Yer. 50:4 - Ebaibul

⁴ “Alorwa a ŋul ka anapaki a ŋin, epote ŋituŋa a Isirael ka ŋulu a Yudaya kaapei igworosi iwarito Ekapolon Akuj kec.

Yer. 50:4 Iomraidhean Croise

2 Ŋakiro a ŋirwa 7:14

ani kitiditeunosi ŋituŋa kaŋ ŋulu enyaritae a ekiro kaŋ, ido kilipa ka kiwara akiŋolikin ayoŋ, kimyekis ŋipitesyo kec ŋulu aronok, eirari nai ayoŋ anakuj ŋakiro kec, ido esyoni asecit kec ka eterereŋ akwap kec.

Ŋikiru. 105:4

Kiwara Ekapolon ka kiwara agogoŋu keŋ, kiwara ayakau neni keŋ jwi jwi.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 45:19

Nyirworo ayoŋ anakimunono, nyirworo ayoŋ anakwap a ŋina ka akiryonut; nyelimokina ayoŋ ŋiletok a Yakob ebe, “Kiwarae ayoŋ aneni nyaryamunor.” Ayoŋ Ekapolon, erworo ŋuna a kire, alimuni ayoŋ ŋakiro ŋuna iyookino.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Isa. 63:4

Aris apaki ŋinakinyaŋaret keyakaun lotau kaŋ ka aris ekaru ŋolo ka alakun ikes kedolu.

Yer. 31:31

Alimu Ekapolon ebe, “Kire jik, eponito ŋirwa ŋulu ewuakinia ayoŋ acamunet ŋinakitete ŋina ikicamunor ayoŋ ka ŋituŋa a Isirael ka ŋulu a Yudaya.

Yer. 33:15

Alorwa a ŋul ka anapaki a ŋin, etolomuni ayoŋ ateni ŋina iyookino aloletok a Daudi, itiyae iŋes anakwap ŋuna ecamunitae ka ŋuna iyookino.

Yer. 41:6

Tolomu Isimael lokoku a Nesania kiŋa alo Misipa akisiryam ŋikilyok ŋul, egworo iŋes ebunit. Ani iryamun iŋes ka ikes, tolimok ikes tema, “Potu neni a Gedalia a lokoku a Aikam.”

Esek. 16:61

Ŋun nai itamunia iyoŋ ŋakiro ŋuna itiya iyoŋ, ido ikirumete iyoŋ ŋileec apaki ŋina ikinyakakinere iyoŋ nakaato kon ŋina apolon ka ŋinacici. Akainakini ayoŋ iyoŋ ikes erae ŋidwe kon ŋulupesur, nai pa sek arae ŋin apei a ŋakiro a ŋuna ka acamunet kaŋ ka iyoŋ.

Esek. 39:25

“Aŋun, alimu Ekapolon Akuj atemar, enyakuni tokona ayoŋ ŋapiya a Yakob anakwapin a ŋuna aponi torikoroe, esyoni ayoŋ Ŋisirael daadaŋ ka euryari ayoŋ ekiro kaŋ ŋolo asegan nyituruwor ekoŋinait.

Osea 1:11

Imorikinosi nabo ŋituŋa a Yudaya ka ŋulu a Isirael, eseunete nai ikes ekarikon kec epei, ikamarete ikes akwap kituruwosi ŋina kec. Kire, eruwor akoloŋit ŋina itiyakinotor ŋakiro ŋun alo Yesireel akoloŋit ŋina apolon nooi.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Yak. 4:9

Kiyaloloŋo aŋuna ke epite kus a ŋolo ka aseconu, kiluurwoto ka kigworo! Kilocokisi akiena kus toruwor akigworo ka alakara kus toruwor akiyaloloŋ!