Yer. 50:2 - Ebaibul

² “Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 50:2 Iomraidhean Croise

Ŋikiru. 64:9

Emini akuryanu lotuŋa daadaŋ; elimorete ŋituŋa ŋakiro ŋuna etiya Akuj, ido totamatamata ŋuna etiya Akuj.

Ŋikiru. 96:3

Kiserata apolou keŋ neni a ŋituŋa, kiserata ŋiticisyo keŋ ŋulu ka aumokin neni a ŋituŋa daadaŋ,

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Isa. 12:4

Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

Isa. 13:2

kikyaasi abendera ŋina ke ejie alokamukumukut a ŋolo emam ŋikito, tocelutu neni a ŋasigarya kus; kikyaasi ŋakan kus itoodiunito atemar tolomasi ikes alopukei a ŋikapolok.

Isa. 21:9

Kiŋolik, eki apotu, apotu ŋikametok ŋagaari ŋuna iritae a ŋaŋolei, ŋikametok ŋaŋolei erukito a ŋiareerei!” Etemari nabo ekeyokon ŋol ebe, “Enyasun, enyasun Babilon. Eperete alokwap ebwaŋabwaŋaara ŋitorubei daadaŋ a ŋakujo a ŋuna sek elipete ikes.”

Isa. 37:19

ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Isa. 39:1

Ŋirwa ŋul, kiira erwosit a Babilon ŋolo anyaritae Merodak-baladan ŋolo arae lokoku a Baladan atemar kedyaka erwosit Esekia ka aŋaleu. Aŋun, abu iŋes kiyaki ŋituŋa inasi Esekia ŋabaruwae ka ainakinet.

Isa. 46:1

Erae na adaunet a ŋakujo a Babilon! Arae sek Bel ka Nebo ŋakujo ŋuna elipeneneo neni kec, nai tokona idokokinitoe ikes losigirya, aruworosi akiwokitoi ŋina apotyon aneni a ŋityaŋ a ŋulu sek eupit.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 48:6

“Idaut iyes akiirar ka akiŋolikin ŋun daadaŋ, nyipedorete tokona iyes alimor ŋakiro ŋun a? Ameun tokona ekesiirari ayoŋ iyes ŋakiro ŋunakitet, ŋakiro ŋuna sek ewuaitae, ŋuna nyeyenuna iyes.

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Yer. 10:15

Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 4:16

Tolimokisi ŋituŋa a ŋakwapin ebe, “Eyakasi ŋikiyakitono ŋul ne!” Kiserata ŋakiro nu neni a ŋituŋa a Yerusalem ebe, “Eponito anakwap a ŋina alwanan; ŋituŋa ŋulu ikirikaunete iyes, ecelasi ikes imanito ŋitaunio a Yudaya.

Yer. 4:6

Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Yer. 46:14

“Tolimo ŋakiro nu alo Ijipit, kiserau ikes alo Migidol, kiserau ikes alo Mempis ka alo Tapanes ebe, ‘Tolemutu ŋaŋolei kus, ido totena, anerae emunyaryo a ekileŋ ŋikidunyet kus.’

Yer. 50:46

Apaki ŋina iirare eruye ŋolo ikamarere Babilon, emaranikini akwap, ido iirarete ŋituŋa a ŋakwapin akigworo kec.

Yer. 51:12

Kikyasii abendera ŋina itijikinere Babilon, ŋina ebwaŋere ŋarwatatain keŋ. Kitogogoŋo ŋulu iyokiyete akwap, kiwuakisi ŋikererok kitemonokis ŋikadapitok, anerae abu Ekapolon toyeu ka esiyook, ŋakiro ŋuna alimunit iŋes aŋuna a Babilon.

Yer. 51:27

Kikiasi abendera anakwap, tokutakisi amomwara a amesek alokidiŋ ŋakwapin, kitemokisi ŋituŋa a ŋakwapin aŋuna ka akitijikin Babilon, tonyarautu aŋuna keŋ ŋituŋa a ŋapukasinei a nu: Ararat, Mini ka Asikenas. Toseutu aŋuna keŋ ekarikon a ŋajorei; tocunutu aŋuna keŋ ŋaŋolei ŋuna alalak ŋuna etya emaase.

Yer. 51:31

Ekeri ekakeran epei akisiryam ŋinice ka elosi ekiyakitono epei akisiryam ŋinice, ekerete ikes alimokin erwosit a Babilon atemar, ekamar etaun alowae ke epei tari ŋoloce.

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Yer. 51:47

“Kire jik, eponito ŋirwa ŋulu esicania ayoŋ ŋakujo a Babilon, isirumyo akwap a Babilon daadaŋ ŋileec, earyo ŋituŋa daadaŋ alotooma keŋ.

Yer. 51:52

“Aŋun, alimu Ekapolon atemar, kire jik, ebunit apaki ŋina esicania ayoŋ ŋakujo a Babilon. Igworete ŋituŋa ŋulu ewanan anakwap a Babilon a daadaŋ.

Yer. 51:8

Alotooma apaki ŋina euruwuana, amunaar Babilon ka enyasun jik, kiwololoto aŋuna keŋ, yautu ekitoe ŋolo enyaritae Balam kiwuakis najemei keŋ, acepaki epedori iŋes aŋaleun.

Yer. 52:31

Alokaru a ŋolo a ŋatomoniuni ka ŋikanikaarei, ŋirwa ke elap ŋatomoniarei ka ŋikan elap ŋolo a ŋitomon ka ŋiarei, eriŋa Yeoiakin erwosit a Yudaya erae emabus alo Babilon, kisyak Ebilimerodak ŋolo alo Babilon akipuka Babilon, tolacak Ebilimerodak Yeoiakim erwosit a Yudaya alomabus.

Yer. 6:18

Aŋun, kiirasi okoe ŋituŋa a ŋakwapin, toyenutu okoe ŋatukon a ŋituŋa, ŋakiro ŋuna etakanunuyete neni kec.

Dan. 1:2

Abu Ekapolon inak Jeoiakim erwosit a Yudaya napedor a erwosit a Babilon, inak tari ŋiboro ŋulu esitiyao alo Kai ka Akuj. Abu Nebukadinesar ya ikes nakwap ŋina a Sinar, kiwuak ŋiboro ŋul kai ŋina eŋadao abaru a ŋakujo keŋ.

Dan. 3:14

Tolimok Nebukadinesar ikes tema, “Erae kire atemar, iyes Sadirak, Mesak ka Abedinego nyitiyanakinete ŋakujo kaŋ, kori nyilipete neni a etorube a egolid a ŋolo asipok ayoŋ a?

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.