Yer. 5:3 - Ebaibul

³ Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 5:3 Iomraidhean Croise

Akisy. 19:34

Akoloŋit ŋina atupakini ŋin, tolimok apese ŋina apolon ŋina cici tema, “Kiira, abu bien ayoŋ nakwaare eryamakin ka papa, etamata nabo papa takae eboŋ epiini, ikotere tolot iyoŋ daŋ kiryamakin ka iŋes, eturubakisi iwon ŋiletok a papa eya.”

1 Ŋirw. 13:33

Tari ŋina aponiata ŋakiro ŋun kitiyakin, pa abu Yeroboam toesik akitiya aronis aŋuna a ŋakiboisyo nai abu torubak iwuanakini ŋisacaradotin alotuŋa ca a daadaŋ aŋuna ayakasi nenimukur. Ituŋanan daadaŋ ŋini acamit aruwor esacaradoti, abu iŋes kituruwo, kiwuak nakiboisyo ŋuna ayakasi nenimukur.

2 Ŋirw. 1:13

Abu erwosit Aasia kiyakiya ekarikon ŋasigarya ece, erikit ŋasigarya ŋatomonikan. Todoka iŋes lomukura, toryedik alokiŋaren Eliya kimaima tema, “Okoe, ekile ŋolo irae ituŋanan ka Akuj, kisyoni ayoŋ ka ŋasigarya kaŋ ŋunatomonikan. Kimyekinae isua.

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

2 Ŋakiro a ŋirwa 28:22

Anapaki a ŋina ayakar Aas natyokisyo, abu toŋer jik akikinyomit neni ke Ekapolon.

Ŋikiru. 51:6

Kire jik, icamit iyoŋ akiyookino ŋina eyai lotau a ituŋanan. Aŋun, kilelebik aosou kon natameta kaŋ.

Ŋikiru. 51:8

Kimyekinae ayoŋ oryamu alelyanu ka alakara; tari daŋ kikisicanit iyoŋ ayoŋ nooi kapapanunit, aryamuni ayoŋ alakara nabo.

Ŋikiru. 55:20

Isiiryae erukitos kaŋ ŋikonei keŋ ido aŋer iŋes ŋuna sek acamuna ikes akiwuap.

Ŋakit. 21:29

Itusubunun aloreetin ŋituŋa ŋulu aronok erae ŋulu eyenete ŋinibore ejok, nai ŋituŋa ŋulu iyookino, etamakinete mono ejok ŋuna kiwuapa.

Ŋakit. 22:12

Erae acamit ŋina a Ekapolon aanyun atemar irworo ituŋanan ŋakiro ŋuna ka aosou, nai eŋerit Ekapolon akiiranar ŋakiro ŋuna irworo ituŋanan ŋini nyikinyoma.

Ŋakit. 23:35

Itemari iyoŋ ebe, “Aponi ekedici ayoŋ, nai mam nyawanan ayoŋ; aponi ekebuŋae ayoŋ, abu nyakanomo ayoŋ. Ori mono emaikina ayoŋ okyenyunia? Acamit ayoŋ akimat ŋagwe ŋace.”

Ŋakit. 27:22

Tari kibuŋae ibaŋaanot kirakar, mam ituŋanan epedori akibuŋaar abaŋao todaun aneni keŋ.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Yer. 15:7

Abu ayoŋ ekemasana iyes alotaunio a daadaŋ, lopite ŋolo ekutarya ekuwuam ŋikabinin, adau ayoŋ akiyaloloŋ aŋuna kec, adau ayoŋ amunyar ŋituŋa kaŋ, anerae apotu ikes nyilocokis ŋipitesyo kec ŋulu aronok.

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Yer. 35:13

Alimu Ekapolon ŋolo a ŋajoresyo Akuj a Ŋisirael ebe, “Ape tolimok ŋituŋa a Yudaya ka ŋituŋa ŋulu iboiyete alo Yerusalem atemar, nyipedorete iyes ayenun ŋakitadapeta kaŋ, ido kiwuapa ŋakiro kaŋ a?

Yer. 44:10

Nyekiwa ikes, kori nyebulo ikes akitodol tari nakoloŋit na, nyiricakina ikes tari ŋikisila kaŋ ka ŋakiro ŋuna atubunit ayoŋ ŋuna abu ayoŋ okoinak iyes ka oinak atapapaa kus.

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Yer. 7:28

Ilimokini iyoŋ ikes atemar, erae lu ŋituŋa ŋulu apotu nyiwuapa ŋakiro ŋuna alimunit Ekapolon Akuj kec, apotu daŋ toŋero akitatamun tojokyata, aŋopiyasi ŋakiro ŋuna a kire, mam ŋakiro ŋun anakituka kec.

Yer. 8:5

Kaanukiro nai aoliyoreta ŋituŋa lu tomam aboŋun? Emiidikin ikes nalyokonu, awout jik aboŋun.

Esek. 2:4

Erae ŋituŋa ŋulu ekeyakiyari ayoŋ iyoŋ neni kec ŋulu nyeketopoloorito ayoŋ ka erae ŋulu egogoŋ ŋakyes. Tolimok ikes ebe,

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Ŋilep. 26:23

“‘Ani pa kiwuap iyes ŋakiro kaŋ tari kedaun akisican, nai torubakinito ikiŋerito ayoŋ,

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Amos 4:6

Torubak Amos irworo tema, “Ebala Ekapolon, ‘Abu ayoŋ ekesican iyes a akoro alotaunio kus a daadaŋ, abu akimuj tomamuun anakiboisyo kus a daadaŋ; nai ipotu iyes nyikiwa.

Amos 4:8

aŋun, apotu ŋituŋa ke etaun a epei toloto lotaun ece aryamun ŋakipi ŋuna emasete, nai apotu nyeryamut ŋuna itemokino ikes; nai ipotu iyes nyikiwa.

Amos 4:9

“‘Abu ayoŋ eyakuu ekuwuam ŋolo amwanan ka ekurut ŋolo eremi ŋikinyom alomanikorin kus, abu ayoŋ etoon ŋimanikorin kus ŋulu a ŋikinyom ka ŋulu a epiini, abu emaase kirika ŋikito kus ŋulu a ŋiboboryo ka ŋulu ka Olipa, nai ipotu iyes nyikiwa.

Sepan. 3:7

Abu ayoŋ olimok etaun ŋol atemar, Kire jik, ikikeri iyoŋ ayoŋ, icamuni ŋuna sek iŋerit; nyikimuryakinete iyoŋ ŋuna daadaŋ adau ayoŋ alimokin iyoŋ. Nai eriŋa iŋes elelyanikinit akitiya ŋuna aronok lopite ŋolopei sek etiya.”

Ŋirom. 2:2

Ikiyeni iwon atemar iyookino Akuj etubokini ŋituŋa ŋulu itiyaete ŋakiro ŋuna aronok.

Ŋibur. 12:9

Atapapa yok ŋulu ikiuruunete iwon, ikisicanete ikes iwon, ido okera iwon ikes. Etya nai ai akerit ŋina itemokino iwon okeritotor Papa yok ŋolo eyai nakuj, ikotere oyara!