Yer. 50:6 - Ebaibul

⁶ “Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Yer. 50:6 Iomraidhean Croise

Ŋikiru. 116:7

Aŋun apedori tokona akiboi nabo emam ŋace, anerae etiya Ekapolon ŋuna alalak ŋuna ajokak neni kaŋ.

Ŋikiru. 119:176

Adau ayoŋ aoliyor ikwa amesek ŋina eolit; kiwarae ayoŋ eketiyan kon, anerae nyimuryakina ayoŋ ŋakiciketa kon.

Ŋikiru. 23:2

Ekemyekini iŋes ayoŋ eeŋu a lonya a ŋulu alibak; eketenari iŋes ayoŋ neni eya ŋakipi ŋuna aliwak nooi.

Ŋikiru. 32:7

Irae iyoŋ neni aŋopitor ayoŋ; ikiunit iyoŋ ayoŋ alocan; ikisirikaunit iyoŋ ayoŋ ŋituŋa ŋulu eeosi ŋieosyo ŋulu ka alelyanu aŋuna ka aiuno.

Ŋikiru. 90:1

Ekapolon, irae iyoŋ neni iboiyere isua ŋinapei ananyameta a daadaŋ.

Ŋikiru. 91:1

Ituŋanan daadaŋ ŋini elosi aiuno neni ka Akuj a ŋina alokidiama nooi, erubakini eyai nakiuryaro ŋina ka Akuj a ŋina etiron.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Yer. 10:21

anerae imasimasit ŋikepukak, nyiŋitasi aneni ke Ekapolon ŋakiro ŋuna emaikina kitiyae; aŋun, nyerubakina ikes ipukato ka ealar ŋituŋa daadaŋ ŋulu epukato ikes.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 23:1

Alimu Ekapolon ebe, “Ekaŋ iyes ŋikepukak ŋulu imunyasi ka ielasi ŋituŋa kaŋ anakwap kaŋ.”

Yer. 3:23

Kire jik, erae akilip neni a ŋakujo alokidiama ŋikamukumukui acaryoit, erae ainakina nooi akilip neni a ŋakujo alokidiama ŋimoru acaryoit. Kire jik, erae neni a Ekapolon Akuj yok eyai aiuno a Ŋisirael.’

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Yer. 33:12

“Alimu Ekapolon ŋolo a ŋajoresyo atemar, eyakaun nakibois na ŋina tokona erae ereŋorot, ŋina emam ŋituŋa ka ŋityaŋ eyakasi ka lotaunio keŋ daadaŋ neni iyokiyoto ŋikeyokok ŋamesekin kec.

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 50:19

Enyakuni ayoŋ Ŋisirael nakwap kec, eryamunete ikes akimuj alo Karimel, alo Basan ka alokamukumukui a Epuraim, imwokete ikes alo Gilead.

Esek. 13:10

Adaut ŋikadwarak ŋulu alyokonok ŋul akitooliyor ŋituŋa kaŋ ebasi neni kec, ‘Kiryama ka ekisil, nai tomam bo ekisil’. Ani edukokinete ŋituŋa kaŋ a ŋamoru arwatata ŋina epatana akielar, epote ŋikadwarak ŋul kirworo ŋuna a ŋisoswae aŋuna ka arwatata a ŋin.

Esek. 34:14

Eyoki ayoŋ ikes neni eyakasi ŋinya ŋulu ajokak, eyakaun ŋinya kec naitae ŋuna a ŋikamukumukui a Isirael, euryanikin neni eya ŋinya ŋulu ajokak, enyamete ŋinya ŋulu etumak alokidiama ŋikamukumukui a Isirael.

Esek. 34:15

Ayoŋ elope aruwor ekeyokon a ŋamesekin kaŋ, emyekini ayoŋ ikes touryanikin.

Esek. 34:16

Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Mat. 10:6

nai akilo, toloto lotuŋa ŋulu a Isirael ŋulu ikote ŋamesekin ŋuna eolito.

Mat. 15:24

Toboŋok Yesu ikes tema, “Ekeyakuunitae ayoŋ neni a ŋituŋa a Isirael make, a ŋulu eoliyorito ikwa ŋameseekin.”

Mat. 9:36

Ani iŋolikini Yesu ŋasepico, kisyonioto iŋes, anerae eyaloloŋete ikes ka topapanunito ikwa ŋamesekin ŋuna emam ekeyokon.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.