Yer. 51:5 - Ebaibul

⁵ Nyimyekina Akuj kec Ekapolon ŋolo a ŋajoresyo ŋituŋa a Isirael ka ŋituŋa a Yudaya. Tari kelalak anakwap kec ŋasecisya alokiŋaren ŋolo asegan ŋolo a Isirael.

Yer. 51:5 Iomraidhean Croise

1 Ŋirw. 6:13

Ikiruki ayoŋ kaapei ka Ŋisirael, ido nyaesikini ayoŋ ŋituŋa kaŋ Ŋisirael.”

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

Esir 9:9

Kire, ikirae isua ŋipi, nai nyimyekina iyoŋ isua amina anapiitonut, nai ikitoodik iyoŋ isua amina kon ŋina nyiryaŋiryaŋa alokiŋaren erwosit a Perisia aŋuna ka ainakin isua akiyar ŋina kitete ikotere ikidukokini nabo Akai ka Akuj, osubakisi neni emunaara ka ikiryamuni neni ikiunor alo Yudaya ka alo Yerusalem.

Ŋikiru. 94:14

anerae nyeŋeri Ekapolon ŋituŋa keŋ; nyimyekini iŋes jik ŋituŋa ŋulu erae ŋulu keŋ.

Isa. 44:21

Okoe ŋiletok a Yakob, totamunito ŋakiro nu, okoe ŋiletok a Isirael, totamunito ŋakiro nu, anerae irae iyes ŋiketiyak kaŋ; ayoŋ akasubuni iyes, irae iyes ŋiketiyak kaŋ. Okoe Ŋisirael, nyimuryakinosi iyes aneni kaŋ.

Isa. 51:15

Arae ayoŋ Ekapolon Akuj kus, ŋolo ainakini ŋakipi a anam kimorokokokis ikotere totakanut ŋikaguragurae kec, erae ekiro kaŋ Ekapolon ŋolo a ŋajoresyo.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Yer. 14:19

Okoe Ekapolon, iŋer iyoŋ ŋituŋa a Yudaya jik a? Aluŋ mono etau kon Sion a? Kaanukiro ikisicania iyoŋ isua nooi adaunor epite ŋolo ikitaŋaleunere isua? Iitanitae isua ekisil, nai mam ajokis aryamun, iitanitae isua akitaŋaleuno, nai eryamunitae anyunyura akilo ekisil.

Yer. 14:9

Kaanukiro ityaa iyoŋ esibit ituŋanan ŋini nyeyeni ŋuna emaikina kitiya, esibit ekajion ŋolo adedeŋan ŋolo emam ibore epedori akitiya akiŋarakin ŋituŋa keŋ? Toyai bo iyoŋ okoe Ekapolon, kidiŋ kosi, ido ikinyaritae iyoŋ isua a ekiro kon, nyikiesik isua!

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 31:37

“Ani kepedoryo akipim kidiama neni etya ka ayenun ŋakisyakineta ŋuna ka akwap alotooma, iŋes nai apedorya ayoŋ akiŋer ŋiletok a Isirael aŋuna a ŋiticisyo a daadaŋ a ŋulu apotu ikes kitiyata.”

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 50:20

Alimu Ekapolon atemar alorwa a ŋul ka anapaki a ŋin, iwaryo asecit aneni a Ŋisirael, ido nyeryamunio, iwaryo asecit alotuŋa a Yudaya, ido nyeryamunio, anerae isyoni iyoŋ ŋipiya a ŋituŋa a ŋulu abu ayoŋ emyek nyeara.

Yer. 51:19

Nyikoni Ekapolon Akuj a Yakob neni, anerae iŋes etiyauni ŋiboro daadaŋ, ido erae Isirael ekabila ŋolo a ŋituŋa keŋ a ŋulu abu iŋes toseu. Erae ekiro keŋ Ekapolon ŋolo a ŋajoresyo.”

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Osea 2:1

Aŋun, tolimok ŋituŋa kon Ŋisirael ebe erae ikes, “Ŋituŋa ŋulu ka Akuj” ka “Ŋiminan ŋulu ke Ekapolon.”

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Osea 4:2

Ŋuna eya nakwap ikes nu: Akikoŋ ŋuna nyiwuapitae, alyokonu, akiar, akoko, elomi ka a ŋinapaki daadaŋ eyai abukonor ŋaokot.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Mika 7:20

Itoodikini iyoŋ ŋituŋa kon akikinyoma kon ka amina kon ŋina nyiryaŋiryaŋa, itoodikini iyoŋ ŋun neni a ŋipapae ka Aburaam ka Yakob, lopite ŋolo ibunio iyoŋ koloŋ sek kiikinia atapapaa kosi.

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 12:8

Apaki ŋin, iuryari Ekapolon ŋulu iboiyete alo Yerusalem, tari ŋulu epalag alo kidiŋ kec, egogoŋioto lopite ŋolo agogoŋio Daudi. Ipukaete ŋipapae a Daudi ikes lopite ŋolo ipukaa emalaika a Ekapolon, lopite ŋolo ipukator Akuj alope.

Sakar 2:12

Eruwor Yudaya atutubet ŋina erae ŋina ke Ekapolon anakwap a ŋina asegan, ido eseuni iŋes nabo Yerusalem.

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.