Yer. 51:27 - Ebaibul

²⁷ Kikiasi abendera anakwap, tokutakisi amomwara a amesek alokidiŋ ŋakwapin, kitemokisi ŋituŋa a ŋakwapin aŋuna ka akitijikin Babilon, tonyarautu aŋuna keŋ ŋituŋa a ŋapukasinei a nu: Ararat, Mini ka Asikenas. Toseutu aŋuna keŋ ekarikon a ŋajorei; tocunutu aŋuna keŋ ŋaŋolei ŋuna alalak ŋuna etya emaase.

Yer. 51:27 Iomraidhean Croise

Akisy. 10:3

Ŋidwe a Gomer ŋulusapa lu: Askenas, Ripas ka Togarima.

Akisy. 8:4

Ani edoli elap ŋolo a ŋikanikaarei ŋirwa ke elap ŋitomon ka ŋikanikaarei, totiyaun ataker kwap, kidokokin kidiama ŋimoru ŋulu enyaritae Ararat.

2 Ŋirw. 19:37

Akoloŋit apei eriŋa iŋes ilipi alokai a ŋina ka Akuj keŋ a ŋina anyaritae Nisirok apotu ŋidwe keŋ ŋulusapa Adiramalek ka Sareser kitelo iŋes a ekileŋ toara, ido tosiwa ikes nakwap ŋina anyaritae Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

1 Ŋakiro a ŋirwa 1:6

Ŋidwe a Gomer ŋulusapa lu: Asikenas ka Ripas ta Togarima.

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Yer. 25:14

anerae epote ŋituŋa a ŋakwapin a ŋuna alalak ka ŋirwosi ŋulu agogoŋok akituruwor ikes ŋipi, ido esicani ayoŋ ŋituŋa ka ŋirwosi ŋul aŋuna a ŋiticisyo kec ka aŋuna a ŋiboro a ŋulu itiyaununeete ikes a ŋakan kec.”

Yer. 46:23

Eyapakinete ŋituŋa ŋul ŋikito a ŋamon a Ijipit kwap, tari daŋ kemutoko nooi ŋamon kec, anerae elalak ŋimoe ŋul akilo tari emaase, nyimarun ikes.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 50:3

“Eponito alo Kuju ŋituŋa a akwap ŋulu itijikinete iŋes, itoruworete ikes akwap a Babilon ereŋorot ka mam ituŋanan ebuni akiboi a nen, eemete ŋityaŋ ka ŋituŋa a nen.

Yer. 50:9

anerae alosi ayoŋ akitonyoun ka ayaun atukot a ŋituŋa a ŋakwapin a ŋuna ejioko anakwap a ŋina alo Kuju akitijikin ŋituŋa a Babilon, icodorete ikes aŋuna ka akitijikin ŋituŋa a Babilon, a nen ikamaryo Babilon. Ikwaan ŋikaleŋeleŋe a ŋikajiok a ŋul ka ŋulu a ekajion a ŋolo eyeni akisitiya ŋikaleŋeleŋe, ekajion ŋolo nyeboŋununui emam ibore eŋatunit.

Yer. 51:12

Kikyasii abendera ŋina itijikinere Babilon, ŋina ebwaŋere ŋarwatatain keŋ. Kitogogoŋo ŋulu iyokiyete akwap, kiwuakisi ŋikererok kitemonokis ŋikadapitok, anerae abu Ekapolon toyeu ka esiyook, ŋakiro ŋuna alimunit iŋes aŋuna a Babilon.

Yer. 51:14

Ekoŋ Ekapolon ŋolo a ŋajoresyo aŋuna keŋ atemar, kire jik, ekeyakikini ayoŋ iyes ŋasigarya ŋuna alalak, ŋuna etya emaase iworounete ikes ecelasi aŋuna ikilouniata iyoŋ.

Yer. 51:28

Kitemokisi ŋituŋa a ŋakwapin aŋuna ka akitijikin Babilon, tonyarautu ŋirwosi a Medes ka ŋikepukak kec ta ŋulu iwapito ikes anapukan; tonyarautu ŋituŋa a ŋakwapin a daadaŋ a ŋuna ipukato ŋikepukak ŋul.

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Yoel 3:9

“Kiserata ŋakiro nu nakwapin: Kitemonokinos aŋuna ke ejie, kisimukekisi ŋikajiok. Tolimokisi ŋasigarya daadaŋ toapuut, tolimokisi kikomaut.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Ŋikat. 6:5

anerae awotununeete ŋimoe a Ŋisirael ŋul ka ŋibaren kec ka iwokito ŋiemae kec, arimaete ikes esibito emaase, pa apedoryo akimarun ŋituŋa ka ŋikaala kec, apotu ikes kinyasut akwap a Ŋisirael.