Yer. 6:24 - Ebaibul

²⁴ “Irworosi ŋituŋa a Yerusalem ebasi, ‘Eirar isua ŋakiro a ŋimoe kosi a ŋulu eponito, alilimiyosi ŋakan kosi; ikikamu ekabule isua, aryebakinoi isua lopite ŋolo eryabakinor aberu ŋina eapi akidoun.

Yer. 6:24 Iomraidhean Croise

Ŋikiru. 48:6

Abu tobul ikes nooi a nen, toryebakinos nooi ikwa aberu ŋina eapi akidoun.

Isa. 21:3

Aŋun, eryeba akuwan kaŋ, akanomo ayoŋ aryeba ŋina ikoni aryeba a aberu a ŋina eapi akidoun, apapanu ayoŋ nyeriŋa apupi ŋakiro, akakadaki ayoŋ nyeriŋa ete ibore.

Isa. 28:19

Apaki daadaŋ ŋina eponiata ŋican ŋul neni kus, ikiarete iyes; anerae epote ŋican ŋul a ŋinataparacu ka a ŋinapaaran, epote ŋican ŋul neni kus naparan ka nakwaare. Ikibuli iyes ŋinapaki daadaŋ iyenuniata iyes ŋakiro ka Akuj.

Yer. 13:21

Anukiro ilimunete iyes apaki ŋina eponiata ŋituŋa ŋulusek iriito ka iyes? Nyiryabakinosi iyes lopite ŋolo eryabar aberu ŋina eapi akidoun a?

Yer. 22:23

Okoe iyes ŋituŋa ŋulu iboiyete alo Lebanon, ŋulu iboiyete anakais a ŋuna edukitoe a ŋakito a Cedar! Ipote iyes aumen apaki ŋina ebunio aryeba neni kus, aryeba ŋina ikwaan ka ŋina a aberu a ŋina eapi akidoun.”

Yer. 30:6

Kiŋitae ayoŋ, iŋolikinete iyes, epedori mono ekile akidoun ikoku a? Kaanukiro nai eteo ayoŋ ŋikilyok daadaŋ idokokinito ŋakan kec nakookyes, esibito ŋaberu ŋuna eryebasi aŋuna ka akidoun? Kaanukiro esiliyoritotor ŋireetin a ŋituŋa a daadaŋ?

Yer. 4:31

Abu ayoŋ eira akigworo ŋina esibit akigworo ka aberu a ŋina eryeba aŋuna ka akidoun, abu ayoŋ eira akigworo ŋina ka aryeba a ŋina ikwaan ka ŋina a aberu a ŋina eapi akidoun ikoku keŋ ŋini kiyae. Arae ŋin akigworo a ŋituŋa a Sion, a ŋulu eŋaamete ieŋasi, topetarito ŋakan kec ebasi, ‘Oitakoi! Adaunoi isua eriŋa ŋikaarak nyedoluno.’ ”

Yer. 48:41

Ikamaryo ŋitaunio, ikamaryo tari ŋaduketa ŋunajiet. Akoloŋit ŋin ikokinete ŋitai a ŋikajiok a Moab ŋulu ka aberu a ŋina eryeba aŋuna ka akidoun.

Yer. 49:24

Apalagagiasi ŋituŋa a Damasko aema aŋuna ke ekabule, ekamu ikes amaran, einaiya ikes aryeba ka akiyaloloŋ ikwa aberu ŋina eryeba aŋuna ka akidoun.

Yer. 50:43

“Eira erwosit a Babilon atemar eponito ŋimoe ŋul, alilimiyosi ŋakan keŋ, ebwaliya iŋes aryeba ŋakiro ŋun, aryeba ŋina ikoni ŋina ka aberu a ŋina eapi akidoun.

Esek. 7:17

Epalagagunete ŋakan a ŋinituŋanan, elemaryo agogoŋu anakuŋin a ŋinituŋanan lopite ŋolo ebukorere ŋakipi.

Dan. 5:9

Abu erwosit Belisasar tobul nooi togelaan ereet keŋ, totaaŋaŋa ŋikapolok ŋulu epukatotor iŋes.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.