Yer. 50:9 - Ebaibul

⁹ anerae alosi ayoŋ akitonyoun ka ayaun atukot a ŋituŋa a ŋakwapin a ŋuna ejioko anakwap a ŋina alo Kuju akitijikin ŋituŋa a Babilon, icodorete ikes aŋuna ka akitijikin ŋituŋa a Babilon, a nen ikamaryo Babilon. Ikwaan ŋikaleŋeleŋe a ŋikajiok a ŋul ka ŋulu a ekajion a ŋolo eyeni akisitiya ŋikaleŋeleŋe, ekajion ŋolo nyeboŋununui emam ibore eŋatunit.

Yer. 50:9 Iomraidhean Croise

2 Sam. 1:22

Nyikwaŋakina Saul ka Yonasan abukor ŋaokot a ŋimoe kec, nyikwaŋakina ikes apokonor ŋarwonita. Nyinyakara Yonasan ŋikaleŋeleŋe keŋ nyeara ituŋanan, kori nyinyakara Saul ekileŋ keŋ nyeara ituŋanan.

Eete a Ŋie. 3:8

Etiŋito ikes daadaŋ ŋileŋia ka eyenete ajiore alojie, enapit ŋinituŋanan ekileŋ keŋ alokalokot aŋuna a eli a daadaŋ a ŋolo eramakinio nakwaare.

Isa. 21:2

Adau Ekapolon akisileerekin ayoŋ ŋakiro nu anakiruja: Elukini ekalukinon, inyasuni ekenyasunan. Okoe ŋituŋa a Elam, kitipeiyosi toremo, ŋasigarya a Media, kirikautu ŋitaunio, etadauni ayoŋ akiyaloloŋ daadaŋ ŋina eteryamunito ŋituŋa a Babilon ŋuluce.

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Yer. 15:14

Eketuruwori ayoŋ iyes ŋiketiyak a ŋimoe kus anakwap a ŋina nyiyenete iyes, anerae erirae aŋoit kaŋ ikwaan ka akim ŋina erirae ŋikaru ka ŋikaru.”

Yer. 25:14

anerae epote ŋituŋa a ŋakwapin a ŋuna alalak ka ŋirwosi ŋulu agogoŋok akituruwor ikes ŋipi, ido esicani ayoŋ ŋituŋa ka ŋirwosi ŋul aŋuna a ŋiticisyo kec ka aŋuna a ŋiboro a ŋulu itiyaununeete ikes a ŋakan kec.”

Yer. 25:26

ŋirwosi daadaŋ ŋulu a ŋakwapin a ŋuna alo Kuju, a ŋuna eapiyete ka a ŋuna alwanak eryamunete ŋulutuŋa ŋun ekaku a ŋuluce; eryamunete ŋapukasinei daadaŋ ŋuna ka akwap a daadaŋ ŋican ŋul. Ekaku kec daadaŋ, toryamu nai erwosit a Sesak.

Yer. 50:14

Iyes ŋulu iyakatar ŋakawo a ŋikaleŋeleŋe ka ŋikaleŋeleŋe, kicodosi toremo Babilon. Toguma ŋituŋa keŋ a ŋikaleŋeleŋe, nyideut ŋikaleŋeleŋe ŋidi, anerae asec iŋes aneni ke Ekapolon.

Yer. 50:21

Kitipeiyosi nakwap a Merasaim, toloto kitijioto ŋituŋa keŋ, kitijikis ŋituŋa a Pekod, tomunyasi ikes daadaŋ nyidoŋ tari ipei. Kitiyata daadaŋ ŋuna akalimok ayoŋ iyes akitiya.

Yer. 50:26

Potu alowaetin a daadaŋ akitijiore Babilon, toŋaasi ŋidulae keŋ, totukokisi ikwa nyikinyom ŋawat a ŋituŋa keŋ a ŋulu etwakito, ido tomunyasi iŋes jik; nyimyekis idiobore keŋ kidoŋ.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 50:3

“Eponito alo Kuju ŋituŋa a akwap ŋulu itijikinete iŋes, itoruworete ikes akwap a Babilon ereŋorot ka mam ituŋanan ebuni akiboi a nen, eemete ŋityaŋ ka ŋituŋa a nen.

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.