Yer. 5:28 - Ebaibul

²⁸ atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Yer. 5:28 Iomraidhean Croise

Yob 12:6

Iboiyete ŋikokolak anakais kec a ekisil ka iboiyete ŋulu itoŋoeneneete Akuj emam ŋace, ŋituŋa ŋul ikes ŋulu ituruworito agogoŋu kec akuj ŋina ikinyomito ikes.

Ŋikiru. 119:70

Egogoŋ ŋakyes kec ka nyenomonorete ŋakiro, nai alakara ayoŋ alokisila kon.

Ŋikiru. 72:4

Elipi toik erwosit ŋulu a ŋican alotuŋa, inak akiŋarakinet neni a ŋulu iitanito akiŋarakino, ka tomunya ŋulu etiŋito ŋulu a ŋican erono.

Ŋikiru. 73:12

Epite ŋol iŋes irworotor ŋulu aronok, eyakatar ikes ŋiboro ŋulu alalak, ido eryamununeete ŋice a ŋinakoloŋit.

Ŋikiru. 73:4

Emam ŋatyokisyo eyakatar ikes, etumito ikes ka egogoŋ.

Ŋakit. 15:25

Emunaari Ekapolon ŋakais a ŋulu eturok, nai iturubakini Ekapolon ŋiboro a ŋapuseru eyakasi.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 2:33

“Ipiiryaka iyes anakiwarit ŋulu iminasi. Alopite a ŋol, itatama iyes tari ŋaberu ŋuna esyaak ŋipitesyo kus.

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 7:6

ani pa kisicanito iyes ŋituŋa ŋulugelae, ŋikokyok ka ŋapuseru, kori pa kiar anakibois a na ituŋanan ŋini emam ŋuna aronok itiyat ka ani pa kiwuapa iyes ŋakujo ŋace kiduporos make,

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!

Sakar 7:10

Nyisicanito ŋapuseru, ŋikokyok, ŋigyelaanotin, kori ŋikulyak. Nyitamatamaete alotai kus akitiya ŋuna aronok neni a ŋuluce.’

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.