Yer. 6:7 - Ebaibul

⁷ Erubakinito ŋituŋa a Yerusalem itiyaete aronis kec erae ŋina ejok aneni kec, lopite ŋolo erubakinitor akare eyakar ŋakipi ŋuna ajokak. Epupio ŋuna ka aronis ka ŋinyas bon alotooma keŋ, eyakasi neni jik ŋikadyakak ka ŋulu ewanan.

Yer. 6:7 Iomraidhean Croise

Ŋakit. 4:23

Kiyokite akiyar kon icoikinit ŋakiro daadaŋ, anerae nen eleleunia akiyar ŋina ajokan.

Isa. 1:6

Ameun anakejen kus anenidapal tari nakyes kus, mam neni ejok a nen, nai ileleba ŋawanan ka ŋajemei ŋuna eleleete ŋaakot; nyimadaritae ŋajemei ŋun, kori nyeenitae, kori nyiwasakinitae adiokimyet.

Isa. 57:20

Nai erubakinito ŋikaronok itiyaete aronis esibito ŋakipi a anam ŋuna imorokokoete jik, ŋuna nyecamito adipakin; ŋuna iwokito jik arimama ka ecoto.”

Isa. 59:6

Mam ajokis eyai nakiro ŋuna eyeete ikes, ecaryooko ŋiticisyo kec ikwaan ka elou ŋolo edonyunitoe alonyaa a asimokok, nyeiunosi ikes anakiro a ŋuna eyeete akitiya. Erae ŋiticisyo kec daadaŋ ŋulu ka asecit ka itiyaete ikes ŋiticisyo ŋulu ka aryenyeo bon.

Yer. 20:8

Apaki daadaŋ ŋina alimunio ayoŋ ŋadikiro, emaikina ayoŋ ekalou, emaikina ayoŋ ocelu abala, “Aryanyeo ka akinyasuno!” Aruwor akirot a Ekapolon aneni kaŋ ibore ŋini ekeyanyere ayoŋ ka ŋini akajamuwaritere apaaran jwii.

Yer. 30:12

Alimu Ekapolon ŋakiro nu ebe, “Nyepedor akitiiyor ŋajemei kus, nyiŋaleunete iyes anawananu kus.

Yer. 30:13

Mam ituŋanan epedori akiŋarakin iyes, mam ekitoe epedori akitaŋaleun ŋajemei kus, nyeŋaleunete ŋawat kus.

Yer. 30:15

Kaanukiro igworotor iyes aŋuna ka awananu kus? Nyelemar apipilu ŋina iyakatar iyes, anerae epol nooi aronis kus ka elalak nooi ŋasecisya kus, ayoŋ adau akitiya neni kus.

Yer. 32:31

Etonyout ŋakiro a etaun a lo aŋoit ka anyunyura kaŋ ameun anakoloŋit a ŋina adukere etaun akitodol nakoloŋit na, aŋun alemari ayoŋ etaun lo ojoŋo akitere,

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Esek. 21:29

Erae ŋakitoodyanakineta ŋuna iteete iyes ŋuna nyiyookino; erae ŋakiro ŋuna edwaryo aŋuna kus amodiyo. Iruworosi iyes ŋulu aronok ŋulu itiyaete aronis, ebunit akoloŋit kus ŋina ikisicanere iyes, ikimunyaryo iyes a ekileŋ.

Esek. 24:7

Eyakasi tooma Yerusalem ŋituŋa ŋulu apotu ŋituŋa a Yerusalem toara; apotu ŋituŋa a Yerusalem kiperyonokis ŋawat a ŋul natabab nenilapat, apotu nyiperyonokis nalup, neni epedoryata ŋawat make arapuwar a ŋalup.

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Esek. 7:11

alomu aronis ŋina alalan nooi anaryenyeo. Mam Ŋisirael ŋini idoŋi, mam tari aloboro kec a ŋulu alalak, ŋini idoŋi mam tari ebari kec nyidoŋi; nyidoŋi tari ibore idio ŋini epol egyelit.

Esek. 7:23

Kitemonokisi ŋiriko! Anerae elelebun atwanare ŋina ka atubonokin nakwap kus, elelebun aryenyeo lotaun kus.

Sepan. 3:1

“Okoe etaun a ŋikesiyaloloŋok, a ŋikaŋerok ka ŋikenyasak!