Yer. 51:29 - Ebaibul

²⁹ Emarani akwap ka iryaŋiryaŋa aŋuna a ŋakiro a ŋuna aseu Ekapolon akitiya nakwap a Babilon, akituruwor akwap a Babilon ereŋorot, neni emam ŋituŋa iboiyete alotooma keŋ.

Yer. 51:29 Iomraidhean Croise

Isa. 14:16

“Ikitekinete iyoŋ ekaoyan ŋulu ikiŋolikinete iyoŋ, ido epodosi aŋuna kon ebasi, ‘Erae mono lo ekile ŋolo abu kitamaranik akwap ka kitamaranik ŋapukasinei a?

Isa. 24:20

Iteritero akwap lopite ŋolo iteriteror ituŋanan ŋini emera, ido iyaŋiyaŋa lopite ŋolo iyaŋiyaŋar akai aŋanya iloiloi ekuwuam ŋolo agogoŋon, enuwakin ŋasecisya nooi nakwap, ido imasar ka nyeteni nabo.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Yer. 50:13

Aŋuna ka anyunyura a ŋina ke Ekapolon, emamukaun ŋituŋa iboiyete anakwap kus, nai eruwor iŋes ereŋorot ŋolo asilon nooi, ebuli ituŋanan daadaŋ ŋini itori diyete Babilon, ijutujutakini aŋuna ka akinyasuno keŋ a daadaŋ.

Yer. 50:36

Earyo a ekileŋ ŋikerujak keŋ, earyo a ekileŋ ŋikajiok a Babilon, ikotere eruworotor ikes ŋibaŋaanotin, ikotere emunyaryo ikes.

Yer. 50:43

“Eira erwosit a Babilon atemar eponito ŋimoe ŋul, alilimiyosi ŋakan keŋ, ebwaliya iŋes aryeba ŋakiro ŋun, aryeba ŋina ikoni ŋina ka aberu a ŋina eapi akidoun.

Yer. 50:45

Aŋun, Kiirasi ŋakiro ŋuna eyeunit Ekapolon aŋuna a ŋituŋa a Babilon ka ŋakiro ŋuna ecamit iŋes akitiya nakwap a Ŋibabiloniyae: Kire jik, erikoryo ŋidwe kec iwace ka ebuli ŋituŋa daadaŋ aŋuna a ŋakiro kec.

Yer. 50:46

Apaki ŋina iirare eruye ŋolo ikamarere Babilon, emaranikini akwap, ido iirarete ŋituŋa a ŋakwapin akigworo kec.

Yer. 51:26

Mam amoru elemunio alotaun kus aŋuna ke ekoona, mam amoru kus elemunio tari aŋuna ka akisyakin aduketait, nai eruwor Babilon etaun ŋolo enyasun jik ŋikaru ka ŋikaru.

Yer. 51:28

Kitemokisi ŋituŋa a ŋakwapin aŋuna ka akitijikin Babilon, tonyarautu ŋirwosi a Medes ka ŋikepukak kec ta ŋulu iwapito ikes anapukan; tonyarautu ŋituŋa a ŋakwapin a daadaŋ a ŋuna ipukato ŋikepukak ŋul.

Yer. 51:37

ido eruwor Babilon ŋatukon a ŋamoru a ŋuna eritakinitae kwap ka neni iboiyoto ŋikweei, akibois ŋina ikitubuli iŋolikini ka ŋina ejutuwanaryo, ŋina emam ŋituŋa iboikin tooma keŋ.

Yer. 51:43

Aruwor ŋitaunio keŋ ŋulu itubulete ŋituŋa iŋolikinete, aruwor Babilon akwap ŋina eonit ka aloŋisat, akwap ŋina emam ituŋanan iboiyo ka neni emam ituŋanan itorenene.

Yer. 8:16

“‘Epupyo iwon eruye a ŋaŋolei a ŋimoe a lotaun a Dan epupyo iwon ŋaŋolei kec erubakinito irukosi, ido amaraniki akwap daadaŋ. Eponito ŋimoe yok akinyasun akwap ka amunyar ŋinibore daadaŋ eyai tooma keŋ, eponito ikes akinyasun etaun yok ka ŋituŋa daadaŋ ŋulu iboiyete a nen.’

Yoel 2:10

Iryaŋiryaŋakin akwap eapuuni iŋes, emaranikini kidiama, iryokiata akoloŋ ke elap, nyecaunete nabo ŋikacer.

Amos 8:8

Aŋakiro a ŋun, nyemaranikini mono akwap a? Nyikalounete mono ŋituŋa ŋulu iboiyete a nen a? Emini akuryanu lotuŋa a akwap, irimokinete ŋituŋa iwarito neni eiunotor.’

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.