Yer. 51:53 - Ebaibul

⁵³ Tari kedokasi ŋituŋa a Babilon neni aoyan, tari keduko ikes ŋaduketa ŋunajiet neni eyakasi ikes alokidiama, eyakuuni ayoŋ ŋikenyasak ŋulu epote amunaar iŋes.

Yer. 51:53 Iomraidhean Croise

Akisy. 11:4

Temasi, “Potu, odukutu etaun yok, odukokisi aduketait ŋina aoyan ŋina edoli aita keŋ nakuj, ikotere ikiruwor iwon ŋulu ikiyenen alotuŋa, ido nyikielar iwon nakwapin daadaŋ.”

Yob 20:6

Tari kewoyata ikes todolo tari kidiama lodouwon ŋulu ewato,

Isa. 13:17

Kiirasi, ewuakini ayoŋ ekibure neni a Ŋimedes toremo Babilon, nyemisito Ŋimedes esilipa, nyiitanito ikes aryamun egolid.

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Isa. 47:5

“Iyes Ŋibabiloniyae kiboikinos ililiŋete, tolomasi nakiryonut! Nyeriŋa nabo ikinyarao iyoŋ Babilon arwosit a ŋakwapin a daadaŋ.

Isa. 47:7

Ibu iyoŋ tema, ‘Aruwor ayoŋ arwosit ŋikaru ka ŋikaru.’ ido ibu nyitamu ŋakiro ŋun, kori nyitamatam ŋuna itiyakin anakiro a ŋun ekaku.

Yer. 49:16

Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Yer. 50:21

Kitipeiyosi nakwap a Merasaim, toloto kitijioto ŋituŋa keŋ, kitijikis ŋituŋa a Pekod, tomunyasi ikes daadaŋ nyidoŋ tari ipei. Kitiyata daadaŋ ŋuna akalimok ayoŋ iyes akitiya.

Yer. 50:25

Aŋaa Ekapolon akai ŋina iŋadatae ŋiboro keŋ ŋulu ke ejie, alemu iŋes kiŋa ŋiboro ŋulu ka anyunyura keŋ, anerae eyakar Ekapolon ŋolo a ŋajoresyo etic ŋolo emaikina kitiya anakwap a Ŋibabiloniyae.

Yer. 50:45

Aŋun, Kiirasi ŋakiro ŋuna eyeunit Ekapolon aŋuna a ŋituŋa a Babilon ka ŋakiro ŋuna ecamit iŋes akitiya nakwap a Ŋibabiloniyae: Kire jik, erikoryo ŋidwe kec iwace ka ebuli ŋituŋa daadaŋ aŋuna a ŋakiro kec.

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 51:25

Okoe iyes ŋituŋa a Babilon, ikwaan iyes ka emoru ŋolo ikimunyari, emoru ŋolo emunyari akwap daadaŋ. Eopeuni ayoŋ akan kaŋ ekemanit iyes, ekeriu iyes anaŋici a ŋatabab, ekesikwaanik ka emoru ŋolo anomiya akim.

Yer. 51:48

Ekaku ŋun, ecelunete ka alelyanu, ŋisubuna daadaŋ ŋulu alokwap ka ŋulu alokidiama, aŋuna ka akinyasuno a Babilon, anerae epote ŋikenyasak alo Kuju akitijikin Babilon.

Yer. 51:56

anerae apotu ŋikenyasak Babilon, ekamar ŋikajiok a Babilon, abilibilaar ŋakawo a ŋikaleŋeleŋe kec, anerae erae Ekapolon Akuj ŋina enyaŋan inyaŋari iŋes ŋakiro a ŋimoe keŋ lotyae ŋolo itiyatotor ikes.

Yer. 51:58

“Alimu Ekapolon ŋolo a ŋajoresyo ebe, ‘Eritakinio kwap arwatata a Babilon ŋina aburon kiriyanikin neni daadaŋ ka akwap neni ce, ido icunyaryo ŋipukei keŋ ŋulu aoyak. Ituupasi ŋituŋa koŋin ka iteŋedara ŋituŋa a ŋakwapin ŋiticisyo ŋulu icunyaryo.’ ”

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Amos 9:2

Tari daŋ kitiŋaar ikes kiboiyosi nakibois a ŋikatwak, ekamuni ayoŋ ikes ka akan kaŋ eriu ikes a nen, tari daŋ kedokasi ikes kidiama, atiyauni ayoŋ ikes kwap.

Amos 9:4

Tari kerikosi ŋimoe ikes, eciki ayoŋ ŋimoe kec toarae ikes a ekileŋ, adau ayoŋ atubun akitiya neni kec aronis meere ajokis.

Abak. 2:9

Ekaŋ iyes ŋulu ipotu kitabara ŋikalya kus aloboro a ŋulu idemete ŋituŋa. Idaut iyes akiduk ŋirerya kus kidiama ŋimoru, itamete atemar mam ibore ikitapi.