Yer. 50:19 - Ebaibul

¹⁹ Enyakuni ayoŋ Ŋisirael nakwap kec, eryamunete ikes akimuj alo Karimel, alo Basan ka alokamukumukui a Epuraim, imwokete ikes alo Gilead.

Yer. 50:19 Iomraidhean Croise

Esir 2:1

Arae lu Ŋisirael ŋulu apotu toboŋut alo Babilon Yerusalem, nakwap a Yudaya; arae ikes ŋulu koloŋ kebu erwosit Nebukadinesar ŋolo a Babilon ya erae ŋirikon nakwap a Babilon abu ŋinituŋanan toboŋo lotaun keŋ.

Eete a Ŋie. 6:5

Tojoŋo akitere ayoŋ, anerae eketubulo ayoŋ ŋakonyen kon. Icurosi ŋitim anakou kon lopite ŋolo icurunotor ŋamee kwap ŋikamukumukui a Gilead.

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 3:18

Alorwa a ŋul, imorikinosi ŋituŋa a Isirael ka ŋituŋa a Yudaya, epote ikes kaapei anakwap a ŋina alo Kuju a ŋina arikoritae ikes, epote nai ikes nakwap ŋina abu ayoŋ oinak atapapaa kec toruwor ŋina kec.

Yer. 30:10

“Nai ani eruwor iyes, nyikuryaketa iyes ŋiletok a Yakob, iyes ŋiletok a Isirael, nyikikadak, anerae alosi ayoŋ aiun iyes anakwapin a ŋuna alwanak, aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Yer. 31:14

Ainakini ayoŋ ŋisacaradotin akimuj ŋina ajokan ka ŋina alalan, imwokete ŋituŋa kaŋ a ibore a daadaŋ a ŋini iitanito.”

Yer. 31:25

Esieŋuni ayoŋ ŋulu eupit. Esimwoni ŋulu einaa akoro.”

Yer. 31:6

Ebunit apaki ŋina eceluniata ŋiketeok etaun alokamukumukui a Epuraim ebasi, ‘Potu etipeiyosi Sion neni a Ekapolon Akuj yok,’

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 46:27

“Nai ani eruwor iyes, nyikuryaketa iyes ŋiletok a Yakob, iyes ŋiletok a Ŋisirael nyikikadanak, anerae alosi ayoŋ aiun iyes anakwapin a ŋuna alwanak aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yer. 50:6

“Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Esek. 11:17

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Akacununi ayoŋ iyes alotuŋa a ŋakwapin, ekenyaku anakwapin kec aneni aponi ikielar iyes, akainakini nabo ayoŋ iyes akwap a Isirael.’

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Esek. 36:33

“‘Alimu Ekapolon Akuj atemar, akoloŋit ŋina eketaleunio ayoŋ iyes anasecisya kus a daadaŋ, ewuakini nabo ayoŋ ŋituŋa kiboikinos lotaunio ka edukokinio nabo ŋakiboisyo ŋuna apotu toruwor ŋakoŋinae.

Esek. 38:8

Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Esek. 47:18

Alowae a ŋolo alo Kide, isyakini ekukoru kus alokidiŋ Auran ka Damasko, tomek aŋolol Yorodan, kitor kidiŋ Gilead ka akwap a Isirael tomyaa nanam ŋina Atwan kisalak Tamar.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sakar 10:10

Enyakuni ayoŋ ikes nakwap kec, enyakuni ayoŋ ikes alo Ijipit ka Asiriya, esiboik ikes nakwap kec. Esiboikini ayoŋ ikes Gilead ka Lebanon daŋ ilelebunosi ŋituŋa kaŋ nakwap kec daadaŋ.

Ekim. 32:1

Ayakatar ŋituŋa a ekabila a Ruben ka ŋituŋa a ekabila a Gad ŋaatuk ŋuna alalak nooi. Ani eanyunete ikes atemar ejokak ŋalup ŋuna ka akwap a Yaser ka Gilead aŋuna a ŋaatuk,

Ekim. 32:4

ŋakiboisyo ŋuna a akwap a ŋina adau Ekapolon akiloun aŋuna a Ŋisirael ejokak aŋuna a ŋaatuk, ido isua ŋiketiyak kon ikiyakar ŋaatuk.

Yos. 17:15

Toboŋok Yosua ikes tema, “Ani kilalak iyes, toloto namoni kidimut akwap aŋuna kus anakwap a Ŋiperisi ka a Ŋirepaim, anerae edidiŋ aŋuna kus akwap ŋina a ŋikamukumukui ŋina a Epuraim.”