Yer. 6:14 - Ebaibul

¹⁴ Nyimadete ikes ŋajemei a ŋituŋa pa emisito akitojokun, ido ebasi, ‘Emam ŋace, emam ŋace,’ tomam bo ŋuna ejokak.

Yer. 6:14 Iomraidhean Croise

2 Sam. 17:3

ido enyaku neni kon ŋituŋa ŋuluce daadaŋ. Eruwor atwanare a Daudi aboŋun a ŋituŋa a ŋuluce daadaŋ neni kon. Mam nyawani ayoŋ ŋituŋa ŋuluce daadaŋ.”

Isa. 1:6

Ameun anakejen kus anenidapal tari nakyes kus, mam neni ejok a nen, nai ileleba ŋawanan ka ŋajemei ŋuna eleleete ŋaakot; nyimadaritae ŋajemei ŋun, kori nyeenitae, kori nyiwasakinitae adiokimyet.

Isa. 30:10

ŋulu elimonokinete eketeyenunan ebe, “Nyiyenut ŋakiro” ka neni a ŋikadwarak ebe “Nyidwara neni kosi ŋakiro ŋuna iyookino, tolimonokinae isua ŋakiro ŋuna ajokak, todwara neni kosi ŋakiro ŋuna ka alyokonu.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Yer. 14:13

Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 28:3

alotooma ŋikaru ŋiarei, enyakuni ayoŋ nakibois na ŋiboro daadaŋ ŋulu ka Akai ka Akuj, ŋulu abu erwosit Nebukadinesar ŋolo a Babilon ya anakibois a na kiwoko Babilon.

Yer. 4:10

Abu nai ayoŋ otema, ‘Okoe, Ekapolon Akuj, kire idau iyoŋ amodikin ŋituŋa a Yerusalem analimokin ikes atemar emam ŋace eyakaun neni kus,’ toarete bo ŋimoe ikes!”

Yer. 5:12

Erworo ikes alyokonu aŋuna ke Ekapolon, atemasi ikes, “Emam ŋuna itiyakini Ekapolon. Emam aronis ebuni neni kosi, nyeyakaun ejie kori eron neni kosi.”

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Esek. 13:10

Adaut ŋikadwarak ŋulu alyokonok ŋul akitooliyor ŋituŋa kaŋ ebasi neni kec, ‘Kiryama ka ekisil, nai tomam bo ekisil’. Ani edukokinete ŋituŋa kaŋ a ŋamoru arwatata ŋina epatana akielar, epote ŋikadwarak ŋul kirworo ŋuna a ŋisoswae aŋuna ka arwatata a ŋin.

Esek. 13:16

adaunosi ŋikadwarak a Isirael ŋulu apotu todwara ŋakiro a Yerusalem ka kiŋolyanakis ŋakitoodyanakineta ŋuna a ekisil aŋuna a Yerusalem, nai tomam bo ekisil.’

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Esek. 14:9

“‘Ani kemodikin ekadwaran, ido todwar akirot adio, erae ayoŋ Ekapolon amodikinit iŋes, ido esicani ayoŋ ekadwaran ŋol olema alotuŋa kaŋ alo Isirael.

Mika 2:11

Ani kebu ekalyokonon, kori emodiyanot, ido tema, ‘Akadwarakini ayoŋ iyes epiini ŋolo alalan ka ŋagwe ŋuna alalak,’ eminakinete ŋituŋa ŋul ekadwaran ŋol.”

Mika 3:5

Ŋakiro ŋuna irworo Ekapolon ikes nu, “Amodiyanakis ŋikadwarak ŋituŋa kaŋ, anerae iiyanakinete ikes ekisil neni a ŋulu isimujete ikes, nai iiyanakinete ejie neni a ŋulu nyisimujete ikes.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.