Yer. 7:20 - Ebaibul

²⁰ Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Yer. 7:20 Iomraidhean Croise

2 Ŋirw. 22:17

Aŋuna akaŋerioto ikes ayoŋ ka aŋuna ainanakiniata ŋainakineta neni a ŋakujo a ŋunace. adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

Isa. 10:17

Eruwor Akuj ŋina erae akica a Isirael akim, eruwor Akuj ŋina asegan ŋina a Ŋisirael arira a akim ka enomiyari ŋikukwa keŋ alotooma akoloŋit apei.

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Yer. 11:16

Ikinyarit koloŋ Ekapolon iyes ebe, “Ekitoe ka Olipa ŋolo aliban, ekitoe ŋolo ibus ŋolo eyakar ŋaraito ŋuna ajokak. Nai anaŋoit keŋ a ŋina apolon, ikimunyari iŋes iyes, lopite ŋolo enomya akim ekitoe tonomiya ŋaten keŋ daadaŋ.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Yer. 18:23

Okoe Ekapolon, iyeni iyoŋ atemar atukut ikes akiar ayoŋ. Nyisyon ikes anasecit kec, nyiesik akisican ikes aŋuna ka asecit kec. Kimyek kilounae ikes alokiŋaren kon; kisican ikes apaki ŋina iŋoitor iyoŋ.”

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 44:6

Aŋun, abu anyunyura kaŋ ka aŋoit kaŋ toyakaun lotaunio a Yudaya daadaŋ ka lorotin a Yerusalem, apotu ŋitaunio ŋul toruworos ŋicaryo ka ŋireŋoroto lopite ŋolo eyakatar tokona.

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Yer. 6:12

Eruworosi ŋakais kec ŋuna a ŋituŋa a ŋice, ŋimanikorin kec daŋ eruworosi ŋulu a ŋituŋa a ŋice, ŋaberu kec daŋ eruworosi ŋuna a ŋituŋa a ŋice, anerae esicani ayoŋ ŋituŋa ŋulu ka akwap a Isirael.

Yer. 8:13

“Apaki ŋina acamitor ayoŋ acunun ikes, apotu ikes kikwaanikin ka ekitoe a epiini ŋolo emam ŋaraito, apotu ikes kikwaanikin ka ebobore ŋolo emam ŋaboboryo, ŋolo einiyarito tari ŋakuii, ido ŋuna abu ayoŋ oinak ikes, adaunosi aneni kec.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 22:22

Lopite ŋolopei etalanarere esilipa alokitet, iyes daŋ ikitalaryo alo Yerusalem ka iyenunete iyes atemar ayoŋ Ekapolon abuku anyunyura kaŋ neni kus.”

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Esek. 7:14

Adaut ŋituŋa akutakin amomwara, adaut ŋituŋa akitemokin ŋiboro daadaŋ aŋuna ke ejie; nai mam ŋini alot lojie, anerae eyai anyunyura kaŋ neni a ŋinituŋanan.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Sepan. 1:2

Tema Ekapolon, “Amunyari ayoŋ ibore daadaŋ ŋini eyai nakwap.

Sepan. 1:3

Amunyari ayoŋ ŋituŋa ka ŋibaren ta ŋityaŋ, amunyari ayoŋ ŋikyeny ka ŋikolya. Esipiyori ayoŋ ŋulu aronok epite ŋolo eyaryata. Amunyari ayoŋ ŋituŋa anakwap.

Sakar 7:12

Apotu kitogogoŋo ŋakyes kec ikwa ŋatabab, todaun epite ŋolo iiraryata ŋikisila kori ŋakiro ŋuna abu Ekapolon ŋolo Etiron kiyakiu alotooma Etau keŋ alorwori a ŋikadwarak a ŋulu esyaunak. Aŋun, abu Ekapolon ŋolo Etiron toŋo nooi.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.