Yer. 52:6 - Ebaibul

⁶ Ani edoli ŋirwa ke elap ŋikanikaomwon, elap ŋolo a ŋiomwon, tonyam akoro ŋituŋa nooi alotaun, todaun anakwap ibore ŋini imujete ŋituŋa.

Yer. 52:6 Iomraidhean Croise

2 Ŋirw. 25:3

Ani edoli ŋirwa ke elap ŋikanikaomwon, elap ŋolo a ŋiomwon, aris akoro kepuruu nooi alotaun, todaun ŋituŋa ibore ŋini imujete.

Isa. 3:1

Kiirasi, apuu tokona Ekapolon ŋolo etiron, ŋolo a ŋajoresyo, alemar alo Yerusalem ka anakwap a Yudaya akiŋarakinet daadaŋ ka agogoŋu, ejoŋoo ainanakin ikes akimuj ka ejoŋoo ainanakin ikes ŋakipi.

Yer. 15:2

Ani kikiŋita ikes iyoŋ ebe, ‘Ai ikilosi isua?’ Tolimok ikes ebe, Irworo Ekapolon ebala, ‘Ŋulu atubokin atwanare a edeke, toloto ikiar edeke, ŋulu atubokin atwanare a ekileŋ, toloto ikiari a ekileŋ, ŋulu atubokin atwanare a akoro, toloto ikiar akoro, ido ŋulu atubokin arikoro, toloto ikirikor.’”

Yer. 19:9

Tosodi ainakini ayoŋ ŋituŋa a Yudaya ka ŋulu a Yerusalem tonyama ŋawat a ŋidwe kec a ŋulusapa ka a ŋulupesur, enyamete daadaŋ ŋawat a ŋikidunyet kec anapaki a ŋina irikaunere etaun ka alocan a ŋulu iteryamunete ŋimoe kec ŋulu ecamito akiar ikes.

Yer. 21:9

Ŋituŋa daadaŋ ŋulu erubakinete eya lotaun lo, etwakete a ekileŋ ka akoro ta edeke, nai ŋituŋa ŋulu elomarete kiŋa tocamut akilouno aneni a Ŋibabiloniyae a ŋulu irikaunito etaun, imyekinio toyara, nai egyelunete ikes akiyar kec aŋuna ka acamun aruwor ŋirikon.

Yer. 25:10

Alemari ayoŋ aneni kec ecelet ŋolo ka alelyanu ka ecelet ŋolo ka alakara, alemari ayoŋ ecelet ŋolo a eteran ka ŋolo a ateran, ecelet ŋolo ka amoru a ŋinakiryeet ka akica ŋina a etaa.

Yer. 37:21

Aŋun, abu erwosit Sedekia tolimu atemar yae Yeremia nalapatu ŋina eboiyoto ŋasigarya ŋuna iyokiyete akai a erwosit ka aponi a ŋinakoloŋit inakinae iŋes amugati ŋina ayaununuyo alorot a ŋolo aya ŋikepok ŋamugati, akitodol neni adaunotor ŋamugati alotaun. Aŋun, abu Yeremia kiboi analapatu a ŋina eboiyoto ŋiketeok akai a apukan.

Yer. 38:9

“Ekapolon kaŋ erwosit, etiyata ŋituŋa lu ŋakiro ŋuna aronok nooi, emasakis ikes Yeremia tooma akare ikotere eari akoro iŋes a nen, anerae mam amugati idoŋit lotaun.”

Yer. 39:2

Alokaru a ŋolo a ŋitomon ka epei ŋirwa ke elap ŋikanikaomwon elap ŋolo a ŋiomwon ipukat Sedekia, aponi topedoi arwatata a etaun.

Aum. 1:11

Eumenete ŋituŋa a Yerusalem daadaŋ iwarito ibore ŋininyamat; ilokonyiyanarete ebari kec nakimuj aŋuna ka arubakinia eyarete. Igworosi ŋituŋa a Yerusalem ebasi, “Okoe Ekapolon, kiŋolikinae isua, kiŋolik epite ŋolo ikiruworor isua ŋulu ikijamuwaritae.”

Aum. 5:10

Etomwan pe akoro ŋawat kosi, ekokis emwaka ekeno, amwakut pe ŋamunyin a ŋawat kosi, ekokis emwaka ekitet.

Esek. 14:13

“Lokoku a ituŋanan, ani keseca ŋituŋa a akwap alotooma amamukau anupit neni kaŋ, ido esican ayoŋ akwap ŋin, alemari ayoŋ akimuj oinak ikes eron tomunya ŋituŋa ka ŋibaren keŋ;

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 31:1

Alokaru a ŋolo a ŋitomon ka epei, elap ŋolo a ŋiuni, ŋirwa ka elap epei, abu Ekapolon kirwor neni kaŋ tema,

Esek. 5:16

Etoŋopiyari ayoŋ akimuj alo Yerusalem emyek ŋituŋa keŋ tonyam akoro. Ikipipilikinete iyes ŋakiro ŋuna ka aŋoit kaŋ lopite ŋolo epipilyata ŋikaleŋeleŋe ŋulu egumunitae amunyar ŋituŋa kus.

Esek. 7:15

Eriŋa ŋikaarak ŋulu isitiyaete ekileŋ eyakasi kiŋa, nai adaut akoro ka edeke alomun tooma, ikiaryo iyes ŋulu iyakasi kiŋa a ekileŋ; ikiaryo iyes ŋulu iyakasi tooma etaun a akoro ka edeke.

Ŋilep. 26:26

Ani etasaluni ayoŋ akimuj aneni sek ilemyata iyes, ipoete ŋaberu ŋatomon akimuj alokeno ke epei, ido ikikorakinete ikes iyes akimuj ipimanaritae. Imujete iyes akimuj ŋin, nai erubakini akoro ikinyamit.

Sakar 8:19

“Emaikina akiredanakin akiron ŋina iredanakinere aroneenen elap ŋolo a ŋiomwon, ŋolo a ŋikan, ŋolo a ŋikanikaarei ka ŋolo a ŋitomon, toruwor ŋasuban ŋuna ka alelyanu ka alakara aneni a ŋituŋa a Yudaya. Aŋun, emaikina iyes tominakis ŋuna a kire ka ekisil.”

Ŋikis. 32:24

ididiyari akoro ikes, emunyarete ŋidekesyo ŋulu aryabak ikes. Eyakikini ayoŋ ikes ŋityaŋ ŋulu anyamak ŋituŋa, eyakikini ayoŋ ikes ŋimuno ŋulu aarak.