Yer. 7:22 - Ebaibul

²² anerae akoloŋit ŋina ayaunia ayoŋ atapapaa kus anakwap a Ijipit, nyelimokina ayoŋ ikes, kori nyicikakina ayoŋ ikes ŋakiro ŋadi ŋuna a ŋainakineta a ŋuna epeyo ka ŋuna a ŋamuronisya.

Yer. 7:22 Iomraidhean Croise

Ŋikiru. 40:6

Nyicamit iyoŋ ŋamuronisya ka ŋainakineta, nai ikiinak ayoŋ ŋaki ŋuna eŋaara eirarya ŋakiro kon ewuap. Nyiitana iyoŋ ŋainakineta ŋuna epeyo ka ŋainakineta ŋuna ka asecit.

Yer. 32:30

Mam ŋakiro ŋuna ajokak ŋuna etiyata ŋituŋa a Isirael ka ŋulu a Yudaya, nai ŋakiro ŋuna aronok bon etiyata ikes alokiŋaren kaŋ, ameun ŋina pei erae ikes ŋisorok, mam ŋakiro ŋuna ajokak ŋuna etiyata ŋituŋa a Isirael, nai eketoŋoa ayoŋ a ŋiboro a ŋulu itiyaete ikes a ŋakan kec.

Osea 6:6

anerae acamit ayoŋ aneni kus amina ŋina nyiryaŋiryaŋa, meere amuronot; acamit ayoŋ iyes itoyenut Akuj akilo ayaunun neni keŋ ŋainakineta ŋuna epeyo.

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Mar. 12:33

ka aminakin iŋes a etau a daadaŋ ka a ŋatameta a daadaŋ, ta a agogoŋu a daadaŋ; nabo ka aminakin ekidunyet ikwaŋina eminar ituŋanan akeekuwan, iloit ŋipeyosinei ka ŋamuronisya daadaŋ.”

Ŋikis. 17:3

aŋuna alosyo akitiyanakin ŋakujo ŋace ka akilip neni kec, kerae neni ka akoloŋ, kori, a elap, kori a ŋiboorei ca daadaŋ ŋulu eya kidiama, a ŋulu nyakacamakinit ayoŋ iyes kilipa neni kec,

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,