Yer. 6:25 - Ebaibul

²⁵ Nyilot lomanikorin, kori nyilot alorotin, anerae eyakatar ŋimoe yok ŋiboro ŋulujiet, eyai ekabule lowaetin yok daadaŋ.’

Yer. 6:25 Iomraidhean Croise

2 Ŋakiro a ŋirwa 15:5

Alorwa a ŋul, pa apatana akilare iwace, anerae ayai egurigur ŋolo apolon lotuŋa daadaŋ ŋulu a ŋakwapin.

Yob 18:11

Eyakasi ŋiboorei ŋulu etukuryanak ikes lowaetin kec daadaŋ, itekerete ŋiboorei ŋul ikes nyetapanakin ŋatotiny kwap.

Ŋikiru. 31:13

anerae apupi ayoŋ ŋituŋa ŋulu alalak iŋaiŋaasi; eyai ekabule lowaetin kaŋ daadaŋ; Eyeete ikes ŋakiro ŋuna aaret ayoŋ, ido totukut akiar ayoŋ.

Isa. 1:20

nai ani kiwout ka kiŋero, ikirikaryo iyes a ekileŋ;” anerae adau Ekapolon alimun ŋakiro ŋun.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Yer. 30:5

Abu Ekapolon tema, “Adau akiirar akigworo ŋina ka amaran, ŋina a ekabule ka mam ekisil.

Yer. 4:10

Abu nai ayoŋ otema, ‘Okoe, Ekapolon Akuj, kire idau iyoŋ amodikin ŋituŋa a Yerusalem analimokin ikes atemar emam ŋace eyakaun neni kus,’ toarete bo ŋimoe ikes!”

Yer. 4:5

Tolimosi alo Yudaya ka kiserautu alo Yerusalem ebe, “Tokutakisi amomwara a emesek anakwap a daadaŋ, kiworoutu ke ecelet a ŋolo apolon ibasi, ‘Ocunakinos iwapei, oloto lotaunio ŋulu eya ŋaduketa ŋunajiet!’

Yer. 46:5

Kaanukiro eteo ayoŋ ikes ebulit? Aema ikes, aboŋosi ebulit, eloun ŋikajiok kec, ido ikirikasi ekerete, iŋoliununeete kaku, eyai ekabule lowaetin kec daadaŋ.

Yer. 49:29

Toŋatasi ŋiemae kec ka ŋamesekin kec, toŋatasi ŋanaŋgae kec ka ŋiboro kec daadaŋ; yaasi aŋuna kus ŋikaala kec, ido iiraryo akigworo a ŋituŋa a ŋul ebasi, ‘Eyai ekabule ŋiwaetin daadaŋ.’

Yer. 49:5

Alosi ayoŋ ayauni neni kus ekabule aneni a ŋikidunyet kus a daadaŋ, ido ikielaryo iyes daadaŋ ŋinituŋanan eemi bon, tomamukaun ituŋanan ecunakini ŋulu irimito car.

Yer. 8:14

“Iŋitasi ŋituŋa ŋulu ka Akuj ebasi, ‘Kaanukiro erubakinitere iwon iboiyo? Ocunakinos kaapei oloto lotaunio ŋulu eyakasi ŋaduketa ŋunajiet otwanikisi nen; anerae atubu Ekapolon Akuj yok atemar ikimunyar iwon ka ikiinak iwon akimat ŋakipi ŋuna ikiŋalakinitere, anerae ikidau iwon akisec aneni ke Ekapolon.

Yer. 8:15

Ikiwarit iwon ekisil, nai mam ajokis aryamun, ikiitanit iwon akitaŋaleuno, nai eyakare iwon ekabule.

Aum. 2:22

Ibu iyoŋ tonyarau ŋimoe kosi alowaetin kosi a daadaŋ esibit ŋituŋa ŋulu enyaraunitae nasuban. Emam ituŋanan abu tobucar, kori toyar akoloŋit ŋina iŋoitor iyoŋ. Apotu ŋimoe toara ŋidwe kosi ŋulu aponi isua todakae ka kitopolounoe.

Esek. 21:17

Ayoŋ daŋ aramakini ŋakan kaŋ, todaun nai aŋoit aneni kaŋ. Ayoŋ Ekapolon alimu ŋun.”

Esek. 7:18

Enapete ikes ŋiguniyae, ilopiyari ekabule ikes. Ilelebun ŋileec neni a ŋinituŋanan, ebanyaryo ŋitim anakou a ŋinituŋanan.

Luk. 19:43

Epote ŋirwa ŋulu ikirikauniata iyes ŋimoi kus itoroosi alowaetin a daadaŋ.