Yer. 6:21 - Ebaibul

²¹ Aŋun, alimu Ekapolon ŋakiro nu, “Kiirasi ewuak ayoŋ aŋuna a ŋituŋa a lu, akigukinet ŋina isibusokini ikes, isibusokini akigukinet ŋin ŋikauruunak ka ŋidwe, emunyarosi ŋikidunyet ka ŋikonei.

Yer. 6:21 Iomraidhean Croise

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Isa. 8:14

Ekapolon iŋes eruwor asegis, amoru ŋina iguwanakini ŋituŋa a Yudaya ka Isirael ka ataaba ŋina ibusonokini ikes. Eruwor iŋes aloc ka auno ŋinakisurumet ŋituŋa ŋulu iboiyete alo Yerusalem;

Isa. 8:15

igukini ŋulu alalak alokidiŋ kec, ibusokinosi ikes tobilas, ikamunio ikes torikoroe.”

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 18:23

Okoe Ekapolon, iyeni iyoŋ atemar atukut ikes akiar ayoŋ. Nyisyon ikes anasecit kec, nyiesik akisican ikes aŋuna ka asecit kec. Kimyek kilounae ikes alokiŋaren kon; kisican ikes apaki ŋina iŋoitor iyoŋ.”

Yer. 21:7

Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 3:20

Ŋace nu, ani keesikis ŋituŋa ŋulu iyookino akiyookino kec, ido kitiyata ŋuna aronok, ido ewuak ayoŋ ibore ŋini itukuruwori ikes akitiya ŋuna aronok, etwakete ŋituŋa ŋul, anerae nyelimokina iyoŋ ikes aesikin akitiya ŋuna aronok, etwakete ikes aŋuna ka asecit kec, nyetamunio nabo jik ŋuna ka akiyookino a ŋina sek etiyato ikes, nai emarakini ayoŋ atwanare kec nakou kon.

Esek. 5:10

Kire jik, enyamete ŋikauruunak ŋidwe kec alokidiŋ kus ka enyamete ŋidwe ŋikauruunak kec; ekesicani ayoŋ iyes ka eelari ŋipiya kus iwace.

Ŋilep. 26:37

Ilogeunun iyes make ikerete esibit ikirisitae akiar tari daŋ kemam emoit ikiwuapit. Aŋun, nyipedorete iyes awoikin ŋimoe kus.

Ŋirom. 11:9

Ido ebala Daudi ebe, “Elipi ayoŋ neni ka Akuj toruwor ŋasuban kec ŋaunoi ŋuna isirumere ikes; elipi ayoŋ kisican Akuj ikes.

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.