Yer. 6:26 - Ebaibul

²⁶ “Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Yer. 6:26 Iomraidhean Croise

Akisy. 21:16

Tolot kiboikin epeiwae ikoku neni alwana iwadio, neni arae ŋimitae amiat, anerae abu iŋes tema, “Nyemaikina ayoŋ eŋolik iridakini ikoku.” Apaki ŋina eboiyo Agar a epeiwae ikoku, kiworou nooi kigwor.

Yob 15:21

Epupete ŋiryenyaanotin ŋitoilon ŋulu einakinete ikes ekabule; apaki ŋina eyakatar ikes nalakara, ebuni ekenyasan amunaar alakara kec.

Yob 2:8

Abu Yob tolemu itabok tokoyo akuwan keŋ ka abu tolomak akiboi aneni amudyo ekuron.

Isa. 22:12

Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Isa. 22:4

Aŋun, abu ayoŋ otema, “Nyipotu neni kaŋ, kimyekinae ayoŋ egwor nooi; nyikisirworiut ayoŋ aŋuna amunyarere ŋituŋa kaŋ ŋuluminan.”

Isa. 3:24

Eyakaun nen abosis meere eure a akimyet a ŋina akukunyon, enapi ŋinituŋanan auno meere ausi, edaun anakyes kec ŋitim ŋulu sek eoitoe ejok, enapete ikes ŋiguniyae meere ŋilowi ŋulu ajokak, edaun akibuses aneni kec ka irumete ŋileec ikes.

Isa. 30:13

aŋun, ikokini asecit ŋin aneni kus akabaat ŋina eyai narwatata ŋina aoyan, akabaat ŋina enya, ŋina eapi aritaar arwatata, toritakin atipei alotooma apaki ŋina euruwuana.

Isa. 32:11

Iyes ŋaberu ŋuna iboiyete emam ŋace, tomarana, tomarana, iyes ŋaberu ŋuna idelasi tolacas, toruwor ŋuna ilerete, tonapa ŋiguniyae anacirin kus.

Yer. 12:12

Aponito ŋituŋa ŋulu enyasut akwap kaŋ alokamukumukui a ŋulu ka aloŋisat, anerae ikimunyari ekileŋ a Ekapolon ameun alowae ka akwap ke epei tari ŋoloce; mam ituŋanan eiun.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 15:8

Alalata ŋapuseru anakwap kec akilo asinyon ŋina alokipetot a ŋanamyo. Adau ayoŋ ayaun ekamunyaran ŋisorok kec kidiŋ apaaran, oinak atatoto kec toryamut ŋican, adau ayoŋ ayaun aryeba ka ekabule toyakaun neni kec pa eyenete ikes.

Yer. 18:22

Elipi kiirarae akigworo anakais kec, apaki ŋina iyaunia iyoŋ ŋimoe neni kec, anerae acamunosi ikes akikamun ayoŋ ka ayeununut ŋirotin ŋululokunet ayoŋ.

Yer. 30:5

Abu Ekapolon tema, “Adau akiirar akigworo ŋina ka amaran, ŋina a ekabule ka mam ekisil.

Yer. 4:11

Apaki ŋin, elimokinio ŋituŋa a Yerusalem atemar ekutunit ekuwuam ŋolo amwanan aneni kaŋ, ekutunit alomoru a ŋulu emam ŋikito, ekutunit analoŋisat neni a ŋituŋa kaŋ a ŋulu eya locan, meere akutar ŋulu aronok, kori akitojokun.

Yer. 4:20

Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Yer. 4:8

Aŋuna a ŋakiro a ŋun, tonapa ŋiguniyae, kiwololoto ka kigworo ibasi, ‘Eriŋa anyunyura ŋina eŋoitor Akuj nyeloto aneni kosi.’ ”

Yer. 6:14

Nyimadete ikes ŋajemei a ŋituŋa pa emisito akitojokun, ido ebasi, ‘Emam ŋace, emam ŋace,’ tomam bo ŋuna ejokak.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Yer. 8:21

Akanomorit ayoŋ ikwapei enomoritor ŋituŋa kaŋ, egworo ayoŋ ka amin akadakinit neni kaŋ.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Aum. 3:16

Eketeryamu Akuj ayoŋ ŋican ŋulu atyonok nooi, ekesican iŋes ayoŋ nooi; eketuruwo iŋes ayoŋ ekeboiyon alokuron.

Aum. 3:48

Eleleete ŋakiyo anakonyen kaŋ aŋuna amunyarere ŋituŋa kaŋ.

Aum. 4:10

Apaki ŋina aryamunitotor ŋituŋa kaŋ ŋican; apotu tari ŋaberu ŋuna sek aminasi ŋidwe kec, kipoto ŋidwe kec toruwor akimuj.

Aum. 4:3

Tari ŋikweei itanakete ŋitak kec, nai aryenyaaka ŋituŋa kaŋ, etiŋito ŋidwe ka aryenyeo, lopite ŋolo imyekiniata ŋakaleeso ŋitak kec analoŋisat.

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Luk. 7:12

Ani eapuuni iŋes lokek ŋolo ke etaun, kiryamas ka ŋituŋa ŋulu elepilepito edya ŋolo atwanit edakarete kiŋa; kerae iŋes epei bon idounitoe, nabo arae toto keŋ apuserut. Arukito toto keŋ ka asepic a ŋituŋa a ŋulu ke etaun.

Yak. 4:9

Kiyaloloŋo aŋuna ke epite kus a ŋolo ka aseconu, kiluurwoto ka kigworo! Kilocokisi akiena kus toruwor akigworo ka alakara kus toruwor akiyaloloŋ!

Yak. 5:1

Topupokisi tokona ŋakiro kaŋ, iyes ŋikabarak! Kigworo ka kiwololoto aŋuna a ŋican a ŋulu eponito neni kus!