Yer. 49:3 - Ebaibul

³ Okoe ŋituŋa a Esibon, kiwololoto, anerae aruwor Ai ereŋorot! Okoe ŋituŋa a Raba, kigworo icelasi! Tonapa ŋiguniyae, kiwololoto, kibuŋata ŋawat kus a ŋadase, anerae eyaaryo akuj kus Milikom nakwap ace kaapei ka ŋisacaradotin ka ŋiketiyak keŋ.

Yer. 49:3 Iomraidhean Croise

2 Sam. 11:1

Ani ekaru ŋol iceere, apaki ŋina aminatar ŋirwosi aŋaanar ŋajorei, kiyakiya Daudi Yoab ka ŋikapolok ŋulu ewuapito Yoab anapolou ta Ŋisirael daadaŋ. Toloto ikes toara Ŋiamoni kikamasi Raba. Nai edoŋit Daudi apaki ŋin Yerusalem.

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 11:5

Arae ŋun aŋuna abunio Solomon kiwuapya Asitores akuj ŋina a ŋisidoniani ka Milikom akuj ŋina a Ŋiamoni.

2 Ŋirw. 23:13

Tomunaiya iŋes ŋaduketa ŋuna aya nenimukur Kide Yerusalem, ŋuna elipere ŋakujo ka ŋuna aya alowae a ŋolo alo kwap emukura ŋolo enyaritae emukura ŋolo ka Akinyasuno (Iŋes emukura ŋolo a ŋikito ka Olipa). Arae sek Solomon ŋolo arae erwosit a Isirael iŋes aduki ŋaduketa ŋun aŋuna ka akuj a ŋina anyaritae Asitarite a ŋina a Ŋisidoniae ka Kemos akuj a Ŋimoabi ta Milikon akuj a Ŋiamoni.

Esir 2:28

ŋituŋa a Besel ka Ai ŋamiae ŋaarei ka ŋatomoniarei ka ŋauni,

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 14:31

Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Isa. 15:2

Aloto ŋituŋa a Dibon kai ka akuj kec, aloto ikes nakiboisyo ŋuna aoyak akigworo; Iwololoete ŋituŋa a Moab aŋuna a ŋitaunio a Nebo ka Medeba. Elurito ŋituŋa daadaŋ abanyany ŋitim ka ŋipeneka,

Isa. 16:7

Aŋun, kimyekisi ŋituŋa a Moab kiwololoto, kimyekisi ŋituŋa daadaŋ kiwololoto aŋuna a Moab. Kigworo, kigworo ikiilorito ŋakiro aŋuna ka akimuj a ŋina ajokan a ŋina imujete iyes alo Kir-Areses.

Isa. 23:1

Ŋakiro ŋuna adwarit Ekapolon aŋuna a ŋituŋa a Tiro ikes nu: Kiwololoto iyes ŋituŋa ŋulu imeto ŋameeli ŋuna a Tarisis, anerae enyasun akibois kus, edoŋ emam akai ka emam neni elomarere nakwap. aponi tolimokinae ikes ŋun eboŋunete alo Kupuro.

Isa. 23:6

Todoka anam toloto Tarisis; okoe iyes ŋituŋa ŋulu iboiyete alodiyete anam, kiwololoto.

Yer. 4:8

Aŋuna a ŋakiro a ŋun, tonapa ŋiguniyae, kiwololoto ka kigworo ibasi, ‘Eriŋa anyunyura ŋina eŋoitor Akuj nyeloto aneni kosi.’ ”

Yer. 46:25

Tolimu Ekapolon ŋolo a ŋajoresyo, Akuj a Ŋisirael tema, “Kiirasi, ayauni ayoŋ akisicanet neni ka Amon a akuj a Tebes ka neni a Parao, Ijipit ka ŋakujo keŋ ta ŋirwosi keŋ, neni a Parao ka daadaŋ ŋulu ikinyomito iŋes.

Yer. 48:2

adaun arwon a Moab. Apotu ikes toyeta ŋuna aronok aŋuna a Moab alo Esibon ebasi, ‘Potu, olemasi iŋes anaraakau akwap!’ Okoe iyes daŋ ŋituŋa ŋulu a ŋikerep, ikisililiŋio, ikiwuapakini iyes daŋ ejie.

Yer. 48:20

Esirumi Moab ŋileec, anerae enyasun iŋes, kiwololoto ka kigworo! Tolimosi alodiyete Arinon atemar enyasun Moab.

Yer. 48:37

“Abanyasi ikes daadaŋ ŋakyes kec ka ŋipeneka kec, eyakasi ŋajemei nakan kec a daadaŋ ka anapa ikes daadaŋ ŋiguniyae anacirin kec.

Yer. 48:7

“Kire jik, aŋuna iponiata iyes kikinyoma ŋaduketa kus ŋunajiet ka abaru kus, iyes daŋ ikikamaryo. Eyaaryo akuj kus Kemos nakwap ace kaapei ka ŋisacaradotin keŋ ka ŋiketiyak keŋ.

Yer. 49:1

Alimu Ekapolon ŋakiro nu aŋuna a Ŋiamoni: “Emamukatar mono Ŋisirael ŋidwe ŋulusapa a? Emamukatar mono ikes ekeruman a? Kaanukiro nai emyekiniata ikes ŋikelipak neni a Milikom ikamarete akwap a ŋituŋa a Gad? Kaanukiro eboikinotor ŋituŋa ŋulu ilipete Milikom lotaunio a ŋituŋa a Gad?

Yer. 51:8

Alotooma apaki ŋina euruwuana, amunaar Babilon ka enyasun jik, kiwololoto aŋuna keŋ, yautu ekitoe ŋolo enyaritae Balam kiwuakis najemei keŋ, acepaki epedori iŋes aŋaleun.

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Amos 1:15

ido erikoryo erwosit a Raba nakwap ace, kaapei ka ŋikapolok ŋulu ipukatotor iŋes.”

Sepan. 1:5

Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Yak. 5:1

Topupokisi tokona ŋakiro kaŋ, iyes ŋikabarak! Kigworo ka kiwololoto aŋuna a ŋican a ŋulu eponito neni kus!

Yos. 7:2

Kiyakiya Yosua alo Yeriko ŋirototin tema, “Toloto torebo akwap ŋina eyai etaun ŋolo anyaritae Ai, ŋolo edunyasi ka neni anyaritae Besapen alo Kide etaun Besel.” Toloto nai ikes torebo Ai.

Yos. 8:1

Tolimok Ekapolon Yosua tema, “Nyikuryaniar, kori nyikibul; toriko ŋikajiok toloto lotaun Ai. Adau ayoŋ akipotokin nakan kon erwosit ŋolo ka Ai kaapei ka ŋituŋa keŋ ka etaun keŋ ta akwap keŋ.

Yos. 8:28

Kicunyak nai Yosua Ai, kituruwo ereŋorot ŋoloruba ka neni asilon tari tokona.