Yer. 7:16 - Ebaibul

¹⁶ Tolimu nabo Ekapolon neni a Yeremia tema, “Ani eruwor iyoŋ, nyilip aŋuna a ŋituŋa a lu, nyikeu etoil kon igworo, kori ilipi aŋuna kec ka nyikilip ayoŋ, anerae nyacamuni ayoŋ akiirar ŋakiro kon.

Yer. 7:16 Iomraidhean Croise

2 Sam. 8:18

Benaia lokoku a Yekoiyada iŋes apolokinit Ŋikeresi ka Ŋipelesi; ido arae ŋidwe a Daudi ŋulusapa ŋisacaradotin.

Awos. 32:10

Kimyekinae ayoŋ, ikotere etonomo ka omunya ikes a aŋoit a ŋina eyai lotau kaŋ. Nai eketuruwori ayoŋ iyoŋ ka ŋiletok kon ŋituŋa ŋulu alalak nooi.”

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Yer. 11:14

“Ani eruwor iyoŋ Yeremia, nyilipi aŋuna a ŋituŋa a ŋul, nyikeu akigworo kon, kori akilip aŋuna kec, anerae nyeirari ayoŋ ikes akanyarito ayoŋ apaki ŋina eyakaunotor ikes locan.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 18:20

Erae mono aronis eropit a ajokis a? Nai acamunosi ikes akikamun ayoŋ. Totamunite epite ŋolo awuar ayoŋ alokiŋaren kon, akirwor ŋuna ajokak aŋuna kec, ikotere iyoŋ ijoŋoe anyunyurikina ikes.

Yer. 4:28

Aŋuna a ŋakiro a ŋun, igworete ŋituŋa anakwap ka iryoniar kidiama, anerae adau ayoŋ akirwor ka acamit ayoŋ akitiyakin ŋun, eriŋa ayoŋ alosikinit akitiya ŋun, nyemyekini ayoŋ akitiyakin ŋun.”

Yer. 7:17

Nyite iyoŋ ŋakiro ŋuna itiyaete ikes alotaunio a Yudaya ka alorotin a Yerusalem a?

Mika 3:4

Ebunit apaki ŋina ikalounioto iyes neni ke Ekapolon, nai mam ŋuna ikiboŋokini iŋes iyes, nyecamuni iŋes apupokin ŋakilipasinei kus, anerae itiyata iyes aronis.

Ŋikis. 9:14

Kimyekinae ayoŋ, ikotere amunyari ikes, etoŋopiya ekiro kec anakwap, ido eketuruwo iyoŋ papa a ŋituŋa a ŋulu agogoŋok ka alalak akilo ikes.”

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.