Yer. 49:8 - Ebaibul

⁸ Okoe ŋituŋa ŋulu iboiyete alo Dedan! Toema, toboŋutu, todokutu kwap toŋopa anaturukanin, anerae abuni ayoŋ ayaun ŋican neni a ŋituŋa a Esau, anerae adolu apaki ŋina esicania ayoŋ ikes.

Yer. 49:8 Iomraidhean Croise

Isa. 2:21

Elomarete ŋituŋa nakabaae a ŋatabab ka naŋici a ŋatabab aŋuna ka anyunyura a Ekapolon ka aŋuna a akica keŋ a ŋina ailiilon apaki ŋina ebunio iŋes akiteryairyakin akwap.

Isa. 21:13

Ŋakiro ŋuna adwarit Ekapolon aŋuna a ŋituŋa a ŋulu eboiyete analoŋisat. Iyes ŋikawotok a Dedan ŋulu iboiyete anakobekobe a ŋina analoŋisat,

Isa. 34:5

Kedau Ekapolon amunyar ŋiboro ŋulu alokidiama, kiŋolik atemar etemokin, kiirasi, etiyaun iŋes Edom, neni a ŋituŋa a ŋulu adau Ekapolon atubokin atemar tomunyarae.

Yer. 25:23

eryamunete ŋituŋa ŋulu eya Dedan, Tema, Bus ka ŋituŋa daadaŋ ŋulu ikebito ŋipeneka kec,

Yer. 46:21

Tari ŋikajiok keŋ ŋulu ipaŋgaunitae, ikwaan ka ŋitak ŋulu atumak, ikes daŋ ibelekin toema kaapei, nyewoikinete ŋimoe, anerae adolu akoloŋit ŋina isicanere ikes, adolu apaki ŋina ka amunyaro kec.

Yer. 48:28

Kimyekisi ŋitaunio, kiboiyosi natabab, okoe iyes ŋituŋa a Moab! Kitiyata ikwa akuri ŋina eduki akai keŋ nakituk a akabaat ataaba.

Yer. 48:44

“Ŋini eemi aŋuna a ekabule ibusokin nakipany, ŋinituŋanan daadaŋ edokuni anakipany ikamuni aloc, anerae ayauni ayoŋ ŋiboro ŋul Moab, alokaru a ŋolo a akisicanio kec.

Yer. 48:6

Toema! Toiutu ŋawat kus, kitiyata ikwa esigirya ŋolo etyaŋaar naloŋisat!

Yer. 49:30

Toema, toloto neni alwanan, toŋopa aneni ecukul, okoe iyes ŋituŋa ŋulu iboiyete alo Asor, anerae ayeu erwosit Nebukadinesar ŋolo a Babilon akitijikin iyes, ayeu ŋakiro ŋuna ikimanitor iyes.

Yer. 49:32

Eŋataryo ŋikaala kec, eŋataryo ŋaatuk kec. Ealari ayoŋ lowaetin daadaŋ ŋituŋa ŋulu ebanyito ŋakyes kec, ka ayauni ayoŋ neni kec ŋican alowaetin a daadaŋ.

Yer. 50:27

Toara ŋasigarya keŋ daadaŋ torikosi ikes neni eŋolere. Acakec, adolu akoloŋit kec, adolu apaki ŋina ka akisicanio kec!

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Esek. 25:13

alimu tokona Ekapolon Akuj atemar esicani ayoŋ Edom emanit, aari ayoŋ ŋituŋa ka ŋityaŋ ŋulu eya nen; emyek Edom erae ereŋorot koŋin. Emunyaryo a ekileŋ ŋituŋa a Edom akisyakin alo Teman akitodol Dedan.

Mal. 1:3

ido oŋer Esau; adau ayoŋ akituruwor akwap keŋ ŋina a ŋikamukumukui ŋireŋoroto ka aloŋisat ŋina iboiyoto ŋikweei.

Mal. 1:4

Ani ketemasi ŋituŋa ke Edom, ‘Tari daŋ kielielitae akwap kosi, ikidukokini isua nabo.’ Nai ŋuna irworo Ekapolon ŋolo Etiron ikes nu ebe, ‘Epedorete ikes adukokin, nai eeliyalari ayoŋ. Enyarao ikes akwap ŋina aronon, ŋituŋa ŋulu erubakinit Ekapolon enyunyurikina.

Akis. 6:15

Apotu ŋirwosi ŋulu ka akwap, ŋikepukak ka ŋikapolokinitok ŋasigarya, ŋikabarak, ŋikagogoŋok ka ŋituŋa ŋuluce daadaŋ, ŋipi, ka ŋulu nyerae ŋipi, toduka anaturukanin ka anatabab alokidiama ŋimoru.

Ŋikat. 6:2

Aŋuna aponiata Ŋimidian kisicana Ŋisirael nooi, apotu Ŋisirael toduko aŋuna kec ŋakiboisyo ŋunaŋopet lomoru, naturukanin ka toduko ŋaduketa ŋunajiet.

1 Sam. 13:6

Ani eanyunete Ŋisirael atemar kelomasi ikes locan ka kerookin ikes kidiŋ, apotu toŋopa alokuco, anaturukanin a ŋuna aya natabab, analyalin ka anakaumeumei.