Yer. 6:11 - Ebaibul

¹¹ Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Yer. 6:11 Iomraidhean Croise

Isa. 40:30

Epedori akileleny ka akiup ŋisorok, eupi nooi tari ŋidwe ŋulu cicik;

Yer. 15:17

Nyiboikino ayoŋ neni aya ŋulu emwomworete elakara, kori nyelelyana ayoŋ; eboi ayoŋ aneni kaŋ bon, anerae ibu iyoŋ ikisican ayoŋ, ibu iyoŋ kilelebik aŋoit lotau kaŋ.

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Yer. 5:9

Emaikina mono ayoŋ nyesican ikes aŋuna a ŋakiro a ŋun a? Nyemaikina mono ayoŋ enyaŋa ŋakiro a ŋituŋa ka akwap a ŋina ikoŋina a?

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Yer. 9:21

Adolu atwanare lodirisae kus, aloma nakais a apukan kus, ebunit atwanare alemar ŋidwe kus alorotin ka ŋisorok analapatui a ŋuna ke etaun.

Aum. 1:15

“Adau Ekapolon akiŋer ŋikajiok kosi daadaŋ, adau anyaraun ŋasigarya akiman isua ka amunyar ŋisorok kosi. Epudaiya Ekapolon ŋituŋa kosi ikwa ipudaere ŋaraito a epiini aneni ecuyere.

Aum. 2:21

Emaikina mono ŋisacaradotin ka ŋikadwarak toarakinae Kai a Ekapolon a? Eperete ŋawat a ŋisorok ka ŋikasikou alorotin a etaun, aar ŋimoe ŋisorok ka ŋasorok kosi. Ibu iyoŋ Ekapolon toar ikes akoloŋit ŋina iŋoitor iyoŋ, ibu toar ikes emam akisyon.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Esek. 3:3

Tema iŋes neni kaŋ, “Lokoku a ituŋanan, tonyam ekitaabo lo ŋolo akainakinit ayoŋ iyoŋ kisimwon akook kon.” Aŋun, abu ayoŋ onyam ekitaabo, oryamu ayoŋ ebob nooi anakituk kaŋ ikoni ao.

Esek. 9:6

Toara ŋikasikou, ŋisorok, ŋasorok ka ŋidwe ta ŋakimak, nai nyiar ituŋanan daadaŋ ŋini eyakar emacar loreet keŋ. Kisyakisi akiar anakibois kaŋ a ŋina asegan.” Aŋun, apotu ŋikilyok ŋul kisyakis akiar, alokasikou a ŋulu eboiyete alokiŋaren Akai ka Akuj.

Mika 3:8

Nai, ani eruwor ayoŋ, ekelelebikinitae apedor, ekelelebikinitae etau ŋolo ke Ekapolon, ekelelebikinitae akiyookino ka agogoŋu, ikotere olimokinia ŋituŋa a Yakob ŋadyakanareta kec, olimokinia ŋituŋa a Isirael asecit kec.

Luk. 17:34

Akalimokini ayoŋ iyes atemar, Akoloŋit ŋin nakwaare, eryamunio ŋituŋa ŋiarei alokitaada; elemaryo ipei, toesikinae ŋinice.

Ŋitic. 17:16

Ani eriŋa Paulo idarit Silas ka Timoteo alo Asen, toronik iŋes nooi epite ŋolo alalaata ŋakujo alotaun a ŋol.

Ŋitic. 18:5

Ani epote Silas ka Timoteo alo Makedonia, totum Paulo aayenen akeepaki daadaŋ elimonokini ka iteyenunui Ŋiyudayan atemar Yesu iŋes erae Kristo.

Ŋitic. 4:20

Anerae nyeesikinio isua erwor ŋuna ikiŋolik ka ikiira.”

Akis. 16:1

Abu nai eira etoil ŋolo apolon alo Kai ka Akuj irworo neni a ŋimalaikan a ŋulukanikaarei ebala, “Toloto, tobukosi nakwap anyunyura ŋina ka Akuj anabakulei a ŋunakanikaarei!”