Yer. 5:22 - Ebaibul

²² Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Yer. 5:22 Iomraidhean Croise

Akisy. 1:9

Tema Akuj, “Tocunakinos nakibois apei ŋakipi daadaŋ ŋuna eyakasi kwap ariwo, ido totakanu akwap neni aonon.” Apotu ŋun kitiyakin.

1 Ŋirw. 13:28

Torotok nai iŋes toryamu akuwan a ekile a ŋol imasakinitae lorot, ewuasi esigirya ka eŋatuŋ alodiyete akuwan. Ariŋa eŋatuŋ nyenyama akuwan ŋin, kori nyisiiryakina esigirya.

Yob 26:10

Iwuakinit Akuj ariwo ŋinaluluŋ kidiama ŋakipi, iwuakinit iŋes ariwo ŋin erae ekukoru ŋolo etyakit akica ka akiryonut.

Yob 37:24

Aŋun, ŋituŋa kitopoloosi Akuj, nyemitakinit Akuj ituŋanan ŋini etami atemar aos iŋes.”

Yob 38:8

Kori ŋae agolokini ŋakipi ŋuna ka anam iwapei, apaki ŋina epiiyaunia anam ŋakipi anakook keŋ nakwap,

Ŋikiru. 104:9

Ibu iyoŋ kiwuak ŋikorin ŋulu nyepedorete ikes akitor, ikotere ikes nyeleleiyasi toburusiyasi akwap nabo.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 33:7

Abu iŋes kiwuak ŋakipi a ŋanamyo iwapei lopite ŋolo iwuakinere ŋakipi namot; ecunanakini iŋes ŋakipi ŋuna alalak loburin a ŋanamyo.

Ŋikiru. 46:3

tari daŋ kerwoto ŋakipi a ŋanamyo tokwoto ŋikurudoi, tari daŋ kemarana ŋimoru aŋuna ke eruye a ŋanamyo.

Ŋikiru. 99:1

Erae Ekapolon Erwosit, aŋun emaikina ŋituŋa ekuryaka aŋuna keŋ. Iboi iŋes alokicoloŋ a ŋolo eyai kidiama Ŋisubuna ŋulu a ŋabebenuk, aŋun emaikina akwap emarani aŋuna keŋ.

Ŋakit. 8:29

Ayai ayoŋ nen iwuakini Ekapolon ekisal a ŋanamyo, ikotere ŋakipi nyepena neni alimunit iŋes atemar nyepena, ayai ayoŋ nen iwuakini Ekapolon ŋakisyakineta ŋuna ka akwap.

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Isa. 64:2

Totiyaun lopite ŋolo itiriraunia akim amoni ka lopite ŋolo itukulaunia akim ŋakipi; bua kitoodik apedor kon neni a ŋimoe kon, ikotere emaranikinete ŋituŋa a ŋakwapin ikiŋolikinete iyoŋ.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Yer. 10:7

okoe erwosit a ŋituŋa a ŋakwapin, ŋae nyikikerit iyoŋ, anerae emaikina ikikeritae iyoŋ alokidiŋ ŋikaosok anakwapin ka anapukasinei kec a daadaŋ, mam ituŋanan ikwaan ka iyoŋ.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 31:35

Ŋae iwuakinit akoloŋ ikotere ecai naparan? Ŋae iwuakinit elap ka ŋikacer neni eya, ikotere ecayete nakwaare? Ŋae iguryakini ŋakipi a anam, ikotere togirokis ŋikaguragurae a ŋakipi? Erae ekiro keŋ Ekapolon ŋolo a ŋajoresyo.

Dan. 6:26

Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Amos 4:12

Aŋun, abuni ayoŋ akisican iyes, okoe Ŋisirael, aŋuna abunio ayoŋ akitiya ŋun, totena akiryamun ka Akuj kus ŋina ebuni atubokin iyes.

Amos 9:6

Eduki iŋes ere keŋ nakuj, kiwuak kidiama toruwor ariwo alokidiama akwap; iŋes einakini ŋakipi a anam toleleiyasi nakwap neni eonit. Erae ekiro keŋ Ekapolon.

Yona 1:16

Kitopoloosi ŋikilyok ŋul Ekapolon akilo, inakis iŋes amuronot, ido kikoŋo daŋ neni keŋ.

Naum 1:4

Iŋenyakini Ekapolon anam, ido kitoon, itooni iŋes ŋaŋololin daadaŋ. Eokiyorete ŋinya ka ŋikito alomoru Karimel ka alo Basan, einiyarete ŋatur a Lebanon.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Mar. 4:39

Tokienyu iŋes, kiretak ekuwuam, tolimok anam tema, “Todipakin! Kinapakin!” Todipakin ekuwuam, kililiŋ akwap cek.

Luk. 12:5

Eketoodikini ayoŋ iyes ŋini itemokino tokerito; tokerito Akuj ŋina epedori akiar, nabo eyakar iŋes apedor ŋina cakakinet tooma nakim ŋina nyeduŋe. Akalimokini ayoŋ iyes kire atemar, tokerito iŋes!

Ŋikis. 28:58

Ani pa kiwuapa iyes ejok ka kirica ŋakiro daadaŋ ŋuna a ŋikisila a lu, ŋuna igiritae lokitaabo lo, itopoloorito ekiro ŋolo ka apolou, ŋolo etubulon, ŋolo a Ekapolon Akuj kus,

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”