Yer. 51:6 - Ebaibul

⁶ “Toema alokidiŋ Babilon, iyoŋ ŋinituŋanan, toiu akiyar kon, nyimunyarosi aŋuna ka asecit a ŋituŋa a Babilon, anerae erae na apaki ŋina inyaŋarya Ekapolon ŋakiro kec, inyaŋi Ekapolon ŋakiro ŋuna itiyato ŋituŋa a Babilon.

Yer. 51:6 Iomraidhean Croise

Ŋikiru. 94:1

Okoe Ekapolon, iyoŋ Akuj ŋina enyaŋan, iyoŋ Akuj ŋina enyaŋan; kisileereu aŋoit kon.

Ŋakit. 13:20

Ituŋanan ŋini erukito ka ŋikaosok, eruwor ŋini eos, nai ituŋanan ŋini erukito ka ŋibaŋaanotin, eryamuni ŋican.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 63:4

Aris apaki ŋinakinyaŋaret keyakaun lotau kaŋ ka aris ekaru ŋolo ka alakun ikes kedolu.

Yer. 25:14

anerae epote ŋituŋa a ŋakwapin a ŋuna alalak ka ŋirwosi ŋulu agogoŋok akituruwor ikes ŋipi, ido esicani ayoŋ ŋituŋa ka ŋirwosi ŋul aŋuna a ŋiticisyo kec ka aŋuna a ŋiboro a ŋulu itiyaununeete ikes a ŋakan kec.”

Yer. 25:16

Emasete ikes epiini ŋol, ido kiteritereonor ka tobaŋaaniyasi aŋuna a ejie a ŋolo eyakikini ayoŋ ikes.

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 46:10

Erae akoloŋit ŋin ŋina ke Ekapolon Akuj ŋina a ŋajoresyo, akoloŋit ŋina ka akinyaŋar ŋakiro a ŋimoe keŋ. Eari ekileŋ ikes tari ŋina eupya, tari ŋina eronikiniata ŋaokot a ŋimoe ikes. Eari Ekapolon Akuj ŋina a ŋajoresyo ŋimoe keŋ erae amuronot anakwap a ŋina alo Kuju alodiyete aŋolol Eupurate.

Yer. 48:6

Toema! Toiutu ŋawat kus, kitiyata ikwa esigirya ŋolo etyaŋaar naloŋisat!

Yer. 50:15

Tocelutu neni keŋ alowaetin a daadaŋ ibasi, ‘Nyeriŋa iŋes ecamit ejie, aritakin ŋaduketa a Babilon ŋuna aoyak kwap, aritakin ŋarwatatain keŋ kwap, erae ŋun akinyaŋar ŋina ke Ekapolon. Kitiyata neni keŋ lopite ŋolo etiyator iŋes.

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Yer. 50:31

“Okoe iyes ŋituŋa a Babilon ŋulu iturosi, akaremokino ayoŋ iyes, anerae adolu akoloŋit kus, adolu apaki ŋina alosyo ayoŋ akisican iyes.

Yer. 50:8

“Toema alo Babilon, toloto anakwap a Ŋibabiloniyae, kitiyata ikwa ŋikorwa ŋulu erikito ŋakinei,

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 51:36

Aŋun, alimu Ekapolon ŋakiro nu, Alosi ayoŋ akiyok iyes enyaŋa aronis ŋina etiyae neni kus, etooni ayoŋ anam kec, eokete tari ŋilelyan kec,

Yer. 51:45

“Okoe ŋituŋa kaŋ, tolomutu kiŋa alo Babilon, iyes a ŋinituŋanan emaikina toiu akiyar keŋ, anaŋoit a Ekapolon a ŋina apolon.

Yer. 51:50

Iyes ŋulu iunosi alokileŋ toloto, nyirimirimo. Totamutu Ekapolon anakwap a ŋina alwanan, ka emaikina Yerusalem eyai natameta kus.

Yer. 51:56

anerae apotu ŋikenyasak Babilon, ekamar ŋikajiok a Babilon, abilibilaar ŋakawo a ŋikaleŋeleŋe kec, anerae erae Ekapolon Akuj ŋina enyaŋan inyaŋari iŋes ŋakiro a ŋimoe keŋ lotyae ŋolo itiyatotor ikes.

Yer. 51:9

Aponi isua kikatakinae akitaŋaleun Babilon, nai nyeŋaleuno iŋes. Emaikina iŋes kimuryakin aneni yok, emaikina iwon oloto, torotok ŋinituŋanan nakwap keŋ, anerae esican Ekapolon Babilon a apedor keŋ a daadaŋ, amunya iŋes ikes jik.

Aum. 3:64

“Okoe Ekapolon, aŋuna a ŋiticisyo kec, kisican ikes lopite ŋolo emaikina kisicanere ikes.

Ekim. 16:26

Tolimok Moses atukot a ŋituŋa tema, “Kiyotosi aloeemae a ŋikilyok a ŋulu aronok a ŋul, nyitapa ibore kec idio, ikotere nyikimunyar aŋuna a ŋasecisya kec.”

Ŋikis. 32:25

Emunyari ekileŋ ŋituŋa alorotin a ŋitaunio, eyakaun ekabule lorerya, earyo ŋisorok ka ŋasorok kaapei, earyo ŋiŋwea ka ŋituŋa ŋulu emojoŋito.

Ŋikis. 32:41

ani epenari ayoŋ ekileŋ kaŋ ŋolo imilya, otubok ŋituŋa, enyaŋi ayoŋ ŋakiro a ŋimoe kaŋ, ido esican ŋulu akaremokino ayoŋ.

Ŋikis. 32:43

“Okoe ŋituŋa a ŋakwapin, kitopoloosi ŋituŋa a Ekapolon kilipa neni keŋ iyes ŋakujo daadaŋ, anerae inyaŋi iŋes ŋaokot a ŋiketiyak keŋ, inyaŋi ŋakiro a ŋimoe keŋ, isicani ŋulu eremokino iŋes, tolema aronis anakwap a ŋituŋa keŋ.”

1 Tim. 5:22

Nyikirikirakin akidokokin ŋakan kon neni a ituŋanan a idio aŋuna ka akituruwor iŋes eketiyan ŋolo ka atukot a Ŋikristo. Nyiloma nasecisya a ŋituŋa a ŋuluce; torubak irae ŋolo iseg alotau.

Akis. 16:19

Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.