Yer. 7:18 - Ebaibul

¹⁸ Ikeyenete ŋidwe ŋikito, kinokakis atapapa akim, tomunaut ŋaberu ŋakirya akipounio ŋamugati aŋuna a arwosit a ŋina alokidiama ka eyaanarete ŋainakineta ŋuna a ŋimaten neni a ŋakujo a ŋace aŋuna ka akitoŋoya ayoŋ.

Yer. 7:18 Iomraidhean Croise

1 Ŋirw. 14:9

Itiya iyoŋ ŋuna aronok, akilo ŋituŋa daadaŋ ŋulu ke ekiŋaren. Itiyau iyoŋ aŋuna kon ŋakujo ŋace, ŋakujo ŋuna itiyaunitae a ŋasuwa; ikitoŋoo iyoŋ ayoŋ ka ikimana kaku kon.

1 Ŋirw. 16:2

“Abu ayoŋ eketopoloo iyoŋ anaraakau ecaryoit, eketuruwo ekapolon a ŋituŋa kaŋ a Ŋisirael, nai iwuap iyoŋ ŋuna etiyat Yeroboam ka irikok ŋituŋa kaŋ Ŋisirael nasecit, ido ikitoŋo iyoŋ ayoŋ aŋuna a ŋasecisya kec.

Ŋikiru. 16:4

Ikes ŋulu eseunete akiwuap ŋakujo ŋace iasete ikes akiyaloloŋ kec; nyalosi ayoŋ neni emurotor ikes; nyelipi ayoŋ neni a ŋakujo kec.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 57:6

Eyakasi ŋakujo kus neni eya ŋamoru ŋunasulut anayona, ŋakujo ŋun ikes iŋatarito iyes; iinanakinete iyes ikes ŋainakineta ŋuna a ŋimaten, iyaasi iyes neni kec ŋainakineta ŋuna a ŋikinyom. Apedori mono ayoŋ alakar aŋuna a ŋakiro a ŋun a?

Isa. 65:11

Nai ani eruwor iyes ŋulu iŋerito Ekapolon, ŋulu ikimuryak emoru kaŋ ŋolo asegan iyes ŋulu ilipete neni a ŋakujo ŋuna a ŋabaatyo ka ŋuna a ŋakiro a ŋuna etakanunete,

Isa. 65:3

a ŋituŋa a ŋulu erubakinito itiyaete aronis alokiŋaren kaŋ, a ŋulu earete ŋamuronisya alomanikorin ka einanakinete ekinyate namatapali;

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 11:17

Atubu Ekapolon ŋolo a ŋajoresyo akisicanio kus aŋuna a ŋakiro a ŋuna aronok aŋuna etiyata ŋituŋa a Isirael ka ŋituŋa a Yudaya, apotu ikes eketoŋoa ayoŋ aŋuna ainanakiniata ŋainanakineta neni a Baal.”

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Yer. 19:13

Itoroniyaryo ŋakais a Yerusalem ka ŋakais a ŋirwosi a Yudaya, lopite ŋolo etoroniyarere Topes, itoroniyaryo ŋakais daadaŋ ŋuna aponi inakinae ŋainakineta alokidiama kec neni a ŋiboorei a ŋulu alokidiama ka neni ainanakinere ŋainakineta ŋuna a ŋimaten neni a ŋakujo a ŋace.’ ”

Yer. 25:7

Nai nyiwuapa iyes ŋakiro kaŋ, aŋun ikitoŋoa iyes ayoŋ a ŋiboro kaŋ, aŋun ikitoŋoa iyes ayoŋ a ŋiboro a ŋulu itiyaununeete iyes a ŋakan kus, ŋakiro ŋun ikiinakis iyes ŋican.

Yer. 32:29

Epote Ŋibabiloniyae ŋulu itijiete ŋituŋa a etaun a lo, inokakinete akim kicunyakis etaun, icunyarete ikes ŋakais ŋuna ainanakinere alokidiama kec ŋainanakineta neni a Baal ka ainanakinere ŋainakineta a ŋimaten neni a ŋakujo a ŋunace, ŋakiro ŋuna apotu eketoŋoa ayoŋ.

Yer. 44:25

Alimu Ekapolon ŋolo a ŋajoresyo, Akuj a Ŋisirael atemar, Itiyata iyes kaapei ka ŋaberu kus ŋakiro ŋuna ipotu iyes kiikis ibasi, ‘Ikimukekini isua akitiya ŋakiro ŋuna aponi kikoŋoi, ŋakikoŋieta ŋuna ka ainanakin ŋainakineta neni ka arwosit a ŋina anakuj ka ainanakin iŋes ŋainakineta a ŋimaten.’ Toŋirikisi akitiya ŋun, kiwuapa ŋuna idaut iyes akikoŋ ka inanakisi ŋainakineta ŋuna a ŋimaten.

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’

Yer. 7:17

Nyite iyoŋ ŋakiro ŋuna itiyaete ikes alotaunio a Yudaya ka alorotin a Yerusalem a?

Aum. 5:13

Ereikinitae ŋisorok kosi akiryere ikwa ŋipi; iryaŋanarosi ŋidyain edakito ŋakito ŋuna apotyok.

Esek. 16:26

Ibu iyoŋ tomalaana ka Ŋijipitian, ŋikidunyet kon ŋulu elal ekibure ŋolo ka amalao ŋul. Ibu iyoŋ torubak itiyae ŋakiro ŋuna ka amalao kon ŋun, ikitoŋo ayoŋ.

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

Ŋikis. 32:16

Inakis iŋes tolilik ŋakujo ŋunagelae, kitoŋoa iŋes a ŋakiro a ŋuna eŋerit iŋes.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.