Yer. 5:6 - Ebaibul

⁶ Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Yer. 5:6 Iomraidhean Croise

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Esir 10:10

Abu nai Esira esacaradoti tonyou tolimok ŋituŋa tema, “Iseca iyes aŋuna iituniata ŋaberu ŋunagelae, aŋun, iyatakis iyes ekaile neni a Ŋisirael.

Esir 9:6

otema, “Okoe Akuj kaŋ, ekerumito ayoŋ ŋileec nooi ka nyacamit akikeun ereet kaŋ neni kon Akuj kaŋ, anerae alalata ŋasecisya kosi nooi ka adolu ekaile kidiama.

Yob 10:16

Idedŋ iyoŋ ikwa eŋatny ikiwarit ayoŋ, iboŋonokini iyoŋ akican ayoŋ ikimanit.

Ŋikiru. 104:20

Isubunit iyoŋ akiryonut, erae nen akuwar, apaki ŋin iŋes elomuniata kiŋa anamon ŋityaŋ daadaŋ ŋulu alyatok.

Ŋikiru. 80:13

Ipudaete ka icakuraete tokona ikes akwap ŋin lopite ŋolo icakuraata ŋiputiro akwap, ido inyasete ikes akwap ŋin lopite ŋolo inyasata ŋityaŋ ŋulu ka ariet.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 59:12

Elal isua abilibil ŋikisila alokiŋaren kon, ikisitakinito isua ŋasecisya kosi. Kire ikibilibilit isua ŋikisila anepei a ne ka ikiyeni isua ŋasecisya kosi,

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Yer. 2:15

Erurumata ŋimoe kec neni kec esibito ŋiŋatunyo, erurumata ŋimoe kec ecelasi nooi. Eturuwosi akwap a Ŋisirael acaryoit, enyasun ŋitaunio kec, mam ituŋanan iboi alotooma kec.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 25:38

Emyek Ekapolon akibois keŋ, lopite ŋolo imyekinia eŋatuny adui keŋ, anerae aruwor akwap a ŋituŋa keŋ acaryoit aŋuna a aryenyeo a ŋituŋa a ŋulu amunyasi ŋituŋa keŋ ka aŋuna a aŋoit keŋ a ŋina aryenyaanan.

Yer. 30:14

Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Yer. 30:15

Kaanukiro igworotor iyes aŋuna ka awananu kus? Nyelemar apipilu ŋina iyakatar iyes, anerae epol nooi aronis kus ka elalak nooi ŋasecisya kus, ayoŋ adau akitiya neni kus.

Yer. 30:24

Nyedaun aŋoit ke Ekapolon ŋina aryenyaanan, akitodol ŋina edaunia iŋes akitiya ŋuna ecamit iŋes akitiyakin. Alorwa a ŋulu eponito, iyenunete iyes ŋakiro ŋun.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 49:19

Lopite ŋolo elomunia eŋatuny anamoni a Yorodan toloma neni edakasi ŋibaren, abuni ayoŋ neni a Ŋiedomi erita ikes pa etenito, ido aseuni ayoŋ ŋini acamit ayoŋ kipuka akwap kec. Ŋae ikikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?

Yer. 8:5

Kaanukiro nai aoliyoreta ŋituŋa lu tomam aboŋun? Emiidikin ikes nalyokonu, awout jik aboŋun.

Yer. 8:7

Eyeni tari ŋina erae acolikokot ŋapakio keŋ ka iyokiyete ŋakuryo, ŋikaporookokoe ka ŋiwalui apaki ŋina eponiata, nai nyeyenete ŋituŋa kaŋ ŋikisila a Ekapolon.

Aum. 1:5

Aruwor ŋimoe a Sion ŋikapolok keŋ, aruwor ŋikelounak, anerae emyek Ekapolon Sion toryamu ŋican aŋuna a ŋasecisya keŋ a ŋuna alalak nooi; alot ŋituŋa a Sion nakwapin, aruwor ŋirikon a ŋimoe a kec.

Esek. 16:25

Ibu iyoŋ toduk ŋakiboisyo ŋunakilipet neni isalakini ŋolorot a etaun daadaŋ ka ibu kisirum akibuses kon ŋileec, ibu toruwor amalaat aneni a ŋinituŋanan ca daadaŋ itoruni neni kon kitalala amalao kon.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Esek. 23:19

Abu iŋes tomalaan nooi adepar tari neni sek amalaania, abu iŋes kitiya ŋun etamuni ŋikaru ŋulu ka asoroko keŋ apaki ŋina araakar iŋes amalaat alo Ijipit.

Dan. 7:4

Ekwaan ŋolo esyaunan ka eŋatuny nai ayakar ŋabebenuk ŋuna ekwaan ka ŋuna a egole, ani eriŋa ayoŋ etee iŋes, eŋolik ŋabebenuk keŋ edotoryo anakuwan keŋ, kitonyounoe etyaŋ alokwap ido kimyekinae towo a ŋakejen a ŋaarei esibit ituŋanan ka aponi inakinae iŋes ŋatameta ŋuna a ituŋanan.

Dan. 7:6

Ekaku a ŋol eriŋa ayoŋ ete iŋes, abu ece totakanu ŋolo ekwaan ka eris, ayakar etyaŋ ŋol kaku keŋ ŋabebenuk ŋuna ikwaan ka ŋuna a ikyeny ka eyakar etyaŋ ŋol ŋakyes ŋaomwon, aponi inakinae iŋes apedor ŋinakipukaet.

Osea 5:14

Aryanyaanikini ayoŋ Epuraim lopite ŋolo eryenyaania eŋatuny ka Yudaya lopite ŋolo eryenyaania itaok a eŋatuny. Ayoŋ elope amunyari ikes, ido emyek a nen, ani kariko ayoŋ ikes, mam ituŋanan epedori aiun ikes.

Abak. 1:8

Epiraka nooi ŋaŋolei kec akilo ŋirisae, ededeŋ nooi akilo neni ededeŋiata ŋipeei ŋisaae ŋulu ka ataboŋ, icurosi ŋaŋolei kec ipudaete akwap nooi. Eponeneete ŋikametok ŋaŋolei kec anakwapin a ŋuna alwanak. Iuwaunun ikwa egole ecamit akinyam ibore.

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Ekim. 32:14

Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael.

Akis. 13:2

Ekwaan etyaŋ ŋol ka eris, ayakar ŋakejen ŋuna ekwaan ka ŋuna ka etyaŋ a ece a ŋolo adedeŋan, ekwaan akituk keŋ ka ŋina ke eŋatuny. Abu epiu inak etyaŋ ŋol apedor, ekicoloŋ ka apolou keŋ ŋina alalan.