Yer. 51:42 - Ebaibul

⁴² Alelekis ŋakipi a anam Babilon, ebwaliyasi iŋes ŋikaguragurae a ŋakipi ŋulu erwosi.

Yer. 51:42 Iomraidhean Croise

Ŋikiru. 18:16

Abu Ekapolon bu alokidiama kwap ekekamu ayoŋ, abu ekeriu ayoŋ anakipi aŋuna eleleba neni acukul.

Ŋikiru. 18:4

Apotu ŋirotin ŋulu ka atwanare okorapuwasi ayoŋ, apotu ŋirotin ŋulu ka amunyaro kipiiyaun, ekesiiryakis ayoŋ neni aronon,

Ŋikiru. 42:7

Ikitoropik iyoŋ ayoŋ ŋican lopite ŋolo eropiyoto ŋakipi nacuuro; Ekeloŋiyasi ayoŋ ŋican lopite ŋolo erapuwarya akalele akwap; akarapuwasi ayoŋ ŋican lopite ŋolo erapuwarya arimama ibore.

Ŋikiru. 65:7

Isililiŋene iyoŋ akiruruma ŋina a ŋanamyo, akiruruma ŋina a ŋikaguragurae a ŋakipi a ŋuna ekusi ekuwuam ka ecelet ŋolo ikitepegeta iyoŋ ŋituŋa.

Ŋikiru. 93:3

Okoe Ekapolon, anyout ŋakalele, erurumakis ŋakalele nooi, acelut ŋakalele nooi.

Isa. 21:1

Ŋakiro ŋuna adwarit Ekapolon aŋuna ka aloŋisat a ŋina alodiyete anam. Ebuni ekenyasunan analoŋisat anakwap a ŋina adedeŋan, lopite ŋolo ekutunia ekuwuam ŋolo ekusi egogoŋ nooi kipiripiri epye akwap alo Negeb.

Yer. 51:55

Enyasu Ekapolon Babilon, eturuwo iŋes ereŋorot, esililiŋ Ekapolon ecelet a Babilon. Ekerete ŋasigarya Babilon erwosi ŋakejen esibit akiruruma a anam, epupyo ecelet kec ŋolo apolon,

Esek. 26:3

Aŋun, alimu tokona Ekapolon Akuj ebe, ‘Okoe Tiro! Ekemanit ayoŋ iyoŋ, ekesimani ayoŋ iyoŋ ŋituŋa a ŋakwapin a ŋuna alalak, ebukunosi ikes neni kon lopite ŋolo ebukotor ŋikaguragurae a ŋakipi ananam.

Dan. 11:10

“Ekaku, ecunakinete ŋidwe a erwosit a ŋolo alo Kuju ŋulusapa ŋasigarya ŋuna alalak nooi toloto esibit akalele ka mam ibore iretakini ikes, ejiyorosi ikes jik tari naduketait ŋinajiet.

Dan. 7:2

“Anakisileerekinet a ŋina abu ayoŋ eŋolik nakwaare, abu ayoŋ eŋolik ekuwuam ŋolo akutunit alowaetin a ŋuluomwon a daadaŋ, ŋolo akutunit ananam a ŋina apolon nooi.

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Luk. 21:25

“Eyakaun ŋakitoodikineta nakoloŋ, lolap ka lokacer. Egeuni akwap daadaŋ aryeba ka amaran aŋuna ke eruye ka akimorokok ŋina ka anam.