Yer. 7:21 - Ebaibul

²¹ “Irworo Ekapolon ŋolo a ŋajoresyo Akuj ŋina a Ŋisirael atemar kiyatakisi ŋainakineta kus namuronisya kus ka tonyama akiriŋ,

Yer. 7:21 Iomraidhean Croise

Ŋikiru. 50:8

Meere aŋuna a ŋamuronisya kus eketoŋoitor ayoŋ iyes, kori aŋuna a ŋainakineta kus a ŋuna epeyo a ŋuna iyaunenete iyes kiŋaren kaŋ jwi jwi.

Isa. 43:23

Nyeyauna iyes neni kaŋ ŋamesekin kus ikwapei ŋainakineta ŋuna epeyo, kori nyikitopolooro iyes ayoŋ a ŋamuronisya kus. Nyicana ayoŋ iyes a ŋainakineta, kori nyituupa ayoŋ iyes anainakin ayoŋ ekinyate.

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Esek. 33:25

Aŋun, tolimok ikes ebe, ‘Alimu Ekapolon Akuj atemar, inyamete iyes akiriŋ eyakasi ŋaokot, ido erae neni a ŋakujo ikinyomito iyes ka iarete ŋuluce; ipedorete kire iyes aryamun akwap ŋina eruwor ŋina kus a?

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Ŋikis. 12:27

Emaikina iyes inakis ŋainakineta kus ŋuna epeyo akiriŋ kaapei ka ŋaokot namuroet ŋina ke Ekapolon Akuj kus, nai ŋaokot ŋuna a ŋamuronisya kus a ŋunace tobukokisi kwap diyete namuroet ŋina ke Ekapolon Akuj kus, ido ipedorete iyes akinyam akiriŋ.