Yer. 6:8 - Ebaibul

⁸ Okoe ŋituŋa a Yerusalem, tocoikisi ŋuna itiyaete iyes, ani pa kilocokis iyes ŋipitesyo kus, ekemyekini ayoŋ iyes, eturuwo etaun kus aloŋisat neni emam ŋituŋa eya.

Yer. 6:8 Iomraidhean Croise

Ŋikiru. 2:10

Aŋun nai tokona, iyes ŋirwosi toosokyoto; iyes ŋikepukak ŋulu ka akwap, tocoikisi ŋakiro ŋun.

Ŋikiru. 50:17

Toŋerito bo ŋakiro ŋuna abala ayoŋ kiwuapa, ido ikoŋete imanete ŋakan kaku iŋerito ŋakiro kaŋ.

Ŋikiru. 94:12

Okoe Ekapolon, elakara nooi ŋituŋa ŋulu idai iyoŋ, ŋulu itatami iyoŋ alotooma ŋikisila kon.

Ŋakit. 19:20

Tocamu ŋakiro ŋuna ajokak ŋuna ikilimokinio ka tocamu ŋakiro ŋuna ajokak ŋuna ikitatamio, ikotere iyoŋ iryamuni aosou ŋina iyarya alorwa a ŋulu alokiŋaren.

Ŋakit. 4:13

Kiric ŋuna ikilimokin, nyimyek ŋun ikimuryakis; kiyokite ŋuna ka aosou, anerae erae aosou akiyar kon.

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 2:15

Erurumata ŋimoe kec neni kec esibito ŋiŋatunyo, erurumata ŋimoe kec ecelasi nooi. Eturuwosi akwap a Ŋisirael acaryoit, enyasun ŋitaunio kec, mam ituŋanan iboi alotooma kec.

Yer. 31:19

Aponi isua ikiŋeri iyoŋ, nai aponi tokiwae aronis kosi, aponi isua toyenunae ŋunakitiya, nai aponi kiyaloloŋoi nooi, apotu ŋileec ikiruma isua ka abu ikikadak isua, anerae ikipotu isua oseca eriŋa eraakae ŋisorok.’

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Yer. 7:28

Ilimokini iyoŋ ikes atemar, erae lu ŋituŋa ŋulu apotu nyiwuapa ŋakiro ŋuna alimunit Ekapolon Akuj kec, apotu daŋ toŋero akitatamun tojokyata, aŋopiyasi ŋakiro ŋuna a kire, mam ŋakiro ŋun anakituka kec.

Yer. 7:34

Tosodi, etasaluni ayoŋ ecelet ŋolo ka alelyanu ka alakara, etasaluni ayoŋ ecelet ŋolo a ateran ka eteran alotaunio a Yudaya ka alorotin a Yerusalem, anerae eruwor akwap ŋin acaryoit.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Esek. 23:18

Ani ikalouni iŋes pa imunonit ŋuna ka amalao keŋ ka isileereunio erae ŋina amam ibore anapit, abu ayoŋ nyeŋolik iŋes apaki ŋin ŋina etiilitotor ŋakiro ŋuna etiyae neni keŋ. Abu ayoŋ nyeŋolik iŋes lopite ŋolopei pa abunio eŋolikinia nakaato keŋ.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Osea 9:12

Tari kitopolout ikes ŋidwe kec, eturuwori ayoŋ ikes ŋulu emam ikoku ipei daŋ. Ŋuna kec ŋun, epote ŋican ŋulu apolok neni kec apaki ŋina emyekinia ayoŋ ikes.

Ŋilep. 26:34

“‘Eryamuni nai akwap kus akieŋun ŋikaru ŋul daadaŋ ŋulu iboiyo erae ŋina asilon, ŋikaru ŋulu iyakatar iyes nakwapin a ŋimoe kus; elelyakini akwap kus akieŋun ŋin.

Sepan. 3:7

Abu ayoŋ olimok etaun ŋol atemar, Kire jik, ikikeri iyoŋ ayoŋ, icamuni ŋuna sek iŋerit; nyikimuryakinete iyoŋ ŋuna daadaŋ adau ayoŋ alimokin iyoŋ. Nai eriŋa iŋes elelyanikinit akitiya ŋuna aronok lopite ŋolopei sek etiya.”

Ŋikis. 32:29

Ani kerae toosok ikes, keyenunito ŋakiro ŋun, keyenunito ŋuna itiyakinosi neni kec ekaku.