Yer. 5:1 - Ebaibul

¹ Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Yer. 5:1 Iomraidhean Croise

1 Ŋirw. 19:10

Toboŋok iŋes tema, “Alelakinit ayoŋ nooi Ekapolon Akuj ŋina etiron; anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Ŋikiru. 12:1

Okoe Ekapolon, kiŋarakinae ayoŋ, anerae mam nabo ituŋanan eriŋa ikikinyomit iyoŋ; adaunosi alotuŋa ŋulu ikikinyomito iyoŋ.

Ŋikiru. 14:2

Iteunit Ekapolon alokidiama kwap neni a ŋituŋa, akiŋolikin erae keya ŋidi ŋulu eosok, ŋulu ilipete neni keŋ.

Ŋikiru. 14:3

Adaut ikes daadaŋ akibatar, ekwaanikin ikes daadaŋ erae ŋulu aronok; emam ipei daŋ ŋini itiyae ŋuna ajokak, emam tari ipei.

Ŋikiru. 94:16

Ŋae abu towo aŋuna kaŋ akitoroniyar ŋulu aronok? Ŋae abu oriwo ka ayoŋ, kitoroniya ŋulu itiyaete aronis?

Ŋakit. 20:6

Iseraete ŋikalalak atemar ikiyakar amina, nai ŋae epedori aryamun ituŋanan ŋini kire ikinyoma?

Ŋakit. 23:23

Togyelu ŋakiro ŋuna a kire, ido nyigyela; togyelu aosou ka ŋakiro ŋuna ikitatamio ta ayenut.

Ŋakit. 8:3

eyai iŋes a ŋinapaki diyete ŋipukei ŋulu a etaun, ikinyarit iŋes iyes a etoil a ŋolo apolon alodiyete ŋipukei ebala,

Eete a Ŋie. 3:2

Abu otamu ebe, “Anyouni ayoŋ tokona olot erimo lotaun, olot lorotin ŋulu ke etaun, ewari ayoŋ iŋes ŋolo emina etau kaŋ,” Aŋun, abu ayoŋ ewar iŋes nai abu nyaryamu.

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Yer. 2:29

Kaanukiro iŋuruŋuratar iyes neni kaŋ? Ikiŋero iyes daadaŋ ayoŋ.

Yer. 44:15

Anen, aponi ŋikilyok daadaŋ ŋulu ayenete atemar apotu ŋaberu kec inanakis ŋainakineta neni a ŋakujo a ŋace ka ŋaberu daadaŋ ŋuna awuasi a nen ta atukot ŋina ti alalan kaapei ka ŋituŋa daadaŋ ŋulu eboiyete alo Pasiros, anakwap a Ijipit, toboŋokis Yeremia temasi,

Yer. 8:6

Abu ayoŋ opupok ŋakiro kec acamit akiirar, nai nyirworosi ikes ŋakiro ŋuna iyookino, mam ituŋanan ekii aronis keŋ tolimu tema, ‘Anukiro etiya ayoŋ?’ Elosi ŋinituŋanan a erot keŋ lopite ŋolo eemya aŋole lojie.

Yer. 9:2

Okoe kerae ca oyakar ayoŋ naloŋisat akibois ŋina epedorya ekaloton akieŋunia toper, kalot ayoŋ aneni kec emyek ŋituŋa kaŋ, anerae erae ikes daadaŋ ŋimalaanotin, atukot a ŋikalukinok.

Yer. 9:7

“Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Esek. 22:30

Abu ayoŋ ewar aneni kec ituŋanan ŋini epedori adukokin nabo arwatata, ido towo anakiboisyo a ŋuna aritaanara anarwatata, toji aŋuna ka akwap keŋ alokiŋaren kaŋ, ikotere nai ayoŋ nyamunya akwap keŋ. Nai mam aneni kec ituŋanan abu ayoŋ oryamu.

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Yoel 2:9

Eemanar iŋes tooma etaun, ekeri alokidiama ŋarwatatain. Edokanari tooma ŋakais; edokanari alodirisae ikwa ŋikokolak.

Amos 8:12

Etubonorosi ŋituŋa ananam tari nanam, alo Kuju tari Kide; ekerete ŋituŋa ka toboŋete iwarito akirot ŋina ke Ekapolon nai nyeryamunete jik ikalimokinan.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Luk. 14:21

“A nen, abu eketiyan toboŋo tolimok ekapolon ŋakiro ŋun daadaŋ. Toŋo elope ŋasuban nooi, tolimok eketiyan keŋ tema, ‘Tonyou atipei kirimo lomaketa daadaŋ ka kidiŋ ŋakais ŋuna ke etaun a lo, tosodi iyau nege ŋikulyak, ŋikecodok, ŋimudukanotin ka ŋikaŋwalak.’

2 Ŋites. 2:10

ka isitiyae amodiyo daadaŋ ŋina ka aronis keŋ alotuŋa a ŋulu ebukoro. Ebukorosi ikes, anerae apotu ikes nyijaut ka nyeminakis ŋakiro ŋuna a kire, ikotere toiunos.