Yer. 51:56 - Ebaibul

⁵⁶ anerae apotu ŋikenyasak Babilon, ekamar ŋikajiok a Babilon, abilibilaar ŋakawo a ŋikaleŋeleŋe kec, anerae erae Ekapolon Akuj ŋina enyaŋan inyaŋari iŋes ŋakiro a ŋimoe keŋ lotyae ŋolo itiyatotor ikes.

Yer. 51:56 Iomraidhean Croise

Akisy. 49:24

Nai erubakini akau a ŋikaleŋeleŋe keŋ iketakina, isimukekinio ŋakan keŋ ajiore anapedor a ŋolo Etiron a ŋolo a Yakob; ka alokiro a Ekeyokon a ŋolo erae aupal a Ŋisirael,

Ŋikiru. 137:8

Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

Ŋikiru. 37:15

Nai eari Akuj ikes a ŋileŋia kec pei, ido ebilibiliyar ŋakausinei a nyikaleŋeleŋe kec.

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Ŋikiru. 76:3

Abu iŋes tobilibilaa a nen ŋikaleŋeleŋe ŋulu agumunito ŋimoe keŋ, abu iŋes tobilibilaa a nen ŋiboro a ŋimoe ŋulu ke ejie lu: Ŋaupala ka ŋileŋia.

Isa. 21:2

Adau Ekapolon akisileerekin ayoŋ ŋakiro nu anakiruja: Elukini ekalukinon, inyasuni ekenyasunan. Okoe ŋituŋa a Elam, kitipeiyosi toremo, ŋasigarya a Media, kirikautu ŋitaunio, etadauni ayoŋ akiyaloloŋ daadaŋ ŋina eteryamunito ŋituŋa a Babilon ŋuluce.

Isa. 34:8

Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 59:18

Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Yer. 49:35

Tolimu Ekapolon ŋolo a ŋajoresyo tema, “Kiirasi, alemari ayoŋ agogoŋu a Elam, a etaun a ŋolo ikinyomito ikes

Yer. 50:10

Eŋataryo ŋiboro a Ŋibabiloniyae, eryamunete ŋulu eŋatarete ŋiboro kec ŋiboro ŋulu itemokino.

Yer. 50:36

Earyo a ekileŋ ŋikerujak keŋ, earyo a ekileŋ ŋikajiok a Babilon, ikotere eruworotor ikes ŋibaŋaanotin, ikotere emunyaryo ikes.

Yer. 51:24

“Alimu Ekapolon atemar isicani iŋes Babilon ka ŋituŋa ŋulu iboiyete alo Babilon iteete iyes, esicani ayoŋ ikes aŋuna ka aronis a ŋina apotu ikes kitiyata Sion.

Yer. 51:30

Emyekis ŋikajiok a Babilon ajiore arubakis iboiyete anaduketa a ŋunajiet adaun agogoŋu kec ekwaanikin ikes ka ŋaberu, ecunyakin ŋakais a Babilon, abilibilaar ŋakito ŋuna egolitere ŋipukei keŋ.

Yer. 51:48

Ekaku ŋun, ecelunete ka alelyanu, ŋisubuna daadaŋ ŋulu alokwap ka ŋulu alokidiama, aŋuna ka akinyasuno a Babilon, anerae epote ŋikenyasak alo Kuju akitijikin Babilon.

Yer. 51:53

Tari kedokasi ŋituŋa a Babilon neni aoyan, tari keduko ikes ŋaduketa ŋunajiet neni eyakasi ikes alokidiama, eyakuuni ayoŋ ŋikenyasak ŋulu epote amunaar iŋes.

Yer. 51:6

“Toema alokidiŋ Babilon, iyoŋ ŋinituŋanan, toiu akiyar kon, nyimunyarosi aŋuna ka asecit a ŋituŋa a Babilon, anerae erae na apaki ŋina inyaŋarya Ekapolon ŋakiro kec, inyaŋi Ekapolon ŋakiro ŋuna itiyato ŋituŋa a Babilon.

Aum. 3:64

“Okoe Ekapolon, aŋuna a ŋiticisyo kec, kisican ikes lopite ŋolo emaikina kisicanere ikes.

Esek. 39:3

Abili ayoŋ akau a ŋikaleŋeleŋe kon anakan kon a ŋina alokyedeny, emyek ŋikaleŋeleŋe tocakakin kwap anakan kon a ŋina aloteten.

Esek. 39:9

“Akoloŋit ŋin, elomarete ŋituŋa a Isirael ŋulu iboiyete alotaunio kiŋa ŋitaunio, kisitiyata ŋiboro ŋulujiet erae ŋakito ŋuna inokyo. Inokete ikes ŋiupala ŋulucicik ka ŋuna apolok, ŋakausinei a ŋikaleŋeleŋe ka ŋikaleŋeleŋe, ŋabiroi ŋuna ejiere ka ŋakwaaras. inokete ikes ŋiboro ŋul ŋikaru ŋikanikaarei.

Amos 2:15

ebwaŋasi ŋikajiok a ŋikaleŋeleŋe, nyepedorete tari ŋituŋa ŋulu apiranak aiun, nyepedorete tari ŋituŋa ŋulu emeto ŋaŋolei aiun.

Obad. 1:15

“Eapi akoloŋit ŋina ke Ekapolon, aŋuna a ŋakwapin a daadaŋ. Epite ŋolo itiya iyoŋ Edom, itiyakinio neni kon daŋ ikwaŋinapei. Ikiboŋokinete iyoŋ ŋiticisyo kon a alope.

Abak. 2:8

Aŋuna idauniata iyes aŋatanar ŋakwapin ŋuna alalak, ikiŋatarete iyes ŋituŋa daadaŋ ŋulu idoŋito nakwapin ŋun, itiyakinosi ŋun aŋuna a ŋituŋa a ŋulu ipotu iyes toara ka aŋuna ka aryenyeo kus anakwap, alotaunio ka neni a daadaŋ a ŋulu eya lotaunio ŋul.

Ŋikis. 32:35

Erae akinyaŋanar ŋina kaŋ ka ayoŋ esicani ikes apaki ŋina eseciata, anerae eapi akoloŋit ŋina a ŋican kec, edoluni amunyaro kec atipei.

2 Ŋites. 1:6

Itiyakini Akuj ŋuna iyookino: iteryamuni ŋican ŋituŋa ŋulu ikiteryamunito iyes ŋican

Akis. 17:16

Ŋamomwar ŋatomon ŋuna ibu iyoŋ toanyuwa, eremokinosi ikes kaapei ka etyaŋ eŋerete amalaat; elemarete ikes ibore daadaŋ ŋini eyakar iŋes, kimyekis eleri, irikarete ikes iŋes ka kicunyasi.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 19:2

Erae kire ka iyookino ŋatubokineta ŋuna ka Akuj! Atuboki iŋes amalaat ŋina enyasunit akwap aŋuna ka amalao keŋ. Enyaŋarya Akuj iŋes, anerae abu iŋes toar ŋiketiyak ŋulu ka Akuj.”

1 Sam. 2:4

Ebilibili iŋes ŋakausinei a ŋikaleŋeleŋe a ŋisigarya a ŋulu ajiok; nai itogogoŋi iŋes ŋituŋa ŋulu epalag.