Yer. 5:13 - Ebaibul

¹³ Irworosi ikes ŋakiro nu, ikwaan ŋikadwarak ka ekuwuam, anerae emam akirot ŋina ka Akuj aneni kec, aŋun, itiyakinio neni kec daŋ ŋakiro ŋunapei irworosi ikes.

Yer. 5:13 Iomraidhean Croise

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Yob 6:26

Itamete iyes atemar isiyookinete ŋuna erworo ayoŋ torae bo ŋakiro a ituŋanan a ŋini eyai locan ekuwuam koŋin a?

Yob 8:2

“Yob, tari ori irubakinit iyoŋ irworo ŋakiro nu, irworo iyoŋ ŋakiro ŋuna alalak, ido ŋuna irworo iyoŋ itoropiunit, ikwaan ka neni eropiunitor ekuwuam?

Ŋakit. 25:14

Ituŋanan ŋini iturokin aŋuna ka ainakinet a ŋina eriŋa iŋes nyeryamuna, ikwaan iŋes ka ŋidouwon ŋulu irimitor ekuwuam tomam akiru apei daŋ ilimi.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Yer. 14:13

Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 14:15

Aŋun irworo Ekapolon aŋuna a ŋikadwarak a ŋulu edwarete enyarito ekiro kaŋ atemar tari ŋina pa eyakitor ayoŋ ikes ŋulu ebasi, “Nyikiaryo a ekileŋ ka nyebuni eron nakwap na.” Earyo ŋikadwarak ŋul a ekileŋ ka etwakete aŋuna a eron.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 22:22

Ekutari ekuwuam ŋikepukak kus daadaŋ, erikoryo ŋituŋa ŋulu iminin ka iyes nakwap ace, tosodi ikirumete iyes ŋileec ka ikikadakini iyes aŋuna ka aronis kus.

Yer. 28:3

alotooma ŋikaru ŋiarei, enyakuni ayoŋ nakibois na ŋiboro daadaŋ ŋulu ka Akai ka Akuj, ŋulu abu erwosit Nebukadinesar ŋolo a Babilon ya anakibois a na kiwoko Babilon.

Yer. 43:2

toloto Asaria lokoku a Osaia ka Yoanan lokoku a Karea ta ŋituŋa ŋulu aosok daadaŋ tolimokis Yeremia temasi, “Irworo iyoŋ alyokonu. Nyiyakuuna Ekapolon iyoŋ alimokin isua ebe, ‘Nyiloto Ijipit kiboiyoto a ina;’

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.