Yer. 50:14 - Ebaibul

¹⁴ Iyes ŋulu iyakatar ŋakawo a ŋikaleŋeleŋe ka ŋikaleŋeleŋe, kicodosi toremo Babilon. Toguma ŋituŋa keŋ a ŋikaleŋeleŋe, nyideut ŋikaleŋeleŋe ŋidi, anerae asec iŋes aneni ke Ekapolon.

Yer. 50:14 Iomraidhean Croise

2 Sam. 10:9

Ani iŋolikini Yoab atemar ekecodokis iŋes ŋimoe akitijikin alokicodi ka anabusya, abu iŋes toseu ŋikilyok daadaŋ ŋulu ajiok alo Isirael, kicodosi ikes akisiiryakin Ŋiarameani.

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Isa. 13:4

Kiirasi ecelet ŋolo ebunit alomoru esibit ecelet a ŋituŋa a ŋulu alalak, kiirasi ecelet a ŋituŋa a ŋapukasinei ecelet a ŋakwapin aŋuna ecunasi nakibois apei! Esubanakini Ekapolon ŋolo a ŋajoresyo ŋasigarya aŋuna ke ejie.

Isa. 5:28

Ipenara ŋikaleŋeleŋe kec esubakina ŋakawo a ŋikaleŋeleŋe kec. Egogoŋ ŋimolokony a ŋaŋolei kec ikote itaaba, irimete ŋakejen a ŋagaari kec ikwa ekuwuam ŋolo ipiripiri.

Yer. 46:9

Okoe ŋaŋolei kicodosi, okoe ŋikametok ŋagaari ŋuna iritae a ŋaŋolei, toema nooi, kimyekisi ŋikajiok toema kiŋaren, ŋikajiok ŋulu eponito alo Esiopia ka Libya eryoŋito ŋaupala kec ka ŋikilyok ŋulu eyenete akisitiya ŋikaleŋeleŋe ŋulu eponito alo Lidia.

Yer. 49:14

Abu ayoŋ otema, “Akalimoki Ekapolon ayoŋ ŋakiro ka eyakuun ekiyakia nakwapin, ebala iŋes, ‘Tocunakinos daadaŋ iwapei, ido potu kitijikis ikes, tonyoutu aŋuna ke ejie!’

Yer. 49:35

Tolimu Ekapolon ŋolo a ŋajoresyo tema, “Kiirasi, alemari ayoŋ agogoŋu a Elam, a etaun a ŋolo ikinyomito ikes

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 50:42

Etiŋito ikes ŋakawo a ŋikaleŋeleŋe ka ŋakwaaras, ededeŋ ŋituŋa ŋul ka nyisyonioko. Epol eruye ŋolo ebunit aneni kec ikwaan ka eruye ka anam, emeto ikes ŋaŋolei, ŋaŋolei ŋuna icodorito esibit ŋikajiok eya lojie, eponito ikes akitijiore iyes ŋituŋa a Babilon.

Yer. 50:7

Amunyasi ŋituŋa ŋulu aryamununeete ikes ŋituŋa kaŋ ka irworosi ŋimoe kec ebasi, ‘Mam ŋuna aronok etiyatae isua, anerae aseca ikes aneni a Ekapolon a ŋolo erae neni keŋ eyarikinito ikes, Ekapolon ŋolo arae akigeno atapapaa kec.’

Yer. 50:9

anerae alosi ayoŋ akitonyoun ka ayaun atukot a ŋituŋa a ŋakwapin a ŋuna ejioko anakwap a ŋina alo Kuju akitijikin ŋituŋa a Babilon, icodorete ikes aŋuna ka akitijikin ŋituŋa a Babilon, a nen ikamaryo Babilon. Ikwaan ŋikaleŋeleŋe a ŋikajiok a ŋul ka ŋulu a ekajion a ŋolo eyeni akisitiya ŋikaleŋeleŋe, ekajion ŋolo nyeboŋununui emam ibore eŋatunit.

Yer. 51:2

Eyakuuni ayoŋ ŋimoe ŋulu inyasunete Babilon, alemar ŋulu aronok a nen ka akinyasun akwap a Ŋibabiloniyae. Elemarete ikes ibore daadaŋ anakwap a ŋin, Apaki ŋina eponeta akirem Babilon alowaetin a daadaŋ, itiyaete ikes ŋun akoloŋit ŋina a ŋican a Babilon.

Yer. 51:27

Kikiasi abendera anakwap, tokutakisi amomwara a amesek alokidiŋ ŋakwapin, kitemokisi ŋituŋa a ŋakwapin aŋuna ka akitijikin Babilon, tonyarautu aŋuna keŋ ŋituŋa a ŋapukasinei a nu: Ararat, Mini ka Asikenas. Toseutu aŋuna keŋ ekarikon a ŋajorei; tocunutu aŋuna keŋ ŋaŋolei ŋuna alalak ŋuna etya emaase.

Yer. 51:3

Nyimyekis ŋikajiok keŋ kiketakis ŋakawo a ŋikaleŋeleŋe kec ka nyimyekis ikes icodorete ka enapete ŋiboro kec ŋulu ke ejie. Tomunyasi ŋisorok a Babilon nyidoŋ tari ipei. Tomunyasi jik ŋasigarya keŋ daadaŋ.

Abak. 2:17

Idaut iyes ayepakin kwap ŋamon ŋuna a Lebanon; iyes daŋ ikiyepakinio kwap. Ipotu iyes toara ŋityaŋ a Lebanon, iyes daŋ, ikiryetarete ŋityaŋ. Itiyakin ŋakiro ŋun aŋuna idauniata iyes akiar ŋuluce ka aŋuna ka aryenyeo kus neni a ŋituŋa a akwap ka lotaunio kec.

Abak. 2:8

Aŋuna idauniata iyes aŋatanar ŋakwapin ŋuna alalak, ikiŋatarete iyes ŋituŋa daadaŋ ŋulu idoŋito nakwapin ŋun, itiyakinosi ŋun aŋuna a ŋituŋa a ŋulu ipotu iyes toara ka aŋuna ka aryenyeo kus anakwap, alotaunio ka neni a daadaŋ a ŋulu eya lotaunio ŋul.

Akis. 17:5

Egiritae ikona loreet keŋ ekiro ŋolo imunono apolou keŋ, “Babilon ŋolo apolon nooi, toto a ŋamalaae ka ŋakiro ŋuna aronok anakwap daadaŋ.”

1 Sam. 17:20

Tonyou Daudi taparacu sek, kimyek ŋamesekin ka ekeyokon, tolemu ŋiboro ŋulu abala papa keŋ ya, ido torotok ikwapei ecikitor papa keŋ iŋes. Todolu iŋes neni eboiyo ajore a Ŋisirael, apaki ŋina anyounio ajore ŋin lojie, ido acelasi ŋituŋa, eosi ŋieosyo ŋulu ke ejie aŋuna alosyoto lojie.