Yer. 51:46 - Ebaibul

⁴⁶ Nyicamut ŋitai iyalaar, ekuryaketa aŋuna a ŋakiro car a ŋuna irworosi ŋituŋa anakwap, a ŋolokaru eya ŋakiro ŋuna irworosi ŋituŋa, ani ebuni ekaru ŋoloce toyenut ŋakiro ŋace, irworosi ŋituŋa ŋakiro car ŋuna ka aryenyeo anakwap, irworosi ŋuna a ekepukan a epei a ŋolo eremokino ŋoloce.

Yer. 51:46 Iomraidhean Croise

Isa. 19:2

Etidiŋakini ayoŋ Ŋijipitian make, ido ejikinosi ikes make, ejikinosi ikidunyet ka ikidunyet, ejikinosi ŋituŋa a etaun a epei ka ŋituŋa a ŋoloce, ejikinosi ŋituŋa a apukan ka apei ka ŋulu a ŋinace.

2 Ŋirw. 19:7

Kiira, abuni ayoŋ elope akisiirar erwosit ka Asiriya ŋakiro ŋuna itorotokinete iŋes toboŋo nakwap keŋ, ido ani edoli iŋes inaa, etaari ayoŋ ŋituŋa iŋes.’ ”

Luk. 21:28

Ani edoli ŋirwa ŋulu iyookinotor ŋun daadaŋ, towua kireosi ŋakyes kus kidiama, anerae aapuu aiuno kus.”

2 Ŋakiro a ŋirwa 20:23

Apotu ŋasigarya a Ŋiamoni ka ŋuna a Ŋimoabi kitijikis ŋasigarya ŋuna aponito alomoru Seir, tomunyasi daadaŋ; ani kedaut ikes amunyar ŋasigarya ŋun daadaŋ, apotu Ŋiamoni ka Ŋimoabi tolukinos make tomunyaros.

Ŋikat. 7:22

Ani ekutakinete Gideon ka ŋirukitos keŋ ŋamomwar a ŋimesekin ŋun ŋamiae ŋauni kisicumak Ekapolon Ŋimidian make, kicumucumas daadaŋ a ŋileŋia. Toema ŋajorei a Ŋimidian todolo Bes-Sita ekerete lowae ŋolo a Sesira todolo tari lotaun Abel-Meola ŋolo eyai diyete Tabas.

Yer. 46:27

“Nai ani eruwor iyes, nyikuryaketa iyes ŋiletok a Yakob, iyes ŋiletok a Ŋisirael nyikikadanak, anerae alosi ayoŋ aiun iyes anakwapin a ŋuna alwanak aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yob 23:16

Adau Akuj akitililimiyor etau kaŋ; eketubul ayoŋ Akuj ŋina etiron,

Ŋakit. 24:10

Ani kirae iyoŋ ŋini ipatak alorwa a ŋulu a ŋican, irae iyoŋ kire jik ituŋanan ŋini sek ipatak tari ka aŋorot.

Isa. 43:5

Nyikuryaketa, anerae ikirukit ayoŋ ka iyes, ayauni ayoŋ ŋiletok kus alo Kide ka akacununi ayoŋ iyes alo To.

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”