Yer. 50:1 - Ebaibul

¹ Erae nu ŋakiro ŋuna abu Ekapolon kirwor aŋuna a Babilon ka aŋuna ka akwap a Ŋibabiloniyae aneni a ekadwaran Yeremia ebala,

Yer. 50:1 Iomraidhean Croise

Akisy. 10:10

Abu apukan a Nimirod kisyak alo Babilon, Erek, Akad ka Kaline. Aya ŋakiboisyo ŋun nakwap ŋina a Sinar.

Akisy. 11:31

Torukosi Tera ka lokoku a Aburaam ta Lot lopapait keŋ lokoku ka Aran kaapei ka Sarai aberu ka Aburam, toloto alo Ur anakwap a ŋina a Ŋibabiloniyae tari nakwap ŋina a Kanaan. Nai ani edolunete ikes Aran, toloma nen.

Akisy. 11:9

Aŋun, aponi tonyarae etaun ŋol Babilon, anerae abu Ekapolon kinyalak aŋajep ŋina sek arae apei anakwap, tojoŋoto ŋituŋa apupo make; tosodi kiela ikes nakiboisyo ŋuna ka akwap a daadaŋ.

2 Sam. 23:2

“Irworo etau a Ekapolon aneni kaŋ, eyai akirot keŋ naŋajep kaŋ.

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

Yob 1:17

Ani eriŋa ŋol irworo, todolu ece tema. “Apotu Ŋibabiloniyae kicodut eyakatar ŋakodeta ŋauni, toremo ŋikaala tomeasi, ido apotu toara a ŋileŋia ŋiketiyak, ayoŋ bon abu osi ainun iyoŋ ŋakiro ŋuna apotu kitiyakin.”

Isa. 14:4

irworotor iyes erwosit a Babilon ijamuwarito ibasi, “Eloun erwosit ŋolo sek ikisicanit, adaun aryenyeo keŋ.

Isa. 23:13

Kiŋolikisi mono iyes akwap a Ŋibabiloniyae, amam koloŋ sek ŋituŋa ŋul a nen. Arae ŋituŋa ka Asiriya esyakinete akisiboikin ŋituŋa kec nen ŋulu eboiyete sek analoŋisat. Apotu ikes kituruwosi Tiro neni iboiyoto ŋityaŋ, todukokis nen ŋaduketa ŋuna aoyak ŋuna erikaunitere etaun, apotu kielasi ŋakais a Tiro ŋuna ka apukan, kituruwosi etaun ereŋorot.

Yer. 25:12

Ekaku a ŋikaru a ŋatomonikanikaarei esicani ayoŋ erwosit a Babilon ka ŋituŋa a akwap a ŋin, akwap a Ŋibabiloniyae, aŋuna ka asecit kec, eruwor akwap ŋin acaryoit ŋikaru ka ŋikaru.

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Dan. 1:1

Alokaru a ŋolo a ŋiuni erae Jeoiakim erwosit ŋolo a Yudaya, abu Nebukadinesar erwosit a Babilon bu Yerusalem kirikau.

Ŋitic. 7:4

Abu nai iŋes towot anakwap a Ŋibabiloniyae, tolot Aran. Ani ketwana papa keŋ, abu Akuj yau Aburaam nakwap ŋina tokona iboiyoto iyes na.

2 Pet. 1:21

Anerae emam ŋakiro ŋuna edwaritae ŋuna eponito anacamit a ituŋanan, nai arae Etau ŋolo Asegan esirwori ŋituŋa ŋakiro ŋuna aponito aneni ka Akuj.

Akis. 14:8

Abu emalaika ŋolo a ŋiarei kiwuapak ŋolo ke ekiŋaren tema, “Aukor iŋes! Aukor Babilon ŋolo apolon nooi! Ŋolo abu kitamat ŋakwapin daadaŋ epiini keŋ ŋolo ka amalao!”