya ŋinya.

Mika 6:16

anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Sakar 7:11

Nai apotu ŋituŋa towout akiirar ŋun, apotu nyecamut akiwuap ŋakiro kaŋ.

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),