Yer. 5:17 - Ebaibul

¹⁷ Irikarete ikes ŋikinyom ŋulu ilemunete iyes alomanikorin kus ka akimuj kus daadaŋ, emunyarete ikes ŋidwe kus ŋulusapa ka ŋulupesur, irikarete ikes ŋamesekin ka ŋaatuk kus, irikarete ikes ŋikito kus ŋulu a epiini ka ŋiboboryo; inyasunete ikes ŋitaunio kus ŋulu eyakatar ŋaduketa ŋunajiet, ŋitaunio ŋulu sek ikinyomito iyes.

Yer. 5:17 Iomraidhean Croise

Isa. 62:8

Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Isa. 62:9

Nai ikes ŋulu elemete ŋikinyom ŋul, enyamete, ido kipuro Ekapolon ka ikes ŋulu egerete ŋaraito a epiini kec, emasete epiini ŋol analapatui kaŋ a ŋuna asegak.

Isa. 65:22

Nyedukete ikes ŋakais, ido bu ituŋanan ice akiboi a nen, nyedupete ikes ŋikito bu ituŋanan ice akinyam ŋaraito kec, Iriyanikin ŋirwa a akiyar a ŋituŋa kaŋ ka ŋulu a ekitoe, imujete ŋituŋa kaŋ ŋuluseuna alotooma alelyanu apaki ŋina aoyan ŋinyomen ŋulu itaunete a ŋakan kec.

Yer. 1:15

Anyaraunit ayoŋ tokona ŋituŋa a ŋikabilae daadaŋ a ŋapukasinei a ŋuna alo Kuju, tosodi epote ikes, ido iwuakinete ŋirwosi kec daadaŋ ŋikicoloŋo kec ŋulukipukaet lopukei a Yerusalem imanito ŋarwatatain ŋuna ewuato iŋes daadaŋ ka imanito ŋitaunio a Yudaya daadaŋ.

Yer. 25:37

enyasun neni sek iboiyoto ikes emam ŋace, enyasun nen aŋuna ka aŋoit a ŋina adedeŋan a ŋina a Ekapolon.

Yer. 4:26

Abu nabo ayoŋ oŋoleŋolek, okoe eŋolik akwap ŋina sek ajok keruwor aloŋisat, eŋolik ŋitaunio keŋ daadaŋ keruworosi ŋulu inyasuna aŋuna ka aŋoit a Ekapolon a ŋina a dedeŋan.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 5:18

“Nai tari alorwa a ŋul, nyakamunyari ayoŋ iyes jik todaunos,

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 50:7

Amunyasi ŋituŋa ŋulu aryamununeete ikes ŋituŋa kaŋ ka irworosi ŋimoe kec ebasi, ‘Mam ŋuna aronok etiyatae isua, anerae aseca ikes aneni a Ekapolon a ŋolo erae neni keŋ eyarikinito ikes, Ekapolon ŋolo arae akigeno atapapaa kec.’

Yer. 8:13

“Apaki ŋina acamitor ayoŋ acunun ikes, apotu ikes kikwaanikin ka ekitoe a epiini ŋolo emam ŋaraito, apotu ikes kikwaanikin ka ebobore ŋolo emam ŋaboboryo, ŋolo einiyarito tari ŋakuii, ido ŋuna abu ayoŋ oinak ikes, adaunosi aneni kec.

Yer. 8:16

“‘Epupyo iwon eruye a ŋaŋolei a ŋimoe a lotaun a Dan epupyo iwon ŋaŋolei kec erubakinito irukosi, ido amaraniki akwap daadaŋ. Eponito ŋimoe yok akinyasun akwap ka amunyar ŋinibore daadaŋ eyai tooma keŋ, eponito ikes akinyasun etaun yok ka ŋituŋa daadaŋ ŋulu iboiyete a nen.’

Aum. 2:12

Igworosi a nen atatoto kec ebasi, “Ai eyai ibore ŋini ikinyami ka ikimasi isua?” Irworosi ikes ŋun iridete esibito ŋikilyok ŋulu ewanawanatae kimyekinae eperete alorotin a etaun. irworosi ikes ŋun iridete edakito atatoto kec ikes.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Esek. 36:4

aŋun okoe ŋituŋa ŋulu iboiyete alokamukumukui a Isirael, alimu Ekapolon Akuj ŋakiro nu aŋuna a ŋimoru, a ŋikamukumukui, a ŋayona a ŋuna eyakasi ŋakipi ka a ŋuna a ŋakadipaalae ka ŋakiboisyo ŋuna asilok ka ŋunakoŋinae ta aŋuna a ŋitaunio a ŋulu emam ituŋanan eyai a ŋulu aruwor ŋikoŋinae a ŋulu aponi toŋatarae ŋiboro kec ka tojamuwasi ŋituŋa a ŋakwapin a ŋuna idunyatar ikes.

Osea 2:12

Amunaari ayoŋ ŋikito keŋ ŋulu ke epiini ka ŋiboboryo ŋulu einakinito iŋes akirworo ebe, “Erae lu etacit kaŋ ŋolo akainakinete ayoŋ ŋikilyok kaŋ ŋulu amina ayoŋ.” Eturuwori ayoŋ ŋikito ŋul amoni ka irikarete ŋityaŋ ŋulu ka ariet ikes.

Osea 8:14

Emuryak ŋituŋa a Isirael ekasubunan kec, adukokis ikes ŋakais a ŋapukasinei kec, alalata ŋitaunio a Yudaya ŋulu eyakatar ŋaduketa ŋunajiet, nai ecunyari ayoŋ a akim ŋitaunio ŋul daadaŋ, enomiyari akim ŋaduketa ŋunajiet ŋun.

Yoel 2:3

Irikarete ikes ŋikito ikwa irikarya akim. Ikwaanikin akwap ŋina eyai kiŋaren keŋ ka emanikor ŋolo ke Eden, nai kaku keŋ, eruwor aloŋisat ŋina eonit deu, ido mam ibore imyekini iŋes.

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Sepan. 3:6

Ebala Ekapolon Akuj ebe, “Amunya ayoŋ ŋituŋa a ŋakwapin a ŋunagelae, eelielaa ayoŋ ŋakiboisyo ŋuna ejioto ikes, eturuwo ayoŋ ŋirotin kec ŋikoŋinae, ikotere edaun ituŋanan itori nen; adaun ŋitaunio kec akituruwor ŋireŋoroto, ŋulu emam ŋituŋa eyakasi, mam tari ipei daŋ.

Mal. 1:4

Ani ketemasi ŋituŋa ke Edom, ‘Tari daŋ kielielitae akwap kosi, ikidukokini isua nabo.’ Nai ŋuna irworo Ekapolon ŋolo Etiron ikes nu ebe, ‘Epedorete ikes adukokin, nai eeliyalari ayoŋ. Enyarao ikes akwap ŋina aronon, ŋituŋa ŋulu erubakinit Ekapolon enyunyurikina.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,