Yer. 50:16 - Ebaibul

¹⁶ Tolemasi ŋiketak alo Babilon, tolemasi ŋikalemak kaapei ka ŋileŋia ŋulu elemere; aŋuna ke ejie a ŋolo a ŋikesicanak, emaikina ŋinituŋanan toboŋo lotuŋa keŋ, emaikina ŋinituŋanan toboŋo nakwap keŋ.’

Yer. 50:16 Iomraidhean Croise

Isa. 13:14

Eemete ŋituŋa a Babilon daadaŋ lotuŋa kec, eemete daadaŋ nakwapin kec a ŋilopeyek, eemete ikes ekerete nooi lopite ŋolo eemya agete ŋina irisitae, kori ielarosi ikwa ŋamesekin ŋuna emam ituŋanan ecunakini.

Yer. 25:38

Emyek Ekapolon akibois keŋ, lopite ŋolo imyekinia eŋatuny adui keŋ, anerae aruwor akwap a ŋituŋa keŋ acaryoit aŋuna a aryenyeo a ŋituŋa a ŋulu amunyasi ŋituŋa keŋ ka aŋuna a aŋoit keŋ a ŋina aryenyaanan.

Yer. 46:16

Adau akigukin ŋasigarya kus ŋuna alalak, amunyarosi, abu ipei tema neni a ŋinice, ‘Bua, oboŋosi lotuŋa yok ka nakwap ŋina ikidounere iwon, osiwa alokileŋ a ŋimoe.’

Yer. 51:23

ekesitiyae ayoŋ iyes aarya ŋikeyokok ka ŋamesekin kec; ekesitiyae ayoŋ iyes aarya ŋiketak ka ŋimoŋin ŋulu itaata ikes; ekesitiyae ayoŋ iyes aarya ŋikepukak ka ŋulu iwuapito ikes anapukan.”

Yer. 51:9

Aponi isua kikatakinae akitaŋaleun Babilon, nai nyeŋaleuno iŋes. Emaikina iŋes kimuryakin aneni yok, emaikina iwon oloto, torotok ŋinituŋanan nakwap keŋ, anerae esican Ekapolon Babilon a apedor keŋ a daadaŋ, amunya iŋes ikes jik.

Yoel 1:11

Kiyaloloŋo, iyes ŋiketak, kiwololoto, iyes ŋiketak ŋikito ke epiini; kiyaloloŋo aŋuna a ŋaganoi ka ŋikinyom ŋulu ikote erau anerae erikar ŋikinyom alomanikorin.

Amos 5:16

Aŋun, alimu Ekapolon Akuj ŋina a ŋajoresyo, Ekapolon ŋakiro nu ebe, ‘Iwololoete ŋituŋa analapatui a daadaŋ a ŋuna ke etaun ka alorotin a daadaŋ a ŋulu ke etaun ebasi, oitakoi, oitakoi! Enyaraunete ŋituŋa ŋul ŋiketak kigworo ka ikes, enyaraunete daŋ ŋulu eyenete akiwolol, potu kiwololoto.