Yer. 6:10 - Ebaibul

¹⁰ Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Yer. 6:10 Iomraidhean Croise

Ŋikiru. 1:2

akilo ŋun, elelyanete ikes anakiwuapit ŋikisila ŋulu ke Ekapolon, ido etamatamaete ikes ŋikisila ŋul naparan ka nakwaare.

Ŋikiru. 119:16

Alakara ayoŋ anakiwuapit ŋakiro ŋuna itubunit iyoŋ, nyekemuryakini ayoŋ akirot kon.

Ŋikiru. 119:174

Okoe Ekapolon, eitanit ayoŋ aiuno kon, aryamunit ayoŋ alakara alokisila kon.

Ŋikiru. 119:24

Ŋakiro ŋuna itubunit iyoŋ ikes erae alakara kaŋ, ikes eketatamete ayoŋ.

Ŋikiru. 119:35

Kimyekinae ayoŋ ewuap ŋakiciketa kon, anerae nen iŋes aryamunia ayoŋ alakara.

Ŋikiru. 119:70

Egogoŋ ŋakyes kec ka nyenomonorete ŋakiro, nai alakara ayoŋ alokisila kon.

Ŋikiru. 119:77

Kimyek akisyon kon bu neni kaŋ, ikotere ayoŋ ayari, anerae aryamunit ayoŋ alakara alokisila kon.

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Awos. 6:12

Abu nai Moses kiŋit Ekapolon tema, “Ani nai kewounito Ŋisirael apupokin ŋakiro kaŋ, alipite nai epupokinia Parao ŋakiro kaŋ a ŋolo nyayeni erwor ejok?”

Isa. 42:20

Iŋolyanakini iŋes ŋiboro ŋulu alalak, nai nyemitakinit, epupete ŋaki keŋ, nai nyiiranari ŋakiro.”

Isa. 53:1

Ŋae anup ŋakiro ŋuna aponi isua kiirarae? Neni a ŋae aponi kitoodikinae apedor a Ekapolon?

Yer. 35:13

Alimu Ekapolon ŋolo a ŋajoresyo Akuj a Ŋisirael ebe, “Ape tolimok ŋituŋa a Yudaya ka ŋituŋa ŋulu iboiyete alo Yerusalem atemar, nyipedorete iyes ayenun ŋakitadapeta kaŋ, ido kiwuapa ŋakiro kaŋ a?

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 5:21

Okoe iyes ŋituŋa ŋulu ibaŋaaka ka ŋulu nyitamete, kiirasi ŋakiro nu, iyes ŋulu iyakatar ŋakonyen, nai nyiteete iyes, ŋulu iyakatar ŋaki, nai nyipupete.

Yer. 7:13

Tosodi tokona, aŋuna idauniata iyes akitiya ŋakiro ŋun daadaŋ ka aŋuna abunio ayoŋ eruwor neni kus ŋarwa ŋuna alalak, nai ipotu iyes nyiirasi ŋakiro kaŋ ka ani akanyarae ayoŋ iyes, ipotu iyes nyikiboŋokis ayoŋ,

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Yer. 9:26

Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Esek. 3:7

Nai emam Ŋisirael ŋini ecamuni apupokin ŋakiro ŋuna irwori iyoŋ, anerae nyecamito daadaŋ akiirar ŋuna erworo ayoŋ aŋuna etogogoŋioto ŋakyes kec ka aruworotor ŋasyanisya alotai kec.

Esek. 33:3

ani kiŋolik ekile ŋol ŋimoe eponito akirem akwap kus, ido toramak ekile ŋol eli aŋuna ka atemar ŋituŋa totena,

Esek. 33:9

Nai ani kilimok iyoŋ ŋituŋa ŋulu aronok aesikin akiwuapit aronis kec, ido toŋero aesikin akiwuapit aronis kec, etwakete ŋituŋa ŋulu aronok ŋul aŋuna ka asecit kec; nai iuni iyoŋ akiyar kon.”

Amos 7:10

Ekaku a ŋun, kiyakiya Amasia ŋolo arae esacaradoti alo Besel ŋituŋa neni a Yeroboam a erwosit a Isirael tema, “Atuku Amos ŋuna aronok aŋuna kon anepei a ne alokidiŋ Ŋisirael. Nyepedorete ŋituŋa akidaŋidaŋ ŋakiro keŋ daadaŋ,

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Luk. 11:45

Abu epei a ŋiketatamak a Ŋikisila, tolimok iŋes tema, “Eketataman, ikimor iyoŋ isua daŋ alorwor kon!”

Luk. 20:19

Acamito ŋiketatamak a Ŋikisila ka ŋisacaradotin ŋulu apolok akikamun Yesu apaki ŋin, anerae ayenete atemar arae ikes alimunitor Yesu akitadapet ŋin. Nai tokera akikamun iŋes aŋuna a ŋituŋa.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

Yoa. 9:40

Kiirasi Ŋiparisayon ŋice ŋulu aya diyete keŋ ŋakiro ŋun, kiŋita ikes Yesu temasi, “Ibala tokona iyoŋ ikimudukaka isua daŋ a?”

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋitic. 7:60

Toryedik nai tocelu a etoil a ŋolo apolon tema, “Ekapolon! Nyimarak asecit na neni kec!” Ani kedau iŋes alimun ŋun, kiridak.

Ŋirom. 7:22

Elakara ekaatau nooi aŋuna a Ŋikisila a ŋulu eponito aneni ka Akuj.

Ŋikis. 29:4

Nai akitodol nakoloŋit na eriŋa Ekapolon nyeinakina iyes aosou ka ŋatameta ŋunayenunet ŋakiro, kori ŋakonyen ŋuna kiŋolikinet ŋakiro ŋuna itiyakin, kori ŋaki ŋuna kiiraret ŋakiro ŋuna adaut akitiyakin nakiyar kus.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

2 Tim. 4:3

Anerae ebuni apaki ŋina nyepupokiniata ŋituŋa ŋakiro ŋuna erae ŋuna a kire, nai iwuapete ekibure kec a ŋilopeyek ka ecununete aŋuna kec ŋiketatamak ŋulu alalak ŋulu elimokinete ikes ŋuna ecamito ŋaki kec akiirar.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.