Yer. 50:12 - Ebaibul

¹² isurumyo akwap kus ŋileec nooi, elemaryo ajokis aneni a etaun a ŋolo ikidounere iyes. Kire jik, eruwor iŋes akoŋinait alotooma ŋakwapin ŋunace daadaŋ, ituruworyo akwap kus aloŋisat, akwap ŋina eonit ka aloŋisat.

Yer. 50:12 Iomraidhean Croise

Isa. 14:22

Ebala Ekapolon ŋolo a ŋajoresyo, “Emani ayoŋ Babilon ka alemari ekiro keŋ ta ŋipiya, ŋidwe ka ŋiletok keŋ.

Isa. 23:13

Kiŋolikisi mono iyes akwap a Ŋibabiloniyae, amam koloŋ sek ŋituŋa ŋul a nen. Arae ŋituŋa ka Asiriya esyakinete akisiboikin ŋituŋa kec nen ŋulu eboiyete sek analoŋisat. Apotu ikes kituruwosi Tiro neni iboiyoto ŋityaŋ, todukokis nen ŋaduketa ŋuna aoyak ŋuna erikaunitere etaun, apotu kielasi ŋakais a Tiro ŋuna ka apukan, kituruwosi etaun ereŋorot.

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 15:9

Eyaloloŋ aberu ŋina sek ayakar ŋidwe ŋikanikaarei ka eridak, aruwor akica daŋ aneni keŋ akiryonut, eruma iŋes ŋileec ka aruwor ajamuwara. Ainakini ayoŋ ŋimoe kus tomunyasi ŋulu eriŋa idoŋito eyarete alotuŋa kus. Ayoŋ Ekapolon erworo ŋun!”

Yer. 22:6

Irworo Ekapolon ŋakiro nu aŋuna a akai a apukan a erwosit a Yudaya ebala, “Ikwaan iyoŋ aneni kaŋ ka Gilead, ikwaan iyoŋ ka aita a emoru Lebanon. Nai, ekoŋi ayoŋ atemar eketuruwori ayoŋ iyoŋ aloŋisat, etaun ŋolo emam ŋituŋa iboiyoto.

Yer. 25:12

Ekaku a ŋikaru a ŋatomonikanikaarei esicani ayoŋ erwosit a Babilon ka ŋituŋa a akwap a ŋin, akwap a Ŋibabiloniyae, aŋuna ka asecit kec, eruwor akwap ŋin acaryoit ŋikaru ka ŋikaru.

Yer. 25:26

ŋirwosi daadaŋ ŋulu a ŋakwapin a ŋuna alo Kuju, a ŋuna eapiyete ka a ŋuna alwanak eryamunete ŋulutuŋa ŋun ekaku a ŋuluce; eryamunete ŋapukasinei daadaŋ ŋuna ka akwap a daadaŋ ŋican ŋul. Ekaku kec daadaŋ, toryamu nai erwosit a Sesak.

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Yer. 51:43

Aruwor ŋitaunio keŋ ŋulu itubulete ŋituŋa iŋolikinete, aruwor Babilon akwap ŋina eonit ka aloŋisat, akwap ŋina emam ituŋanan iboiyo ka neni emam ituŋanan itorenene.

Yer. 51:47

“Kire jik, eponito ŋirwa ŋulu esicania ayoŋ ŋakujo a Babilon, isirumyo akwap a Babilon daadaŋ ŋileec, earyo ŋituŋa daadaŋ alotooma keŋ.

Ŋigal. 4:26

Nai Yerusalem ŋolo anakuj, nyerae epito ka erae toto yok.

Akis. 17:5

Egiritae ikona loreet keŋ ekiro ŋolo imunono apolou keŋ, “Babilon ŋolo apolon nooi, toto a ŋamalaae ka ŋakiro ŋuna aronok anakwap daadaŋ.”