Yer. 51:13 - Ebaibul

¹³ Iyes ŋulu iboiyete alodiyete ŋakipi ŋuna alalak, iyes ŋulu elal abaru, adolu adaunet kus, atubo eitanit a akiyar kus.

Yer. 51:13 Iomraidhean Croise

Akisy. 6:13

Tolimok Akuj Noa tema, “Adau ayoŋ atubun amunyar ŋituŋa daadaŋ anakwap, anerae eelakis ŋituŋa aryenyeo nakwap; nai tokona, amunyari ayoŋ ŋituŋa kaapei ka akwap.

Ŋikiru. 137:1

Aponi isua kiboikinetei diyete ŋaŋololin ŋuna a Babilon, ido aponi isua kigworoi etamunio Sion.

Isa. 43:14

Alimu Ekapolon, ekalakunan kus, Akuj ŋina asegan ŋina a Isirael ŋakiro nu ebe, “Aŋuna ka aiun iyes, eyakiyari ayoŋ ŋasigarya toremo Babilon, aritaari ayoŋ ŋipukei a etaun, ido eturuwori ayoŋ acela a Ŋibabiloniyae ŋina ka alakara akiwolol.

Isa. 45:3

akainakini ayoŋ iyoŋ ebari ŋolo iwuaitae anakiryonut ka ebari ŋolo iwuaitae anakiboisyo a ŋuna emam ituŋanan eyeni, ikotere iyoŋ iyenuni atemar ayoŋ Ekapolon, Akuj a Isirael iŋes ikinyar iyoŋ a ekiro kon.

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Yer. 50:27

Toara ŋasigarya keŋ daadaŋ torikosi ikes neni eŋolere. Acakec, adolu akoloŋit kec, adolu apaki ŋina ka akisicanio kec!

Yer. 50:31

“Okoe iyes ŋituŋa a Babilon ŋulu iturosi, akaremokino ayoŋ iyes, anerae adolu akoloŋit kus, adolu apaki ŋina alosyo ayoŋ akisican iyes.

Yer. 50:37

Earyo a ekileŋ ŋaŋolei keŋ ka emunaaryo ŋagaari keŋ ŋuna iritae a ŋaŋolei ta ŋasigarya ŋunagelae ŋuna eyakasi kidiŋ keŋ, ikotere epalagagiata ikwa ŋaberu. Eŋatunio a ekileŋ ebari keŋ daadaŋ, ikotere eŋataryo.

Yer. 51:36

Aŋun, alimu Ekapolon ŋakiro nu, Alosi ayoŋ akiyok iyes enyaŋa aronis ŋina etiyae neni kus, etooni ayoŋ anam kec, eokete tari ŋilelyan kec,

Aum. 4:18

Ikiwarito isua ŋimoe kosi, aŋun, nyepedoritae isua alosit alorotin a etaun. Abu adaun kosi toapu, emaruna ŋirwa kosi, anerae abu todol isua adaun.

Dan. 5:26

Apolou a ŋakiro a ŋun iŋes na, MENE iŋes atemar adau Akuj akimarun ŋirwa ŋulu a apukan kon ka adaun apukan kon.

Amos 8:2

Ekeŋit ayoŋ Ekapolon tema, “Amos, nyo ite iyoŋ?” Oboŋok ayoŋ otema, “Ete ayoŋ ebukit ŋolo eya ŋaraito ŋuna akonok.” Tema nai Ekapolon neni kaŋ, “Adolu apaki ŋina esidyon aŋuna a ŋituŋa kaŋ a Ŋisirael, nyesyoni ayoŋ ikes nabo jik.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Akis. 17:1

Abu epei a ŋimalaikan a ŋulukanikaarei a ŋulu ayakatar ŋabakulei ŋakanikaarei, bu neni kaŋ tema, “Bua, eketoodikini ayoŋ iyoŋ epite ŋolo isicanere amalaat ŋina yenen, etaun ŋolo apolon ŋol, ŋolo edukitoe diyete ŋaŋololin ŋuna alalak.

Akis. 17:15

Abu emalaika okolimok ayoŋ tema, “Ŋakipi ŋuna ibu iyoŋ toanyuwa iboiyo amalaat, erae ŋituŋa, ŋasepico, ŋakwapin, ka ŋaŋajepa.

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”